"ကျောင်းကော, အိမ်ပြန်ချင်လား ဒါမှမဟုတ် ပိုင်မိသားစု အိမ်ကိုပဲ သွားမလား?"
ဘာမေးနေတာလဲ နားလည်နိုင်ရန် ကျောင်းဟွာက အချိန်အနည်းငယ်လောက် ယူလိုက်ရသည်။ ထိုလူက မျက်မှောင်ကြုတ်ပြီး တိုးတိုးလေး ပြန်ပြောလာသည်။
"ငါ ပိုင်မိသားစု အိမ်ကို မသွားချင်ဘူး, အိမ်ပဲပြန်ချင်တယ်"
"ကောင်းပြီ" ရိဟန်က ချော့ပြောသည်။
"ကျွန်တော်တို့ အိမ်ပြန်မယ်နော်"
"သူ့အိမ် ဘယ်မှာလဲသိလား?" ကျင်းယွမ်ကမေးသည်.။
ရိဟန်ကသူ့အား လိပ်စာပေးလိုက်ပြီး ဆက်ပြော၏။
"သူပြောင်းလာတာ မကြာသေးဘူး, အချိန်ရရင် သူ့အိမ်အသစ်ကို လာကြည့်ဖို့ တောင်းဆိုထားပေမယ့် အခုချိန်ထိ မရောက်ဘူးသေးဘူး"
ကျင်းယွမ်က နားလည်ကြောင်း ခေါင်းညိတ်ပြကာ ကားစက်နှိုးလိုက်သည်။ ထို့နောက် ယာဉ်သည် လမ်းပေါ်ရှိ ကားများကြားထဲသို့ ချောမွေ့စွာဝင်ရောက်သွားတော့လေသည်။ သွားနေဆဲလမ်းမှာ ကျင်းယွမ်က နောက်ကြည့်မှန်ကနေ တစ်ဆင့် ခိုးခိုးကြည့်လေသည်။ သူနဲ့ အကြည့်ချင်း ဆုံမိတိုင်း သူ့နှုတ်ခမ်းက အပြုံးတစ်ခု အဖြစ် ကွေးညွှတ်သွားလိမ့်မည်သာ။
မကြာခင်ပဲ ကျောင်းဟွာအိမ်သို့ ရောက်လာသည်။ ရိဟန်က ခဏတာ ရှာဖွေ မွှေနှောက်ပြီးနောက်မှာတော့ အမူးသမားလေး၏ အိတ်ကပ်ထဲကနေ အိမ်သော့ကို ရှာတွေ့သွားသည်။ ကျင်းယွမ်က ကျောင်းဟွာအား အဆောက်အဦးထဲ ထည့်ပေးနေတဲ့အချိန် ရိဟန်ကတော့ သူတို့နောက်က တံခါးကို ပိတ်လိုက်ပြီး မီးခလုတ် လိုက်ရှာရသည်။ မီးဖွင့်ပြီးတဲ့အချိန်မှာ ကျင်းယွမ်က ထိုလူအား ဧည့်ခန်းရှိ ဆိုဖာကျယ်ဆီသို့ ရွှေ့လိုက်သည်။
ထို့နောက် နှစ်ယောက်သား တိုက်ခန်းတစ်ဝိုက်ကို အကျဉ်းချုံးကြည့်ကြသည်။ ၎င်းသည် စတုရန်းမီတာတစ်ရာကျော်ရှိသည်။ အိပ်ခန်းနှစ်ခန်းနှင့် စာကြည့်ခန်းတစ်ခန်းရှိပြီး မီးဖိုချောင်မှာတော့ လိုအပ်တာမှန်သမျှ ရှိနေသည်။ ပိုင်ရှင်က မကြာခဏ ချက်သည့်ပုံပင်။ ရေချိုးခန်းကတော့ အိပ်ခန်းများကြားတွင် ထားထားသည်။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
Chapter《131》
Start from the beginning
