البداية (اعداء بالدم)

من البداية اعداء من الدم

الفصل الخامس

شباب حد فيكم اتخزوق قبل كده محدش يستغرب من سؤالي وله يتكسف يقول انا الان اغلبنا بيجي عليه وقت و عنينا تغفل عن حجات كتير اوي في الوقت ده بس يجي الخازوق و الصراحه هو بيجي كمان في الاوقات اللي تكون فايق فيها انا مش عارف اقولكم ايه بس الخزوق كده كدة جي و بيجي من كل اتجاه بس اللاسف بيجي من اتجاهات تخليك مش واعي ابدا ليها و هيا دي المشكله دايما في الاتجاه الغير معمول حسابه

بدايه الفصل

رجع مرتضي يقعد معاهم بعد ما اخد قراره
ادم : ههههه لا محصلش
خالد : ياض بطل كدب هههه ده انتا سلمتني على اول كمين
ادم : محصلش
رودي : كده تسلم اخوك
ادم : اعمل ايه طيب انا كنت بعلمه السواقه و نزلين من البيت لا معايا المحفظه وله البطاقه وله هو كمان وله رخصتي وله رخصه العربيه من الاخر كده معناش حاجه خالص يقوم يعمل ايه البيه يقول لي الضابط انا مصور البطاقه على التلفون اتفضل شوفها انا بصيت لي الضابط و رفعت ايدي الاتنين في الهوا و قولت وله اعرفه يا باشا ده خطفني
خالد : ههههههه شوفت انك مسلمني
سهر : يامان واطي انتا
محمد : لا و بعد ده كله يقولي يا حج شوف حل مع ابنك ماشي و معهوش اي اثبات شخصيه مينفعش لزم يتحط حد لي التسيب ده و انا اقوله معلش يا ادم اخوك الصغير معلش يابني و في الاخر طلع هو اللي ملبسه
ادم : معلش بقي اصل الجري نص الجدعنه و انا كنت لسه مستقيل من قريب و محطوط تحت رقابه امنيه لو دخلت القسم كان زماني في سجن عسكري
مرتضي : انتا طلعت من هنا و الفريق بتاعك اولهم انا اتحطينا تحت رقابه امنيه و تحقيقات ان اسباب انفصالك عن الفريق و سبب خروجك و طبيعه علاقاتنا بيك
امال : اشمعنا و انته مالكم اصلا
مرتضي : لا زمان غير دلوقتي زمان كان عادي لكن دلوقتي بعد انفصال شخصيات مدربه في الجيش و دخولهم الجماعات الارهابيه بقي في تدقيق امني على اي حد يخرج و الفريق اللي كان فيه كمان
امال : دي عشماوي بتاع مسلسل الاختيار
مرتضي : اهو المسلسل ده بكل تفصيله حقيقه علشان كده في تدقيق على اي فرد عسكري اخد تدريب عادي و تدقيق اكبر لو اخر تدريب استثنائي
خالد : و على كده بقي ملفات التقديم بتطلع امته
مرتضي : انتا ناوي
محمد : نفسه
مرتضي :طيب ها تخلع بعدها وله ناوي تكمل بجد و متبقاش عيل زي اخوك
خالد : اخلع ايه انا قتيل الشغلانه دي
مرتضي : هههه ماشي يا خالد اول ما تطلع الملفات ها بلغ ادم تسحب الملف و تقدم بس شد نفسك شويه تمرينات و تأهيلات و كده
ادم : يا باشا تحت اشرافي
مرتضي : يا عيني يابني انتا عملت ايه في دنيتك علشان يدربك السادي ده
ادم : لا وله حاجه عايز يدخل الميري بس ها وريه
سهر : الويل
خالد :النجوم في عز الضهر
ادم : والله كنت ها قول الميري بس ميفرقوش كتير عن بعض
محمد : بس هو يشد حيله و يدخل
ادم : و متخفش ها خلي الشباب يحطوك في الكتيبه بتعتي القديمه
خالد : يا ريت
مرتضي : طلبها و نلها
ادم : ربنا يقدرنا على فعل الشر
سهر : انا مليش في قعده العواجيز قايمه اتمشي تعالي معايا يا رودي
رودي : ماشي
سهر : ادم تعاله معانا
ادم : ماشي