رواية حينما ينقلب السحر على الساحر
بقلم إيمي
Emy Boss
الجزء الرابع عشر
محمود : السلام عليكم
الأم : وعليكم السلام
محمود : مالك يا ماما......... بتعيطي ليه
الأم : مراتك يا ابني...........
شتمتني وبهدلتني
على أخر الزمن اتهزق من واحده قد ولادي
محمود : ليلتها سوده الليله دي
طلع محمود بعصبيه
واول ما هبه فتحت الباب نزل ضرب فيها
وهبه بنت ضعيفه جسمانيا
ولم تستطع ان تدافع عن نفسها
ونزل محمود بعد ما ضرب هبه علقة موت
هبه لملمت ما تبقى منها
واتصلت على والدها ليأتي ليأخذها
وصل الأب وكان في حالة غضب شديد بسبب ما حدث لابنته
ولم يتكلم مع أحد وطلع شقة بنته أخدها ونزل
محمود : بنتك لو خرجت مش هترجع تاني
ابو هبه : تمام بس متنساش تبعت ورقة الطلاق
انصدم محمود من رد ابو هبه
فبسبب هبه محمود تحدي العائله كلها ليتزوجها
ودلوقتي ابوها عاوز يطلقها
وكأنه فاق من كابوس
محمود مسك ايد هبه : لو سمحت يا عمي هبه مراتي ومش هتخرج من هنا
ابو هبه : كانت مراتك هي دلوقتي بنتي وهاخدها على القسم واعمل محضر تعدي
لما اشوف ازاي تمد إيدك على بنتي
محمود بعصبيه : بقولك مش هتخرج من هنا الا على جثتي
ابو هبه قام بسحب هبه لخارج البيت وترك محمود مذهول
محمود دخل لوالدته وبعصبيه سألها : هو إيه اللي حصل النهارده....... احكيلي
الأم ببكاء : بقولها يا بنتي اكنسي البيت قامت فيا زعيق
وقالت انا مش خدامه عندك وهزقتني
خرجت اخت محمود : محمود........ محصلش حاجه من اللي امك بتقوله
ام محمود نظرت لها نظرة غضب
ولاء ( اخت محمود ) : بص كل اللي هبه قالته انها تعبانه ومش قادره تقوم تكنس
وامك بدأت تلقيح كلام عليها
وهبه قعدت تتكلم مع نفسها بس محدش سمع هي بتقول إيه
ام محمود : اكيد كانت بتشتمني
محمود : يعني ينفع كده خليتني اطلع اضربها
وانا من غبائي مسمعتش هي بتقول إيه
حتى هي مش عارفه بتضرب ليه.......
هنعمل إيه دلوقتي في المصيبه دي
ابوها هيعمل محضر فينا
ام محمود : الحقه قبل ما يوصل قسم الشرطه وحاول معاه كده
محمود : خرج جري علشان يلحقهم
وفعلا لحقهم قبل ما يدخلوا
محمود : اهدي يا عمي بس.......
دي مسأله عائليه مش لازم توصل لبره البيت
انا عارف اني غلط بس لازم نتفاهم الأول
ابو هبه نظر له بغضب
محمود : هناخد ها البيت الأول ونعالجها واللي هي عاوزاه هنعمله
نظر ابو هبه لبنته فهزت رأسها بالموافقه
رجع محمود وهبه وابوها للبيت
اول ما دخلوا
ام محمود : الف سلامه يا بنتي.........
والله هو ندمان بس كان غصب عنه
الكل بدأ ينظر لبعضه ومش فاهم قصدها
ابو هبه : حد يفهمني المشكله
ولو بنتي غلطانه انا هحاسبها
بس لو مش غلطانه هاخدها وامشي
ام محمود : محدش غلطان يا ابو هبه
بنتك بسم الله الرحمن الرحيم ظهر عليها عفريت
الكل انصدم من كلام ام محمود
ابو هبه : مش فاهم...... ازاي يعني
ام محمود : بنتك بتعمل حاجات غريبه
وتتكلم كلام غريب
ومحمود لما ضربها كان الجني ظاهر عليها
وهو كان بيضربه علشان يبعد عن هبه
وقعدت تحكي حاجات غريبه لدرجة ان هبه نفسها صدقت ان فيها جني (عفريت)
ابو هبه نظر لهبه واسألها : اللي حماتك بتقوله صح
هبه :...........
ابو هبه : انطقي
هبه : ايوه صح
ابو هبه : ليه محدش قالي قبل كده.........
هشوف شيخ ونروحله
محمود : مفيش داعي هو مشي اصلا بعد ما ضربته
ابو هبه : حصل خير بس بعد كده لو ظهر تاني اوعي تمد إيدك عليها
في الاخر بنتي اللي اتشوهت
محمود : اوعدك هتكون آخر مره
مشي ابو هبه
ومحمود أخد مراته وطلع الشقه وصالحا
لكن كان مستغرب ان هبه اقتنعت بسهوله بكلام امه
ومحاولش يفهم منها علشان تفضل معتقده انه ضربها بسبب كلام أمه
عدي اسبوع وبدأت هبه تتعافي من آثار الضرب
وفي يوم محمود وهبه اتخانقوا علشان كلام والدته
انها مش بتساعدها في شغل البيت
قامت هبه فكت شعرها وعملت حركات بوجهها
ودخلت جابت مقشه وخرجت ضرب في محمود
محمود حاول يهرب منها بس هي عرفت تضربه
وأثناء الضرب كانت بتقوله بصوت غريب
انت ضربتني مره
وده حقي
وانا مارد مش بسيب حقي
ازاي تمد ايدك على ملك الجان
وظل محمود يحاول الي ان خرج من الشقه ونزل عند والدته
بس هبه لحقته وقامت بضرب والدته أيضا
وهي بتقول نفس الكلام
وظلت ام محمود تصرخ
الي ان هدأت هبه لحالها وجلست
هبه بدأت بتحريك رأسها يمينا ويسارا
ثم اغمى عليها
قام محمود بتفحصها وافاقتها حتى فاقت
هبه : هو إيه اللي حصل
محمود وهو خايف بدأ يحكي لهبه على كل ما حصل
هبه : بس انا مش فاكره حاجه
وهو شعري عامل كده ليه
وبدأت بالبكاء
محمود : اهدي...... اهدي......
هنشوف حل
قامت هبه من مكانها : قومي يا ماما
انا آسفه.......
مش عارفه ولا فاكره إيه اللي حصل
قامت الأم وهي بتترعب من هبه ومن منظرها
الأم : مفيش حاجه يا بنتي........
لازم نشوف شيخ يعالجك لان كده ممكن نموت
وانتي مش حاسه
هبه : اكيد....... اكيد.....
هنشوف شيخ
ام محمود : بكره تشوف شيخ ونروح بيها
محمود : انا خايف اطلع الشقه معاكي ليظهر تاني
وانا نايم يموتني
هبه بدأت بالبكاء :مش فاكره حاجه.......
انت خايف من مراتك
محمود : لا خايف من اللي عليكي
بكره نروح لشيخ ونشوفه هيقول إيه
هبه : اللي انت عاوزه هعمله
طلعت هبه شقتها
تاني يوم : اخذ محمود وأمه هبه للشيخ محمد
الشيخ محمد : اتفضلوا
بدأ محمود يحكي للشيخ محمد علي اللي حصل
وطلب من الشيخ محمد انه يحكي على انفراد
محمود حكاله على المشكله الأولى وانه قال كده لوالدها
علشان ما يعمل محضر ليه بقسم الشرطه
الشيخ محمد : طيب خلينا ندخل ونشوف مراتك
نظر إليها الشيخ محمد
وأحس ان هناك شئ خاطئ
الشيخ محمد : ممكن تاخد والدتك بره الاوضه
وانا هنادي لزوجتي تقعد معانا
محمود : واحنا نخرج ليه
الشيخ محمد : لان من كلامك اللي عليها مش بيحبكوا
فممكن يعمل فيكوا حاجه
محمود : خلاص هاخد والدتي ونقعد بره
الشيخ محمد : انتظروا لحتي انادي زوجتي
نادي الشيخ محمد لزوجته وخرج محمود ووالدته
الشيخ محمد لهبه : احنا بقينا لوحدنا
وزوجتي مش هتقول حاجه تسمعها
ممكن اعرف في إيه
هبه : مش عارفه إيه اللي حصل
الشيخ محمد : انا عارف ان مفيش فيكي عفريت ولا تعبانه
بس مش فاهم ازاي ده حصل
خليكي صريحه معايا
هبه بتردد : يعني الكلام ده مش هيوصل لجوزي وأمه
الشيخ محمد : كلامك كله في امان
مش هحكيه لجوزك......
بس قولي الصراحه
هبه بتردد : جوزي ضربني اكتر من مره
ومش بعرف ادافع عن نفسي
ولما قال لوالدى ان فيا عفريت
قولت فرصه ارجع حقي منهم
مكنتش اعرف انهم هيجيبوني ليك
ولو رفضت كان هيضربني تاني
كل اللي انا عاوزاه ما يضربني تاني
الشيخ محمد : هههههههه
والله يا بنتي ونعم التربيه.......
جوزك فعلا مش هيقدر يمد إيده تاني لأنه خايف منك
هبه : الله يخليك يا شيخ ما تفضحني........
والله هطلق لو ضربني تاني لاني مش مستحمله العيشه معاهم
الشيخ محمد : مش هفضحك......
بس توعديني ما تضربيهم تاني
هبه : اذا ما حد بيضربني اوعدك ما هضرب حد
الشيخ محمد : تمام بحلها.......
بس لاني مش عاوز بيتك يتخرب
بدأ الشيخ محمد بقراءة الرقيه الشرعيه على هبه وقام بالنفث عليها
الشيخ محمد بعد فتره من القراءه : ادخلوا
دخل محمود ووالدته
الشيخ محمد : انا رقيت مراتك..... ما تخاف خرج العفريت اللي عندها
بس بشرط
محمود : اي شرط
الشيخ محمد : العفريت قال مش هييجي تاني
بس انت ما تضربها
واذا ضربتها هيرجع تاني
محمود : مش همد ايدي عليها تاني والله
الشيخ محمد : كده تمام خد مراتك وعلى بيتكم
وانتي يا هبه ما تتعصبي علشان العفريت ما يرجع تاني
هبه : حاضر يا شيخ مش هتعصب
روحوا كلهم
والحمد لله الي الأن هبه ومحمود وأم محمود عايشين سوا بدون مشاكل ولا ضرب
# هي كانت من المواقف المضحكه اللي قابلت الشيخ محمد
# ما يعتبر كذب لان في بيت هيتخرب بسبب كده وخصوصا لو والدها عرف انهم كذبوا عليه بخصوص انها ملبوسه
اذا اعجبتكم الروايه ارجوا التصويت لها
وان تتابعوني ليصلكم كل جديد
आप पढ़ रहे हैं
حينما ينقلب السحر على الساحر
अलौकिकقصص واقعيه عن السحر ودوره في انقلاب حياة الإنسان رأسا على عقب كتبت عن بعض انواع السحر وبعض الأشخاص الذين تعرضوا له وكيف تمت معالجتهم كلها قصص تابعت شخصيا اصحابها على مدار سنين حتى كتبت قصصهم
