"နောက်ရက်မှ တွေ့ကြတာပေါ့ ခင်ဗျာ"
တစ်ဖက်မှ စကားပြောဆိုမှုသည်လည်း ရိဟန်က ကျူရွှင်းအား "နောက်မှဆက်သွယ်လိုက်မယ်နော်" ဆိုတာနဲ့ အဆုံးသတ်သွားလေပြီ။
ဘားသမားလေးက မလိုပါဘူးဟု ပြောချင်သော်လည်း ရိဟန်နဲ့ ကျင်းယွမ်တို့က ကျောင်းဟွာနဲ့အတူ ထွက်ခွာသွားပြီဖြစ်၏။ သူတို့သွားနေရင်း အဖမ်းခံထားရတဲ့ လူနဲ့ မနှစ်မြို့စရာ အလုပ်ကို လုပ်ခဲ့တဲ့သူများကို ကျော်ဖြတ်တဲ့အချိန်မှာ နှစ်ယောက်သားက ခဏတာ ရပ်တန့်လိုက်ကြသည်။
"ဒီလူတွေကို ခင်ဗျားနဲ့ လွှဲခဲ့လိုက်မယ်နော်" ရိဟန်က ချန်ဖုန်းအား ပြောလိုက်သည်။
"စိတ်မပူပါနဲ့, sir,"
သက်တော်စောင့် ဖြစ်သူက ပြန်ဖြေ၏။
ရိဟန်က နှုတ်ဆက်သည့်ဟန်ဖြင့် ခေါင်းညိတ်လိုက်ပြီးကျောင်းဟွာအား ကျင်းယွမ်နဲ့အတူ တွဲခေါ်ကာ ဘားထဲကနေ ထွက်ခွာသွားတော့လေသည်။
သူတို့တံခါးကနေ ဖြတ်ထွက်လာတဲ့အချိန် ကျင်းယွမ်က ရုတ်တရက် ရပ်တန့်သွားပြီး လမ်းပေါ်က တစ်နေရာကို လှမ်းကြည့်လိုက်သည်။ ရိဟန်က သူ့အကြည့်နောက်သို့ လိုက်ရန် ခေါင်းလေးစောင်း ကြည့်လိုက်သော်လည်း ဘာကိုမှ မမြင်ရပေ။
"ဘာလို့လဲ?" ရိဟန်က ခေါင်းပြန်လှည့်ပြီး မေးလိုက်သည်။
"ဘာမှမဟုတ်ပါဘူး, ကိုယ်တစ်ခုခု မြင်လိုက်တယ် ထင်လို့" ကျင်းယွမ်က ပြန်ဖြေသည်။
ရိဟန်က ခေါင်းသာ ညိတ်ပြလိုက်တော့သည်။ ထို့နောက် နှစ်ယောက်သား ကျောင်းဟွာအား သူတို့ကားနောက်ခန်းထဲ ထည့်ပေးလိုက်သည်။ ရိဟန်ကတော့ ကားမောင်းနေတဲ့အချိန် ထိုအမူးသမားလေး ပြတင်းပေါက်မှန်နဲ့ ခေါင်းမရိုက်မိစေရန် ကျောင်းဟွာ၏ ခေါင်းအား ထိန်းပေးနိုင်ဖို့ အနောက်ခန်းထဲသို့ ဝင်လိုက်လေသည်။
"ကိုယ်တို့ ပိုင်မိသားစု အိမ်ကိုပဲ ပြန်ကြမလား?" ကျင်းယွမ်က ကားမောင်းသမား ထိုင်ခုံကို ဝင်ထိုင်ရင်း မေးလာသည်။
ရိဟန်က ခဏလောက် စဉ်းစားလိုက်ပြီးမှ ကျောင်းဟွာအား ငုံ့ကြည့်လိုက်ပြီး ထိုလူအားနှိုးရန် အနည်းငယ် တွန်းလိုက်သည်။ ကျောင်းဟွာ၏ မျက်လုံးများ ပွင့်ဟလာတာကိုမြင်တော့ သူက မေးလိုက်၏။
YOU ARE READING
(Completed) Reborn as a good child
Romanceအသံုးမက်ပဲဆိုးသြမ္းသည့္ကေလးတစ္ေယာက္အေနျဖင့္ေနာက္ဆံုးတြင္ပိုင္ရိဟန္ကသူ႔မိသားစုကိုအဆံုးသတ္ေစခဲ့သည္။ ျပန္လည္ေမြးဖြားၿပီးေနာက္သူသည္မိမိကိုယ္ကိုသန႔္ရွင္းေအာင္လုပ္ရန္ႏွင့္ကေလးေကာင္းတစ္ေယာက္ျဖစ္ရန္ႀကိဳးစားအားထုတ္ဖို႔ဆုံးျဖတ္ခဲ့သည္။ သို႔ေသာ္အရာမ်ားစြာကသူေမွ...
Chapter《131》
Start from the beginning
