رواية حينما ينقلب السحر على الساحر
بقلم إيمي
Emy Boss
الجزء السادس عشر
لولولولولولوي
مبروك للعروسين ودلوقتي هنقدم فقرة حلوه للعروسين
جابوا العصير علشان العروسين يشربوا بعض
العروسه شربت العريس
وجه وقت العريس بيشرب العروسه
شربت العروسه
وأحست بأنها لا تستطيع التحكم بنفسها وجلست
رضا : مالك يا نهى
نهى : مش عارفه في حاجه غلط.......
حاسه اني مش مرتاحه
انتبه الأهل لما يحدث لنهي
فتقربوا منهم ليعرفوا ما يحدث
ام نهى : مالك يا بنتي
نهى :..........
ام رضا : عروستك مالها يا ابني......
يمكن ضغطها وطي نجيبلها عصير
ام نهى : ماشي هاتوا العصير نشربها تاني
شربت نهى العصير مره أخرى وما ان انتهت
قامت نهى وقد تحول وجهها للون الأحمر
ونظرت للعريس
فاستغرب الكل من تحول وجه نهى
وكان يبدوا عليها انها غير طبيعيه
رضا : مالك يا نهى
قامت نهى ومسكت رضا وكأنها هتضربه
مسك ابوها ايديها علشان متضربش رضا
قامت نهى بصد يد ابوها وزقته
قام كل اللي واقف يكتف نهى علشان متعملش فضيحه في الفرح
لكن نهى قدرت تتحرر منهم ومسكت رضا
قام اخوات نهى بتكتيفها
ولكنها قامت بطرحهم على الأرض
ومسكت رضا وقامت برميه على الأرض وسط المعازيم
وكأنه كوره خفيفه
كل المعازيم بدأوا يستغربوا للي بيحصل
ورغم صغر حجم نهى مقارنة برضا
كانت بتحمله بإيدهاوكأنه ريشه
قام رضا بعد أن صدم رأسه
وهو لا يفهم ما يحدث
ولكن كان ضربه سبب صدمه له......
فنهي احرجته أمام كل اللي موجودين
فبعد ما حدث لم يتمالك نفسه
وقام وراح بالقرب من نهى وقالها
انتي طالق
اتصدم الجميع من كلام رضا
فالكل توقف عن الكلام من هول كلام رضا
الكل نسي اللي عملته نهى بعد كلام رضا
لكن فاقوا على نهى وهي بتحاول تهرب منهم
علشان تروح تضرب رضا
أخواتها وولاد عمها الرجال اجتمعوا عليها
وبدأوا تكتيفها علشان متقدرش تتحرك وياخدوها البيت
فالفرح انتهى بطلاقها
مشي رضا وأهله وتبعه اهل نهى علشان يتراجع عن طلاق نهى
لكن رضا رفض اي كلام
وقال ازاي تمد ايديها على جوزها وقدام كل الناس
حاولوا كتير
لكن للأسف العريس رفض يكمل الجواز
فاق ابوها وامها لبنتهم
وإيه اللي حصل ليها
وازاي اتحولت كده
وهي من خمس دقائق كانت بترقص وفرحانه
كل ده وأخواتها وولاد عمها بيحاولوا يكتفوها
علشان يروحوا بيها البيت
بعد الفرح ما اتفركش
ورغم صغر جسمها الا ان أصبحت فيها قوة عشر رجال
امها انهارت من البكاء واغمى عليها
واضطر اخوها ( خال نهى) ياخدها للمستشفى
وكانت كل المحاولات ان ياخدوا نهى للبيت
لكن
واحده من المعازيم اقترحت عليهم ياخدوا نهى للشيخ محمد
الحاجه ام سامح ( احد المعازيم) : اللي حصل ده شئ غير طبيعي........
بنتك من شويه كانت فرحانه وبترقص مع عريسها
وفي لحظه اتحولت لشخص مجنون
ابو نهى : بتقولي ايه يا حاجه........
عيب تقولي كده على بنتي
الحاجه ام سامح : اسمع مني روح للشيخ محمد في قريه ( كذا ) .........
وخليه يشوفها
يمكن تلحق ترجعها لجوزها
ابو نهى : يعني هيعمل ايه
الحاجه ام سامح : يكون حد عاملها سحر
علشان يموت فرحتكوا
ابو نهى بعد تفكير : تمام
قوليلي العنوان بالضبط
بس هيرضي يقابلنا بالوقت ده
الحاجه ام سامح : مش هتخسر حاجه روحوا ليه
ابو نهى : هنروح........
يا ولاد امسكوها حلو
وعلى العربيه نروح يمكن نلاقي حل عنده
ركب ابو نهى ونهي واخوها وولاد عمها العربيه ووصلوا بيت الشيخ محمد
ابو نهى : السلام عليكم يا شيخنا
الشيخ محمد : وعليكم السلام........ اتفضل
ابو نهى : انا معايا ناس ممكن اجيبهم
الشيخ محمد : تمام هات اللي معاك
الشيخ محمد لقى تلات رجاله مكتفين بنت بفستان فرح بتحاول تسلك نفسها منهم
والتلات رجاله وجوههم واديهم كلها دم
الشيخ محمد : إيه اللي حصلكوا
ابو نهى : زي ما حضرتك شايف كده بنتي كان فرحها النهارده
( ابو نهى حمل فيديو الفرح على موبيل علشان الشيخ محمد يشوف تحول نهى أثناء الفرح )
ابو نهى : من ساعه ما اتغيرت كده وهي عماله تقطع في اي حد بتطوله ومحدش قادر عليها
الشيخ محمد : كلهم أخواتها
ابو نهى :لا واحد بس اخوها
الشيخ محمد : كله يستنى بره ماعدا ابوها واخوها
خرج ولاد عمها بره الغرفه
بدأ الشيخ محمد بقراءة الرقية الشرعية وكان ابوها واخوها مكتيفنها
بدأت نهى تحاول تضرب الشيخ محمد
لكن الشيخ محمد اكمل الرقيه
الي ان تكلمت نهى
نهى : انا مليش دعوه....... انا مليش دعوه.....
هما اللي حطوني هنا
توقف الشيخ محمد عن القراءه
الشيخ محمد : احكيلي ايه اللي حصل بدون ذكر اسماء
اللي على نهى : هقول..... هقول
جمالات هي اللي حطت السحر
استغرب ابو نهى واخوها
الشيخ محمد : ضربه وقاله مش قولتلك من غير اسماء
اللي على نهى : والله مليش ذنب هي اللي حطت السحر في العصير....
ونهي شربته
نظر الشيخ محمد لابو نهى
ابو نهى : فعلا هي اتحولت بعد شرب العصير في القاعه
الشيخ محمد : وهما حطوك ليه في البنت
اللي على نهى : علشان ابوظ الفرح وتتطلق
لان جمالات كانت عاوزه تجوز بنتها للعريس
وهو اختار نهى ورفض بنتها
الشيخ محمد : وانت أديت مهمتك دلوقتي هتخرج ولا لا
اللي على نهى : انا مربوط في جسم نهى مش هعرف اخرج
الشيخ محمد : خلاص افك الربط وتخرج
اللي على نهى : هتفكه ازاي
الشيخ محمد : بالقرآن
اللي على نهى : حتى لو خرجت هيدخلوا غيري كتير
الشيخ محمد : انت عليك تخرج واحنا علينا الباقي
بدأت نهى تهدأ
وشاور الشيخ محمد لابوها انه يسيبها
وما ان سابها فتحت الباب وجريت في الشارع
وولاد عمها واخوها وراها لحد ما رجعوها
الشيخ محمد بدأ بقراءة آيات لتعذيب الجن
اللي على نهى : هخرج.... هخرج..... هخرج..
والشيخ محمد مستمر في القراءه من غير توقف بدأت نهى تتلوي من الألم والشيخ محمد مستمر بالقراءة
وثم انهي الشيخ محمد القراءة
الشيخ محمد : هتخرج
اللي على نهى : هخرج بس هما حاطيين غيري كتير مش انا لوحدي
الشيخ محمد : اخرج وانا هتصرف مع الباقي
اللي على نهى : هخرج
الشيخ محمد لو مسكتك هنا تاني هموتك
اللي على نهى : همشي بس في غيري كتير
الشيخ محمد : هو انت غبي.....
اخرج وملكش دعوه باللي جوه
اللي على نهى : خلاص انا خارج
الشيخ محمد : قول السلام وانت خارج علشان اعرف انك خرجت
علشان بعد شويه هموتك لو لقيتك جوه
اللي على نهى : السلام عليكم
الشيخ محمد بدأ قراءة القرآن مره اخرى ونفث على وجه نهى ففاقت
الشيخ محمد : قومي يا بنتي واستغفري ربنا
ابو نهى كان بيعيط من اللي بيحصل
الشيخ محمد : خليكي جامده واستحملي
نهى ببكاء : والله حرام اللي بيحصل........
والله يا بابا مكنتش عارفه اتحكم في جسمي
والله انا واعيه لكن مش قادره اتحكم كأن مش جسمي
ابو نهى : الحمد لله...... الحمد لله
هو ايه اللي هيحصل دلوقتي يا شيخ
الشيخ محمد : بنتك شربت سحر في بطنها
ولازم نخرجه الأول
هتاخد ترياق هعرفكوا ازاي تاخدوا لمدة تلات ايام هترجع فيه السحر اللي شربته
نهى ببكاء : والله يا شيخ اول مره اعرف
ان كانت بنت خالتي عاوزه تتجوزه
حرام.... حرام منها لله
خالتي موتت فرحتنا
يارب يقعد......
الشيخ محمد قاطعها : متدعيش على حد
وقولي الحمد لله يمكن خير ليكي......
وبعدين متصدقيش الجن لأنه مخلوق كاذب
روحت نهى والعيله بفستان فرحها
وماتت فرحتها فعلا
وأخدت الترياق زي ما الشيخ محمد عرفها
وقعدت شهور تتعالج من سحر خالتها
والحمد لله تعافت كليا لكن للأسف رفض العريس انه يتجوزها مره تانيه
# بنت ادمر مستقبلها بسبب غل وحقد أقرب الناس ليها
# كان درس ليها ان لا تستأمن غدر احد
# زوجها كان معذور فهي خدشت رجولته أمام الناس
# للأسف خالتها ماتت بعدها بشهور بالسرطان وأم نهى ونهى رفضوا يسامحوها
STAI LEGGENDO
حينما ينقلب السحر على الساحر
Paranormaleقصص واقعيه عن السحر ودوره في انقلاب حياة الإنسان رأسا على عقب كتبت عن بعض انواع السحر وبعض الأشخاص الذين تعرضوا له وكيف تمت معالجتهم كلها قصص تابعت شخصيا اصحابها على مدار سنين حتى كتبت قصصهم
