البداية (اعداء بالدم)

الشرف

الفصل الخامس

مينفعش تدي واحد اكبر من حجمه اصل كل واحد و ليه حجم في الحياه و مكانه مينفعش انتا تزيد من المكانه او الحجم بتاعه الان محدش ها يدفع الثمن غيرك انتا و بس انتا بس اللي ها تتعب و يطلع عين اهلك علشان توضح لي الشخص فكره واحده بس كابتن انتا قليل انا اللي مكبرك انا اللي مديك المكان ده مش حد تاني فا متحولش تكبر من مكان حد الان صدقني محدش يستحق ده منك خالص تصدق وله انتا كمان غور ياض من وشي يله

بدايه الفصل

شخص : انا ادم محمد الشامي
علي : اهلا يا ادم اتفضل
ادم : (قعد قدام علي و حط رجل على رجل) سمعت عنك كتير
علي : من مين
ادم : من سيف الملكي و كمان عن ولدك كانت اتمنا اني اقابله بس الموت كان ليه رأي تاني
علي : دي المشكله دايما
ادم : رأي الموت
علي : لالا رأي الموت ده حق و ها يجي يعني ها يجي بس الدخله نفسها حلوه و حلوه بزياده كمان علشان كده انا شايف مشكله
ادم : و ليه بتقول مشكله ممكن تكون مصلحه
علي : تؤ مفيش من وره الكلام الناعم مصلحه بس و ماله اسمع
ادم : طيب اسمع انا مش زي اي حد اتعاملت معاه او ولدك اتعامل معاه انا مش بفكر في اي حاجه غير المصلحه انا مش عيل مرفه انا في وقت من الاوقات كنت شغال سواق توكتوك في عين السيرة فا علشان نكون على نور اللعبه معايا مختلفه
علي : تقديمه حلوه جدا بس برده عايز ايه
ادم : فلوسي
علي : فلوسك اللي هيا
ادم : بص يا سيدي انا بنك متحرك ايوه احنا في السوق شركه صغيره جدا بتسعه لي مكان وسط حيتان السوق بس الحقيقه في السوق الاسود احنا تجار فلوس بنوك بنقدم قروض لي الناس و نخدها بالفوايد تمويلات و الهانم سحبت مني مبلغ و انا عايزه
علي : طيب و المبلغ ليه معاد استحقاق يعني معاده دفع
ادم : ايوه و هو مش دلوقتي بس بما ان الهانم في حاله صحيه سيئه و انا الصراحه بتمني ليها انها تقوم بالسلامه انا مش ضامن الفلوس علشان كده بطالب بيها
علي : طيب كام
ادم : مليار دولار
علي : طيب ثواني بس (بدا يفتش في جيوبه) معاك فكه عشره مليار
ادم : (ضحك بستخفاف) فاكرني بهزر
علي : الصراحه ايوه ادم بيه الشامي طبعا اسم حضرتك اسم كبير اسم عائله الشامي بس خلينا على السكه و الدغري بما انك مش بتتكلم باسم العيله انا بتكلم باسم العيله و علشان نكون على نور اسم عيله الصمدي في سوق الدم مشاء الله مشرف جدا سجل كبير من عدد الاموات اللي ماته على ايدنا فا لو جي تهدد تؤ بعيده عنك بمليارات السنين الضوئيه بس لو عايز فلوسك برده مش ها ينفع الهانم في حاله صعبه تمنعني اني اسأل حتي الساعه كام معاكي يا ماما
ادم : يعني
علي : يعني ها تصبر معانا زيك زينا لحد ما الهانم تفوق و بعدها تاخد فلوسك و عليها اموه بوسه
ادم : ده اخر كلام
علي : ايوه و خليك فاكر اللي بيحكم في السوق الاسود هو الاسم و اسم الصمدي جنب الشامي زي الفرق بين الجبل و التبة و اعرف الفرق بنهم بدماغك بقي و بفهمك انتا فا لو جي في دم اقف في الطابور و صدقني الطابور طويل جدا جدا و اطول بعد موت الباشا بس طابور المحبين قصير انصحك به و ده اخر اخر كلامي
ادم : طيب و انا ردي ها يوصلك قريب جدا
علي : الصراحه انا منتظر ردود كتير جدا الفتره دي و محدش موجود اساسا علشان يبعتها فا خليك موجود شويه و خد فلوسك يا سيدي بس جو ردي و ردك ده ميمشيش معايا خالص صعبه عليك دي شرفت يا ادم بيه و انا سعيد اني قابلت حد من عائلة الشامي اتفضل
ادم : و ماله (قام) خلي بالك علشان اللي رجله بتيجي تحت منه ملهوش قومه و انا ها صبر لحد ما الهانم تفوق عادي بس بعد كده ليا كلام تاني معاها ازي تدخل غيبوبه من غير ما تسيب ليا فلوسي و دي فيها كلام سلام
علي : سلام يا حماده شرفت

مشي ادم من وش علي و طلع بره ركب عربيته مع فريق الحرس و كلم سيف الملكي و هو في الطريق
ادم : عندك حق الواد فاهم بيعمل ايه
سيف الملكي : حقيقي وله
ادم : لا حقيقي فاهم و عارف و بايع الدنيا باللي فيها
سيف الملكي : بايع
ادم : ايوه مش باقي على حاجه تهديد صريح من المحصل يترد عليه اتفضل فلوسك مش استنه و لو مش عجبك اخبط دماغك في الحيط
سيف الملكي : و اكيد مقلهاش صريحه
ادم : صريحه ازي يا سيف
سيف الملكي : كده تمام جدا سيبه ها يجي وقت و نفهم عرف كل ده منين و دماغه شغاله في انهي سكه
ادم : طيب نتكلم بعدين

فجأه العربيه وقفت و الباب اتفتح و دخل منه شخص
ادم : (بكل برود) ايه عليك فلوس وله جي ترخم
شخص : الصراحه جي ارخم عليك اعرفك بنفسي انا الدكتور
ادم : الدكتور اهلا يا دكتور خير و على فكره ناس كتير بتسأل عليك بس برده اشتري خير
الدكتور : عايز اتكلم معاك شويه بخصوص شخص مشترك بيني و بينك
ادم : اللي هو
الدكتور : ادم انتا مش واخد مكانك الطبيعي وسط الحياه ادم محمد الشامي مجرد تاجر فلوس تؤ قليله
ادم : لا مش قليله
الدكتور : اسمع مني قليله اوي كمان انتا عبد لي الفلوس
ادم : على اساس انك ايه دكتور كلنا عايزن الفلوس و كلنا ها نموت و نوصل لي الثروه كلنا عايزن نفس الحاجه انتا ممكن تكون عايز السلطه صح بس السلطه بتيجي بالفلوس كلنا عايزن الفلوس و مكسوفين نقول عايزن الفلوس الان احنا اجبن من اننا نطلبها مش ها نكذب على بعض
الدكتور : معني كده ان اهدفنا واحده
ادم : ايوه اكذب لا احنا فعلاً اهداف واحده لي الكل من اول الموظف العادي لي اكبر راس في العالم سواء عايزن السلطه او الفلوس اللي هما واحد بس طريقي غير طريقك خالص
الدكتور : في دي اختلفت معاك في ايه طريقي و طريقك واحد دم عارف يعني ايه دم
ادم : لا اسمع عنه بالشبه كده اكيد عارف يعني ايه دم
الدكتور : و لسه شايف ان انا مختلف عنك
ادم : طبعا انتا عايز توصل لي غايه غير السلطه او الفلوس انتا الوحيد اللي شوفته كده انا مش عايز حاجه غير الفوضي و بس الخوف و بس انتا مختلف عن كل اللي سبقوك الان هدفك مش اي حاجه غير الفوضي علشان كده مش ها تنجح
الدكتور : و مين اللي قال انتا
ادم : انا و انتا و التاريخ كله يفصل بيني و بينك مش ها تنجح في اخراج الفوضي
الدكتور : ههههههه انا اسف اني بضحك بس كلامك مضحك فعلاً يعني انتا شكلك في غيبوبه اتفرج على شكل العالم دلوقتي الصين روسيا امريكا الاتحاد الاوروبي كل دول نزلين دعك في بعض و من وراهم العالم كله اتفرج على اللي بيحصل في السودان و ليبيا جنبكم و سوريا لبنان العراق افغانستان إيران كل ده مش فوضي ههههههه انا اللي مخليني بضحك كل ده هيا سعادتي بالفوضي دي روح اتفرج على المغرب دلوقتي مشاكل داخليه اتفرج على تونس اتفرج على افريقيا كلها ساحه لعب طويله عريضه لي الفوضي و بتقولي انا مش ها نجح في اثاره الفوضي عندك حق الصراحه الانها موجوده
ادم : عندك حق مفيش امل في سوريا او لبنان او العراق او ليبيا او المغرب او تونس او افريقيا او ايران او اليمن عندك حق بس دلوقتي بس و ها يجي يوم ها تشوف فيه قد ايه انتا غلط قد ايه النور و الامل وسط قلوب الناس عارف طريقه للخروج تبقي عبيط البشر اكبر مثال على حبهم لي الامل يغرقه ايوه يتكعبله ايوه يقعه و لكن يفضله وقعين تبقي مجنون من رحم الظلام النور يولده  احفظها كويس اوي اوي علشان في الاخر ها قولك شايف كلامي صح ازي و احب ابشرك انا اكتر واحد لما كلامه يطلع صح يقعد يطنطط
الدكتور : هو انتا متخيل انك قاعد لي الاخر
ادم : الاخر مش هنا الاخر هناك لما نموت و نتقابل في جهنم اصل احنا لو دخلنا الجنه مش ها نلقي حد معانا نعرفه
الدكتور : هيا وجه نظر نتقابل تاني يا ادم سلام

فتح الدكتور باب العربيه و نزل منه و ادم سمع صوت ضرب نار بره العربيه و عربيات بتتحرك نزل شباك العربيه و لقي الحرس بتوعه كلهم ميتين اتعصب و طلع تلفونه و عمل مكالمه
ادم : معاك المحصل
شخص : عرف الكود بتاعك
ادم : زولو 111_1111_11
شخص : تم تأكيد الهويه
ادم : عايز فريق حرس جديد من الجحيم في موقعي ده
شخص : تمام

قفل السكه و نزل من العربيه و باصص لي فريق الحرس بتاعه بحزن عليهم و فضل واقف لحد ما جم ناس اخده الجثث و العربيات و نزل فريق حراسه جديد مكانهم