قصص واقعيه عن السحر ودوره في انقلاب حياة الإنسان رأسا على عقب
كتبت عن بعض انواع السحر وبعض الأشخاص الذين تعرضوا له
وكيف تمت معالجتهم
كلها قصص تابعت شخصيا اصحابها على مدار سنين حتى كتبت قصصهم
رواية حينما ينقلب السحر على الساحر بقلم إيمي Emy Boss الجزء الثالث ام زياد : يا ابو زياد واحده قالتلي نودي زياد لشيخ يشوفه يمكن نلاقي علاج ابو زياد : يعني الشيخ هيفهم اكتر من الدكاتره ام زياد : مش هنخسر حاجه لو روحنا يمكن تتحسن حالته ابو زياد : اللي انتي عاوزاه اعمليه انا زهقت من اللف عند الدكاتره ام زياد : خلاص نروح بكره عند الشيخ اللي قالت عليه صحبتي ( تاني يوم ) راحوا للشيخ محمد وخبطوا على الباب الشيخ محمد : حاضر جاي ابو زياد : كنا عاوزين حضرتك في طلب الشيخ محمد : اتفضلوا ابو زياد : ده زياد ابني عنده ١٢ سنه مبيسمعش ولا بيتكلم لما اكتشفنا وهو صغير انه مبيسمعش كشفنا عليه الدكتور لقى شوية التهابات بس متمنعش انه يسمع طول ال ١٢ سنه بياخد ادويه وعملنا إشاعات كتير وكل دكتور يقول عنده حاجه غير الدكتور التاني ولما نعالجه يطلع عنده حاجه تانيه وهكذا طول ال ١٢ سنه لكن النتيجه انه مازال مبيسمعش كل دكتور نمشي معاه يدينا امل ان هيبقى حلو لكن النتيجه صفر مفيش جديد في حل عند حضرتك الشيخ محمد : اكتشفوا انه مبيسمعش وهو عمره قد إيه أم زياد : سنه الشيخ محمد : يعني سنه كامله محدش خد باله انه مش بيسمع ام زياد : كان بينتبه لما يسمع صوت لكن مره واحده مبقاش ينتبه الشيخ محمد : طب حصل حاجه غريبه ولاحظتي بعدها انه مش بينتبه ام زياد : اه كنت شايلاه وداخله الحمام واتزحلقت انا وهو
Oops! This image does not follow our content guidelines. To continue publishing, please remove it or upload a different image.
ومن بعدها لاحظت انه مش بينتبه الشيخ محمد : كده في احتمال انك وقعتي على جن كان في الحمام واتأذي وحب يأذيكي فعمل كده في ابنك ام زياد : في حل يا شيخ الشيخ محمد قولي ربنا يشفيه هنعمل اللي علينا والباقي على ربنا بدأ الشيخ محمد بقراءة الرقيه الشرعيه على زياد حتى انهي الرقيه الشرعيه لكن زياد مكنش في رد فعل منه نهائي الشيخ محمد هتاخدوا الميه دي يشرب منها وجيبوا ورق نبق وافرميه مع الميه ويغتسل بيها وبعد اسبوعين هنعمل حجامه على الرأس وبعض الأماكن اللي هقولها وهنكرر ده لمده ٣ شهور ورا بعض ونشوف النتيجه ودايما تبقوا على تواصل لأعرف الجديد ( بعد اول حجامه ) ابو زياد اتصل على الشيخ محمد ابو زياد : مفيش جديد يا شيخ بس انا حاسس انه عاوز يتكلم لكن لسه مش بينتبه (بعد تاني حجامه) ابو زياد : ايوه يا شيخنا كنا في فرح وصوت الدي جي عالي ولاحظت ان زياد زي ميكون مزهول ( بعد تالت حجامه) ابو زياد : يا شيخنا زياد بدأ ينتبه للأصوات بس العاليه شويه الشيخ محمد : خليني اشوفه بكره ( ابو زياد أخده تاني يوم ) الشيخ محمد بدأ يرقيه تاني بس الولد المره دي كان منتبه لكلام الشيخ بس واضح انه مش فاهم لكن كان بيعيط ومش عاوز الشيخ يلمسه الشيخ محمد : هنعيد تاني اللي عملناه الشهور اللي فاتت بس هنفصل شهر ونبدأ من جديد والمره دي تابع مع دكتور واعمل مقياس سمع كل شهر لنشوف نسبة التحسن ابو زياد : حاضر يا شيخ ربنا يباركلك في صحتك بعد خمس شهور من العلاج أصبح زياد يسمع كل شئ لكنه كالطفل الصغير لا يستطيع الكلام ولا يفهمه طلب الشيخ محمد ان يتعاملوا معه كالطفل طول النهار يقولوا كلام وهو يردد وراهم لحد ما يخزن في المخ مفهوم الكلمات اللي بينطقها بعد حوالي سنه أصبح يتكلم كالأطفال بكلام متكسر لكن بيفهم اللي بيتقال قام والديه بتحويله بعد عام آخر من مدرسه الصم والبكم الي مدرسه عاديه لأنه أصبح مثل باقي زملائه
Oops! This image does not follow our content guidelines. To continue publishing, please remove it or upload a different image.
# خلينا ناخد بالنا من أولادنا # لازم نفهم ان الأماكن المهجوره والحمامات موطن للجن # قبل ما ندخل الحمام نقول أعوذ بالله من الخبث والخبائث لأنك بكده بتنبه الجن الموجود انك داخل # شغلوا سورة البقره بتطرد الشيطان والجن من المنزل
