نِسْوَة

|2| مريــــم

#نسوة
#حنين_الشوق
.
.
.
.
عادل 'مقعمز في السيارة و عينه على باب حوش مريم و سارح بتفكيره بعيد'
خليل : اسمع يا عادل را حالك هدا مش عاجبني... عادل!
عادل 'تلفت' : نعم؟
خليل : شن في مقعمزين لينا ساعة قدام باب حوشهم شن بنستفيدوا.
عادل 'حط يده على خده و اتكى على الدومان' : نراجي بالك نشوفها.
خليل 'ضحك' : يا والله عليك حاله، به انت بتشوفها و انا شن دخلي، نشوفها معاك ولا كيف.
عادل 'شافله بعصبية' : انت طبس راسك وقت هي تطلع شن تشوفها هده! ولا نقولك معاك حق 'فتح باب السيارة' انزل متراجيش معاي.
خليل 'سكر الباب' : غر اسمع يا صاحب، هكي مش حال راهو تتفرج عليها من بعيد وخلاص.
عادل 'تنهد' : شن بندير بالله عليك، مفيش في يدي شيء.
خليل : كلمها، اعترفلها و قوللها آنك تبيها، شوف هي شن ردة فعلها بعدين تعلق بيها ولا فوت.
عادل : بالله بنكلمها شن بنقول ترا؟ ها يا بنت الناس عجبتيني و نبيك و انا معنديش لا حوش لا شقة لا اي حاجة ! راس مالي السيارة و ستين الف خدمة حاشي فيها راسي!.. و تعرفني جو الارتباطات منبيش نخش فيه و نبيها بالحلال منبيش نضيعها في جرتي.
خليل : قوللها انا معجب بيك و قاعد نكون في روحي و بنجي نخطبك استني عليا شوية.
عادل : لا.
خليل "بعصبية" : مالا خليك مقعمز هنا تفرج على باب الحديد هدا و يجي غيرك ياخذها و انت اقعد صفق.
عادل : تي ا.. 'سكت لما شاف باب الحوش انفتح' حي شكلهم طالعين 'لبس نظاراته، شاف للمرايا بسرعة و عدل لحيته و شعره، قعد يشوفلهم من بعيد لين ركبوا كلهم للسيارة، ولع سيارته'
خليل : متقولش بتمشي وراهم!
عادل 'استنى شوية لين طلعوا و مشى وراهم' : اي
خليل "بضحكة" : لا لا، شن جو العاشق الولهان هدا! عمري ما توقعتك اديرها.
عادل 'ضحك' : اسكت النبي انا بروحي متوقعتش 'قعد يتبع فيهم لين وصلوا لمجمّع تجاري.. درس بعيد شوية و تلفت لخليل' تنزل؟
خليل : وصلوا هنا هما؟
عادل : اي درسوا الداخل 'طفى السيارة، خدى تليفونه و مفاتيحه و نزل'
خليل 'تأفف' : اخر حاجة فكرت فيها في حياتي نقعد نلحق في حد.
عادل 'سابق خليل بخطوات سريعة و ضحك' : مالا فكرهلبا الفترة هده بتتعب معاي.
خليل 'نحى نظاراته و ابتسم على جنب' : انا نقول خش و انت ساكت خير ما يضيعوا منا.
عادل 'شافله على جنب'
خليل : تضيع منك قصدي.. هه.
عادل 'حط يديه في جيوبه و قعد ماشي وراهم و مخلي بينهم مسافة باش ما يلاحظه حد... لين وقفوا على محل'
خليل : شافاتك هي ؟
عادل 'لف على جنب شوية، شد تيشرت ع اساس يشوف فيه و عينه على مريم' : لا منبيش تشوفني اصلا.
خليل ''شد سروال وقعد يشوف فيه' : علاش مالا طالعين وراهم.
عادل : سايرني و انت ساكت النبي را انا بروحي مش فاهم شيء.
خليل "بعصبية" : نفختلي راسي راهو بالتريس.
عادل : ايييااه علينا يا راجل خيرك قداش مرة سايرتك و انت ورا سارة و زمارة سته الاف مرة و انا مرة وحدة بس.
خليل : تي شن هو اللي سارة و زمارة متاعك ماه كنت ناخدلك في قهوة و نعشي فيك و جو غر باش تسكت و متنفخش راسي.
عادل : واللهِ؟ اي بفلوسي اللي مسلفهملك اي صح تفكرت.
خليل : تـ.
: تفضلوا نساعدكم بحاجة؟
عادل : لالا بارك الله فيك 'شاف لخليل'
خليل 'شاف لعادل بعدين للولد، دار ضحكة صفرة' : اعطيني السروال هدا.
: تمام لحظة هي.
خليل : حصلتني في سروال اهو.
عادل : ما قالك حد اشريه 'تلفت، قعد يشوفلها وهي واقفة قدام المحل'
خليل 'خدى الشكارة من الراجل و تلفت لوين ما يشوف عادل' : هي
عادل : ها؟ هيا 'اول ما قام راسه جت عينه في عينها تلفت لخليل طول'
خليل : حي شافتنا 'قعد يدف في عادل 'خش خش المحل هدا خف روحك.