تـنـاثـرو ونـدثـرت

بارت 10

اليوم استراحتي بس انتم لحيتو عليه تريدون بارت وكتبت بس طلعت من الواتباد ورجعت لكيت البارت محذوف ورجعت كتبت من جديد  وهذا الگدرت اكتبه

#تــنــاثــرو_ونــدثــرت

#بــقــلــمــي_بــتــول_حــسـيــن

#بــارت10

--------------------------------------

ريحانة : گعدنا نتعشه وبديت اسولف وياه وخليته يرتاح ويأمن وسولفلي اسراره وياريت ممسولفلي حسيت ماكو داعي اكمل وياه وانخذل مره ثانية

جاسم : راح اسولفلج كلشي من البداية بس هذا الحچي يضل بيناتنا اني من توفت زوجتي قررت اعتمد على نفسي واربي ابني وما اتزوج

لان المرحومه اخذتها على حب اختي الصغيره چانت مو متزوجه جبتها گعدتها وياي بالبيت دللتها هيه وابني وما قصرت وياهم بشي وهي بدورها ماقصرت وربته احسن تربيه

واني جنت عندي خير من الله بس من تزوجت اختي طلعت ابني چبير وقتها يعتمد على نفسه بس من استشهد الله يرحمة اني ضليت وحدي وبعدها فتره ضلت تچي عليه هاي البنيه جيرانا كان وقتها زوجها متوفي من سنه ضلت دائماً توديلي اكل او خبز

وبعدين هي صارت تخبز اليه وللناس بفلوس لان عدها اطفال ومحتاجة ودائما تشكيلي من العوز العايشته اني صرت دائماً انطيها اعتبرها صدقة بأسم زوجتي وابني الله يرحمهم بس عرفت عليها سمعة شوية بلمنطقة وبدت

ميانتها وياي كلش وكثرت جياتها للبيت واكثر شي بليل وگالت اني احبك بس اني ماگدرت ازوجها لان عليها سمعة وحاولت ابتعد عنها ماگدرت ومن چياتها بليل دخل الشيطان بينا وصارت علاقة بينا

واني ماقصرت وياها شفتي الخير العايشه بي هسه كله مني وبطلت خبز وگعدت بلبيت وهواي رادت اتزوجها وماقبلت اني وشكيت بيها مسويتلي شي لان ماگدر ابتعد عنها ولا اگدر ارفضلها طلب

فلوسي كلها بس الها بعدين اتأكدت مسويتلي ربط ماگدر لا ازوج ولا اتقرب لوحده ثانية غيرها حاولت هواي افتح الربط وكلها تاخذ فلوس وجذب كلشي ماكو

اني هم مليت من حالتي يبنت الناس وگلت اسولفلج حتى يرتاح گلبج مضلين تفكرين ترا لا تشوفيني هيج متعوب عبالج شايب اني ازغر من ابوج ب 10 سنوات بس من راح ابني صرت هيج

ابريني الذمة اني گلت ازوج حتى ابتعد عنها او هيه تبتعد عني وبمرور الايام ينفتح الربط بس مصار اي شي من التوقعته فكرت بي وشوفة عينج وضعي وهسه انتي عرفتي كلشي ضلت بكيفج تريدين تعوفيني واطلگج هذا حقج واني حاضر ماقصر وياج بشي ويوصلج حگج كامل تريدين تضلين وياي لمن الله يفرجها علينا ونشوف حل  اخليج على راسي وبين عيوني

ريحانة : ضليت اسمع وابچي على حضي هم سحر وهم راح انخذل ويذبني اخر شي مثل عادل ليش متعجبة اني هذا حظي واعرفة هه يگلي طلاگ حتى اهلي يذبحوني ويدفنوني ابوي لان كسرنا كلامة اني وعادل طلگني وراد يعاقبني او ينتقم لكرامتة وحتى جهالي ماحن عليهم او انكسر خاطره شالهم وانطاهم