အဖြူရောင်နုနု(complete)🚨

Chapter 3 unicode

ငွေရှိတဲ့ယောက်ျားတွေရဲ့ဖောက်ပြန်ပျက်စီးနေတဲ့
လောကကြီးကိုကောမေမေထည့်မတွက်ဘူးလား
လို့နုနုပြန်မမေးချင်။

နံနက်စာပြင်ဆင်ဖို့မီးဖိုခန်းထဲလှမ်း၀င်လိုက်သည်။
အဒေါ်ကြီးနဲ့ကောင်မလေးတို့အရိပ်အယောင်ပင်မ
မြင်ရသေး..၊အင်းလေညကဒင်နာပွဲမှာပြီးတဲ့အထိ
သူတို့လည်းခါးချိမတတ်သိမ်းဆည်းရသည်ကိုး။

ကိုဗညားကဘာစားတတ်မှန်းမသိသေးတော့..ရှိတဲ့
ပစ္စည်းနဲ့နုနုစားတတ်တာပဲပြင်နေလိုက်သည်။
နောက်ကြမှမေးပြီး အကြိုက်ညှိယူရမည်။
နုနု ပါမုန့်နဲ့ကြက်ဥကြော်နေတုန်း..နောက်ကနေ
ခါးလေးကိုယှက်ဖက်ချင်းခံလိုက်ရသည်။
" အမလေး...."
" နုနု လန့်သွားလား ဆောရီး ဆောရီး..."
ယောင်ရမ်းကာယောင်းမနဲ့လှည့်ခေါက်မိတော့မလို့၊
ဗညားရှိန်းကရယ်ကြဲကြဲနဲ့..
" ကိုယ် နိုးနိုးချင်းနုနုကိုမတွေ့လို့ ဆင်းလာတာ..
နုနုများ ကိုယ့်ကိုစိတ်ဆိုးသွားပြီလားလို့..."
ဟွန်း..သူလုပ်ထားတာသူမှတ်မိပြီးမျက်နှာချိုလာ
သွေးနေတာပေါ့။
နုနုကဘာမှပြန်မဖြေတော့...
" နုနု ကိုယ့်ကိုစိတ်ဆိုးနေသလားဟင်..."
ဆိုးတယ်လို့ဖြေရမှာလား?မဆိုးပါဘူးလို့ဖြေရမှာလား? ဒုက္ခပါပဲ။
" နုနုက ဘာကိုစိတ်ဆိုးရမှာလဲ?"
" အင်း အဲ့တာ..ကိုယ်...လေ...
ကိုယ် နုနုကိုချစ်တယ်.. နုနုကို စတွေ့ကတည်းက
စိတ်၀င်စားမိတာပါ..."
စောစောစီးစီးမျက်နှာမသစ်ဘာမသစ်နဲ့..ကြည့်အုံး
ရည်းစားစစကားပြောတာကလည်းမင်္ဂလာဦးည
တောင်ဖြတ်သန်းပြီးမှတဲ့လား။ သိပ်စောလွန်းမနေ
ဘူးလားရှင့်...
" နုနု ကော..ကိုယ့်ကိုပြန်ချစ်နိူင်မလားဟင်"
" ကိုဗညား..."
" အင်း...ပြောပါနုနု..."
" မျက်နှာအရင်သွားသစ်လိုက်ပါလား ဒီမှာနံနက်
စာကရတော့မယ်..."
" သြော် သြော် ဟုတ်သားပဲ.. မေ့နေတာ...
မျက်နှာသစ်ပြီးမှ..နုနုကို အဲ..နုနုပြင်တာ စားတော့မယ်..."
ပြောပြီးရယ်ကြဲကြဲနဲ့ခလေးလိုပြန်ပြေးတတ်သွား
တော့သည်။
ဟင်းးး တကယ်ပါပဲ။
>>>>>>>>>>>>>

မင်းထက်နေနိုင်..ဆရာ၀န်တစ်ယောက်မို့မနေ့က
ချစ်သူရဲ့မင်္ဂလာရက်မြတ်မှာနိုက်ဂျူတီကျနေခဲ့တော့..အသဲတောင်ဖြောင့်အောင်မကွဲနိုင်ခဲ့ပေ။
ဆေးရုံမှာလူနာတွေကြားမှာအယောင်ယောင်အမှားမှားနဲ့၊ အော်ညည်းညူနေတဲ့လူနာတွေကြားမှာသူအသဲကွဲတာကပမွှားကိစ္စဖြစ်သွားရသည်။