مهلا يا قدري شئنا ام ابينا

« صالة بيت ناصر » نوف عدلت نظرتها وتكت بذقنها على ركبها : ابوي طلب مني اروح معه في مهمته سارة شهقت بقوه : نوووف تكفين لاااا لا يانوف نوف : مدري وش اسوي مرات اقول بفسد عليه واخليه يتورط وافتك منه بس انا عرفه اني اذ سويت كذا بيقتلونه سارة مسكت نوف من كتوفها : نوف انا اعرف انه مهما كان في الاخير ابوك بس وربي يا موت ابوك اهون من انه يموت مئات الشباب بسبب شغل ابوك وتدميره لشباب نوف شدت على اسنانها تكتم غيضها :انا عارفه كل هذا متصوره انه كان يرسلني بداله من كان عمري سبع سنوات متخيله انه يستعمل طفله في تهريب المخدرات!! لاجل محد بيشك في طفله وانا بكل غباء ما اكتشفت الشي هذا الا قبل ثلاث سنوات بعد ماصار لي الحادث وكل هذا ما كفاه رجع يطلب مني اهرب بداله سارة بخوف : وش بتسوين نوف : اللي اعرفه اني مستحيل انفذ له اللي يبي لو يقتلني ابوي غصب يبيني اكون ولد واصير مجرمه مثله وكل هذا لاجل ينتقم من امي طيب اذ هي ما تدري عني انا وش ذنبي اكون ضحيت كرههم لبعض!؟ ساره بحماس : صح امك ليه ما تروحين لها واسكني عندها وهي اذا عرفت اللي يسويه فيك ابوك مستحيل تسكت خصوصاً ان لهم واسطات ومركزهم كبير نوف ضحكت بسخريه : هههههه من قال لك انها ماتعرف امي ما تطلقت من ابوي الا وهي عارفه بلاويه وكان بامكانها انها ترفع عليه قضيه وتاخذني عندها بكل سهوله لكن هي تكرهه ابوي ما تبي شي يذكرها فيه هذا غير آنها متزوجه ولد عمها اللي تحبه واكيد صار عندها عيال ساره مقدرت تتحمل وبدون شعور غطت وجها بكت لحال نوف نوف عقدت حواجبها وابتسمت : سارونه ليش البکی ساره تشهق وبصوت باكي : قهروني ليش يسوون كذا انتي وش ذنبك يصبون عليك احقادهم وكرههم لبعض اذ هم مو قد الزواج ليش تزوجو!؟.

نوف صدت عن سارة وعلى شفايفها بتسامه جاامده "هي كذا صعب تعبر صعب تبكي 見 ساره هي الوحده اللي تقول لها كل شي ساره وطارق هم اغلى ثنين على قلبها يفهمونها بدون ما تتكلم حبوها رغم سواء طباعها وجمودها" دخلت نوره بـ الغدا وشهقت بقوه: ساااره لیش تبکین نزلت الغدا وحضنت ساره : حبيبتي ساره وش فيك!؟ سارة ضمت نوره بقوه وبكت اکثر نوره بکت معها وهي ما تدري وش اللي صاير نوف طيرت عيونها فيهم وقفت بسرعه وابعدتهم عن بعض :انهبلتو!الحين انا اللي اشكي وانتي اللي تبكين ؟وانتي (تأشر على نوره) ليش تبكين معها تتعازمون على البكي!؟ نوره تمسح دموعها:مقدر اشوفها تبكي وامسك نفسي نوف بسخريه :......