تـنـاثـرو ونـدثـرت

البارت 16

مساء الخير عذروني لان البارت قصير اعوضكم بلبارت الجاي انشالله

#تــنــاثــرو_ونــدثــرت

#بــقــلــمــي_بــتــول_حــسـيــن

#بــارت16

------------------------------------

ذوبي من نار الجفة .. او بدموعج
اليجرن تهني
اوعني .. خليني استجن .. يمعذبه
.. اشتردين مني .. ؟
او هذا عمري مكَالب اويه الضيم
.. ما مر الضحج .. مرة
اعله سني
اوهذا حجي الناس .. اون
من لوعتي .. اوكَالوا :
يغني

----------------------------------

اريج : گعدتها وسولفتلها كلشي فرحت وياي
وذكرتني بشغلة كلش مهمه دراستي

دزيتله لماهر رسالة

اسئلك سؤال مهم قبل متگول لاهلك ،، ودراستي اكمل لو لا ؟؟؟

وصلتني رسالة منه بسرعة فتحتها

ماهر :  اكيد لا

اريج : اني اريد اكمل ،،، رديت عليه ،، لعد ماكو قسمه بينا اني اهم شي عندي دراستي

ماهر : اهم مني ؟؟

اريج : طعباً واني شوكت عرفتك حتى تصير اعز من دراستي

ماهر : شسوين بلدراسة بس تعب لان حتى اذا درستي من تخلصين اگعدج بلبيت ماكو تعين وماعرف شنو

اريج : و اني گتلك اذا هيج ماكو قسمة لان اني اهم شي دراستي ومستقبلي حتى اذا اتعب

ماهر : الله يوفقج

اريج : انقهرت كلش وتقى گالت انتي اختاريتي دراستج لا تضوجين گملي وألف واحد يتمناج
بس اني احبه وفرحت لان يريد يخطبني ويحبني بس لو يقبل بموظوع الدراسة

ضل يجينا وعادي نظراته ماتغيرت من يشوفني واني ماگدر ابعد عنه دائماً ادور عليه اريد اشوفة واكحل عيوني بشوفته

بعد فتره رجع تواصل وياي وحاول يقنعني اترك الدراسة بس اني ضليت متمسكة بدراستي ومستقبلي

وتركت التواصل وياه ومر شهر وفجأة سمعت حسن يسولف ويا امي يكلها اهل ماهر هنا وامي طبخت وودتلهم صينيه

اني بلبداية عبالي انتقلو لهنا بعدين هو اتصل وگال حضري نفسج اهلي باجر يچون يخطبوج ،،
گتله ودراستي ،، گالي كلشي تريدي يصير انشالله

كلش فرحت بس فرحتي ماكملت لان ريتاج اجتي زعلانه خطيه اجت امه واخواته ثنين وتعرفنا عليهن واحچن ويا امي يريدون يخطبون منه وكم يوم ويرجعون يجون رحت للسوگ وشتريت فستان حلو وبسيط حتى من يرجعون يجون ألبسه

چنت گاعده ادرس العصرية وريتاج تسولف وياي ودخلت تقى

تقى : يله عيني اريج رتبي نفسج اتصلو على امي راح يجن