Everything Leads to You

01

A/N: I started a story I wasn't supposed to start, and posted it here when I wasn't supposed to post it yet, but here we are. Please read at your own risk na lang po muna since I have no idea when I'd finish this. Kunyari preview lang muna siya of a future WIP. Sorry po.

╮(＾▽＾)╭

This is BL. As in the two main characters who will fall in love with each other are both boys. If you don't like the genre, please skip the story na lang po. THANK YOU though to those who encouraged me to write and share this. I appreciate you. Thank you very much!

P.S. The cover is from Canva. As in it's one of their free templates, but I think the guy is perfect for one of the MCs. 💜

Here we go!

---

01 - ARKIN

"KUNG MAY isang tao sa mundong ibabaw na gagawin ko ang lahat para mapasaya... hindi Ikaw 'yun," nakasimangot kong sabi sa buwisit na lalaking kasama ko sa kotse. "Mommy ko o kaya ate ko, oo. Si Dad, probably. Pero ikaw? No."

"What? Why not?" Flynn, the whiny bastard, whined. "Best friend mo ako!"

"Si Djoser ang best friend ko."

"Wala si Djoser ngayon!"

"Exactly. So hindi niya ako hinihingan ng mga ganyang klaseng pabor."

"Dude!" hirit ni Flynn. "Ngayon lang naman! Saka ililibre naman kita!"

Pinandilatan ko siya. "Ano'ng akala mo sa 'kin? Patay gutom?"

He paused. "Yeah, a little."

"ANO?"

"Of course not!" biglang bawi ng walangya. "Pero, sige na! Ngayon lang talaga! Ang lapit na kasi natin o!"

"Anong malapit? Nasa MOA tayo! Sa Quezon City mo gusto pumunta!"

Confused yet? Sorry. Let me catch you up. My name is Arkin Harper Mallari. The whiny bastard in my passenger seat is one of my best friends, Flynn Garcia. Kasalukuyan akong nagmamaneho pauwi dapat pero biglang nangisay si Flynn dahil nakitang nag-check in (via FB) sa isang restaurant sa anak ng pating na Quezon City 'yung bago niyang crush na si Amanda Tuazon. At ngayon, pinipilit niyang pumunta kami d'un.

"Sige na! Para makasilay ako!"

"Makasilay?" himutok ko. "Sa IG ka na lang sumilay! Saka utang na loob, sabihan mo siyang huwag siyang mag-check in sa isang lugar 'tapos balak niyang tumambay d'un! Ang daming tarantado ngayon na stalker ano!" I pointedly looked at him.

"Hindi! Kapag nag-check siya na gan'un, madalas may kasama naman siyang mga kaibigan," giit ng ungas. "Sige na, Arkin! Please? Ililibre kita ng dinner at dessert."

"Pagod na ako," I... well, whined. Pagod naman kasi talaga ako.

Halos katatapos lang ng academic year, at kakasimula lang ng break. Ilang araw lang ako nagkaroon ng konting pahinga bago ako pinapasok ng ate ko sa opisina para raw ma-practice ko na 'yung napag-aralan ko kasi "pag graduate mo, ikaw na ang bahala sa marketing department natin! Might as well start early!"

Overachiever ang ate ko, actually. She developed her first app when she was 14, then started her own company at 19. She has a team of 30 people working for her now, developing apps, games, and computer software. Sikat din siya na gamer/streamer, at ilang beses na siyang nananalo sa mga online gaming competition... contest... Olympics? I don't know. Hindi ko nakuha 'yung gamer gene ng mga magulang namin eh. I mean, I suck at Mario Kart.

Anyway, 'yun nga. Ilang araw na akong may summer job, at ngayon ang unang araw dapat ng rest and relaxation ko, and then this jerk wants me to drive in rush hour traffic to maaaaybe see someone he likes who may or may not be in the restaurant she said she would be.