တိုက်ခန်းတစ်ခုလုံးက နွေးထွေးသည့် အရောင်များဖြင့် လွှမ်းခြုံထား၏။ နေရာတစ်ခုလုံးက သန့်ရှင်းသပ်ရပ်လှပြီး အိမ်ဆိုတဲ့ နာမည်နှင့် လိုက်လျောညီထွေရှိလှတာကြောင့် လူပျိုကြီး တစ်ယောက်ပိုင်ဆိုင်သည်နှင့်ပင် မတူပေ။ ရိဟန်သည် ကျောင်းဟွာက သာမာန်လူများထက် ပိုပြီးတော့ပင် မိသားစုတစ်ခုကို ပိုမိုလိုလားကြောင်း သိထားသည်။
ဒီတိုက်ခန်းရဲ့ အပြင်အဆင်က သူ့ကိုယ်သူ သက်တောင့်သက်သာရှိစေမယ့် နည်းလမ်းတစ်ခုများလား?
ရိဟန်က ရေချိုးခန်းထဲဝင်သွားပြီး မျက်နှာသုတ်ပုဝါတစ်ထည်ယူပြီး ရေနွေးနဲ့စိမ်လိုက်သည်။ ထို့နောက် သူက ခြောက်အောင်ညှစ်လိုက်ပြီး ကျင်းယွမ်ကို ကမ်းပေးကာ ထိုလူကြီးအား ကျောင်းဟွာရဲ့ မျက်နှာကို သုတ်ခိုင်းလိုက်လေသည်။ လူငယ်လေးကတော့ မီးဖိုချောင်ထဲ ဝင်သွားသည်။ အထဲမှာ ပျားရည်တစ်ချို့ကို ရှာတွေ့သောအခါ ရိဟန်က ကျောင်းဟွာအတွက် ရေနွေးနွေးလေးနဲ့ ဖျောပေးလိုက်သည်။
ထိုလူကို သုတ်သင်ပေးပြီး ပျားရည်တစ်ချို့ တိုက်ပြီးနောက် နှစ်ယောက်သား လက်ချင်းတွဲ၍ အိပ်ခန်းထဲ ဝင်သွားကြကာ ဗီဒိုထဲမှာ တွေ့သည့် ညအိပ်ဝတ်စုံကို လဲဝတ်ပေးလိုက်ပြီး အိပ်ယာပေါ် တင်ပေးလိုက်လေသည်။
ဒီမှာ ရှိနေတဲ့လူတိုင်းက gay တွေကြီးပဲ။ ဒီလူကို ရေချိုးပေးဖို့အထိတော့ သိပ်မသင့်တော်ဘူးလေ။ ဒါက သူတို့နှစ်ယောက် လုပ်နိုင်တာ အကုန်ပဲ
ညလယ်လောက် ထိုလူ နိုးလာပြီး ဂရုစိုက်မှု လိုအပ်မှာ စိုးရိမ်တာကြောင့် ရိဟန်က တစ်ညနေဖို့ ဆုံးဖြတ်လိုက်သည်။ မနက်ပိုင်း သူနိုးလာမှ အိမ်ပြန်မယ်လေ။ သဘာဝ ကျလှစွာပါပဲ ကျင်းယွမ်ကလည်း ရိဟန်ကို ဂရုစိုက်ပေးဖို့ နောက်ချန်နေခဲ့တာပေါ့
ရိဟန်က ကျောင်းဟွာအား စောင်ခြုံပေးပြီးနောက် အခန်းထဲက ထွက်ပြီး တံခါးပိတ်ပေးလိုက်သည်။ သူက ဆိုဖာပေါ်မှာ ထိုင်ချလိုက်လေသည်။ ပရမ်းပတာနဲ့ ပျာယာခတ်နေခဲ့တာကြီးက နောက်ဆုံးတော့ ပြီးဆုံးသွားခဲ့ပြီ။ ထိုအချိန်မှသာ ရိဟန်သည် ဖြစ်ပျက်သွားသည့်အရာအတွက် သူ့ရင်ထဲတွင် ကြောက်ရွံ့မှု တိုးလာသလို ခံစားလိုက်ရသည်။ သူ့ခေါင်းကို လက်နဲ့ အုပ်ကိုင်လိုက်မိပြီး သက်ပြင်းရှည်ကြီး ချကာ အိပ်ခန်းတံခါးကို တစ်ချက်ကြည့်လိုက်မိသည်။
ВЫ ЧИТАЕТЕ
(Completed) Reborn as a good child
Любовные романыအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
Chapter《131》
Начните с самого начала