ဆန်ကုန်မြေလေးGong၏ ဗီလိန်အစ်ကိုအားလက်ထပ်ခြင်း {Completed}

Chapter 1✰Edited

" ကျိန်းသေပေါက် သူနိုင်သွားတာပေါ့"

" သူရွှေတံဆိပ်ဆုကို ရခဲ့တာလေ၊ အဲ့မှာသားနားနားနားထည်ထည်ဝါဝါ ကြိုဆိုနေတာကိုပဲကြည့်လိုက်!"

ဆွေးနွေးနေစဉ်မှာပဲ ရှည်လျားတဲ့စောင့်ကြပ်လိုင်းနှစ်ခုကြားတွင် လူတစ်စုပေါ်ထွက်လာသည်။

အဖွဲ့ထဲမှာ လူငယ်အများအပြားပါဝင်ပြီး ရှေ့ကနေဦးဆောင်လျှောက်နေတဲ့တစ်ယောက်က ကြယ်အသင်္ချေဝန်းရံခြင်းခံထားရသော လမင်းလေးလိုဖြစ်နေကာ အနက်ရောင်ဘေ့စ်ဘောဦးထုပ်ကို ဆောင်းထားတဲ့လူငယ်လေးတစ်ယောက်ပင်။

လူငယ်လေးရဲ့အသွင်အပြင်က အရမ်းကိုထင်ရှား၏။ သူထွက်ပေါ်လာတဲ့ အခိုက်အတန့်မှာ TVရုပ်သံလိုင်းတင်ဆက်သူတွေရော စောင့်ကြပ်နေကြတဲ့ အရာရှိတွေပါ စိတ်လှုပ်ရှားမှုဖြင့် ဆူပွက်လာကြသည်။

နိုင်ငံ့အဆင့် ဂျီးနီးယပ်စ်တစ်ယောက်အနေနဲ့ ကျင်ရွှင်ဟာ ဆယ့်ငါးနှစ်အရွယ်တည်းက နိုင်ငံအတွက်ပြိုင်ပွဲဝင်နေခဲ့တာပင်။ လွန်ခဲ့တဲ့ငါးနှစ်အတွင်း ပြိုင်ပွဲဆယ်ပွဲအထက်ပါဝင်ယှဉ်ပြိုင်ခဲ့ပြီး ပြိုင်ပွဲက သေးငယ်သည်ဖြစ်စေ ကြီးမားသည်ဖြစ်စေ သူတစ်ခါမှ မရှုံးနိမ့်ခဲ့ဖူးပေ။

သူက သတင်းတွေထဲမှာမကြာခဏပါလာတတ်တာကြောင့် လက်ရှိဖြစ်ပျက်နေတဲ့ကိစ္စတွေကို အာရုံထားတတ်သူတိုင်း သူ့ကိုကောင်းစွာသိကြ၏။

ဒါ့အပြင် အားနည်းနုနယ်နေတဲ့သူ့ခန္ဓာကိုယ်နဲ့ သိမ်မွေ့နူးညံ့တဲ့မျက်နှာအစိတ်အပိုင်းတွေကလည်း နက်ရှိုင်းတဲ့ထင်မြင်မှုကို စွဲကျန်ရစ်စေသည်။

__ဒီတစ်ခေါက်မှာ သူ့ပါးပြင်က ဦးထုပ်အနားကြောင့် တစ်ဝက်လောက်ဖုံးခံထားရသလိုဖြစ်နေပေမဲ့ ရှည်လျားသွယ်လျတဲ့နှာတံလေးနဲ့ ပါးလျတဲ့နှုတ်ခမ်းလေးကနေတစ်ဆင့် ကောင်လေးရဲ့မျက်နှာအစိတ်အပိုင်းတွေက အတော်လေးကိုချောမောကြောင်း အကဲဖြတ်နိုင်ပေသည်။

သို့ရာတွင် ဒီအလှလေးမှာ ချို့ယွင်းချက်တစ်ခုရှိနေသည်၊ သူကအရမ်းပိန်လွန်းနေတယ်

သူ့ကိုယ်ပေါ်မှာ ဝတ်ဆင်ထားတဲ့ရေပန်းစားလူကြိုက်များ အားကစားဝတ်စုံဟာ သူ့ရဲ့ပိန်ပါးလှတဲ့ပုံရိပ်လေးကို လုံလုံလောက်လောက်ဖော်ပြနေတာကြောင့် သူ့ကြည့်ရတာအရမ်းကိုပိန်လွန်းနေသည်။