رواية #نا_وضنوة_راجلي للكاتبه #هميلو ,,😘
الحلقه (27)
وصلنا لعند الكل علم ان سناء حامل وليث من الفرحة قبل جنح ,, والعيال فرحانين وخاصة شهد تخط في يدها علي بطن سناء واتقول بعفويه : هنا في بيبي?
سناء : نعليا منك اهاا حبيبتي ,,حتى انتي بيبي ياعمري 😘
وتهدرز معاها وجرس الفيلا يرن وفتحت نوره طبعا ولقت هاجر بشناطيها مروحه ومعاها خوها وخشو بعد سلمو علي نوره وطبعا انصدمت من منظر نوره اللي باين عليها اتقول متصارعه مع جون سينا العين موريه والراس مصمد ويدها عليها ربلط ملخ ,
هاجر : ينعلي يانوره شن ساير فيك ياخيتي ? 😨
نوره بحزن : ياما حرالي ياست الكل ,,ده نا اتهزأت وانضربت واتمسرت وتورمت ياست هاجر 😭
حضنتها هاجر وهي اتطبطب علي ظهرها وقالت : من من ? احكي ? 😢
نوره : اتفضلو الاول وارتاحو وححكيلك علي كل حاجه ياست الكل ,😓
وخشت هاجر وخوها عالصالون وحطو الشناطي وقمعزو ,
هاجر : كنا الحوش هادي وين العيال وشن صار في ليث وسناء ?
نوره مشت جابت عصير طبيعي وضيفتهم وقالت : موجودين ياستي ومتجمعين مع ست سناء فوق وليث بيه خرج في مشوار وزمانو جاي ,
هاجر : سناء روحت ? الحمدالله ياربي ,, باهي قمعزي هن واحكيلي قبل ماينزلو الدواعش وفهميتي هي لوله من دار فيك هكي ? For me #Hamelo 😒
وحكتلها عمتكن نوره كل حاجه صارت استخبارات مصريه مش حاجه ساهله العطيبه 😁 ونوره منصدمة خوها شر منها ,,خطرها خوها خلني انعرفكن عليه الراحل عيب ماد وجه ونحن نرطنو تقول سوادين يالاه ,,😁 احمحم ,,عم ليث اسمه مختار راجل طيب لابعد حد وكويس قصير اشوي وتخين وعقيد في الشرطه ,, وشكله طروح واجتماعي ومغلا عليه بطنه خاصة الحلو ,,😂 فراس ماجايبها لبعيد عم باته ياحناتي ,,😁 المهم منصدم في اللي يسمع فيه وبعد كملت نوره قالت لاخته : الوليه هذي من قديم الزمان ماتريحتلها ولا خشت راسي واساسا كله من لية خلانه. ناسبناهم وازرطنا في اشكالهم 😒#Hamelo هاجر تنهدت وقالت بحزن : الله غالب كله شي نصيب وبعدين والله بنتها شروق الله يرحمها ماكيفها ولا زي طبعها ,,سبحان الله تحلف عليها مش بنتها !! توا شن بيدير ليث ? بيتجوزها ولا كيف ?
نوره وقفت وتنهدت وقالت : والله مانا عارفه كل اللي اعرفو ان الست سناء ربنا يفرحها ويجبر بخاطرها قدرت تحطلهم حد وطردتهم من البيت وعلي فكرة ياست هاجر الست سناء حبلى ربنا يبارك فيها ويقومها بالسلامة يارب ,👐
هاجر بفرحه : تحكي جديات ? لللللللللوللللي 😃 الحمدالله الحمدالله 😄
وعلي صوت الانذار قصدي الزغروته 😂 نزلو يجارو العيال وسناء وراهم وادودش في شهد اللي مترسه في سناء ونزلت ولقت هاحر والعيال يضبطو ويبوسو فيها وهي حاضنتهم وتبوس هضا 😘 وتحضن هضا 😍 والعيال من الفرحه قريب يطيرو ,, وقربت سناء منها حضنتها وباستها وباست يدها وراسها وقالتلها : واخيرا تكرمتي وروحتي ,,وين الغيبه هذي ياحنه فيها حق راه ,,ومشي لخوك.معش في ممنوع ايواه يبيك يجيك هو شن ناقصه يد ولا وحل 😃
وعمتكن سنيوة تخرط وماركزت عالراجل اللي يشوفلها وهو ماسك ضحكته وحب يشاكسها وقال بصوت عالي وغليظ : وكنه خوها يامرت ليث ? ايجيكم ويقعد امتا مايبي ولا ناقصه لا يد ولا رجل وتقدري اتلفي وتتاكدي ,
سناء اتبطنها بموس ماتطلع منها نقطه دم ,, 😂 شي يبست الوليه ,,والعيال يضحكو وراحو يسلمو علي عم باتهم وينادولا جدي طبعا ,,وهاجر ضحكت علي متظر سناء وقالت لمختار : حران عليك يامختار البنت انصفرت ,,بطل بصارة سامطه ,😂
سناء التفتت وسلمت عليه وباست علي يده احتراما لشيبته ,,وقالت : اسفه والله ماركزتش عليك ,,قصدي مش قصدي انقول هكي عليك ,😅
مختار : عادي يابنتي انبصر عليكي ونا راهو انحب البصارة راك تزعلي مني بس ,😊
سناء تنهدت براحة وقالت : بالعكس عمري مانزعل منك انت تدلل عمي ,هيا تفضلو تريحو ,
وقمعزو والعيال دايرين حولاقه علي هاجر ,
هاجر لسناء : سنيوة كنها سالمين وبمتها منفصلات وضربن نوره وانتي ليش تطلعي من حوشك هضا حوشك انتي غصبن عنهن وبعدين شن اللي يخلي ليث. يرتبط باللي اسمها شمس ? 😡
سناء رفعت حواجبها واعيونها فنصن وقالت بطريقه اتضحك : مغير بالشويه بس ,,هي لولا من قالك ? هاه ? 😳
هاجر : نوره حكتلي 😒
سناء : هي لحقت تحكي ? 😳 باهي امتا ? 😕
هاجر : من اول ماخشينا ,, ولنا فوق من الربع ساعه ,, بلاش تمويه احكي هيا ,,
سناء : حاضر حنحكيلك بس الاول انتعشو قبل وحنحكيلك علي كككككل شي ,, واكيد عمي مختار تعبان من الطريق ايتعشا وياخذ شاور ويرتاح وحنحكيلك وفعلا جهزو العشاء وروح ليث وفرح بترويحت عمته وحضنها وباس يدها ورلسها وحضن عمه مختار اللي فرح بجيته وتعشو وهم فرحانين وملتمين وجوهم حلو ,, وبلاش تقصقيص شن عشاهم ايواه 😒 رواية نا وضنوة راجلي لهميلو ,,
المهم مر اليوم عادي والعيال رقدو وسناء اطمنت علي كل واحد فيهم في سريره وطبعا نزلت لهاجر حكتلها باللي صار وكانن في المطبخ ونوره معاهن والرجاله في الصاله يهدرزو ويتفرجو عالتي في ,,وهاجر انقهرت كن اللي صار في غيابها بس فرحت ان سناء قدرت تكسب ثقة العيال وليث وتكون جزء منهم وخاصة شاهين لانه كان متعلق بامه واااجد واثرت ميتتها عليه ,وبعد كل وحده خشت لدارها وسناء شافت ضي والع من دار العيال وخشت بشويش لقتهم راقدين بس ضي السهاره والع عالكوميدو البي جنب سرير شاهين وقربت شافتلهم وهي مبتسمة بس لاحظت حاجه مافيش صور لامهم علي كومديناتهن ولا علي مكتب الدراسه متاعهم فتحت الادراج لقت الصور طلعتهن وخطت كل صورة في مكانها ودورت صورة اللي تخص شاهين فتحت الدرج اللي جنبه لقتها شافتلها بحزن ومسحت عالصورة وحطتها جنبه وهمست بصوت مسموع كأنها تحكي للصورة : عمري ماناخذ مكانك انتي امهم وحتبقي امهم ,, ومستحيل نطلعلك من حياتهم ,, بس ياريت انمون نا جزء من حياة اولادك,, لاني نحبهم زي اولادي واسفه اني تجوزت ليث وحبيته بس كل شي نصيب واكيده روحك اتحس بيهم وحاسة بسعادتهم ,, ااااه الله يرحمك ويغفرلك ,
وحطت الصورة وطلعت سكرت تلباب بشويش وطبعا شاهين كان واعي بس دار روحه راقد وسمع وشاف كل شي وعلي قد مافرح بس مازال ايرايف علي امه ,,وماحد يقدر ايلومه او يعاتب عليه الام ام وعمرها ماتنتسى ,, 😢💔#Hamelo
وفي صبح ثاني يوم الكل فاق وروتين يومي معتاد عاااد ,, وليث اتصل بسالمين وخبرها ان اليوم بيقرا الفاتحه لكن في حوشه ووافقت طبعا وعلي طووول ماحا وقت الغدا الا وعمتجن سالمين جايه هي وبنتها وهند ,,وانصدمن صدمة عمرهن بعد شافن هاجر قدامهن ونظرتها غل وكره لهن وخشن سلمن وهاحر ماحوتها سلمت عليهن خصوصا بعد تذكر ضرب العزوز اللي مااسما لنوره راقده الريح ,,اتزيد غل منها ,,وقمعزن وشمس طبعا دايره مايكب ولابسه عبايه وتحت العبايه لابسه فستان ازرق داكن متاع سهرات ,, وهضا اللي خلا الكل اينقد عليها ,,تي كيف اتقول كارهته وقبل قتلت روحها وماتبيهش ومفتلكه روحها اتقول عروس ةااحواجب اتقول حوتجب ريدي من الخط اللي دايرته لهن والرموش والعدسات وووو الخ , خبر وحده مكبده ورايده ,وهند كان الزعل والقهر باين علي وجهها وشكلها متعاركه معاهن ,,ولابسه ومفتلكه حتى هي مغير عالخفافي ياشرينتي ,,😒
ماعلينا نزل ليث وسناء ومختار وطبعا في ضيف يرجو فيه ليث وسناء حتعرفنه ,, وقمعز الكل
سالمين بفضول : انت كلمتني وقلت بتقرا الفاتحه اليوم ولا شنو غيرت رايك ? 😒
ليث بابتسامه هاديه : كل شي في وقته حلو ,, انا بنسألك سؤال قبل اي خطوة ,,انتن متأكدات اني اعتديت علي شمس اللي تكون اخت مراتي المرحومه وام عيالي ?
سالمين شافت لشمس اللي قرنن حواجبهن وقالت : وعليش بنتبلو عليك ياليث ? في ان ترضا اتشوه سمعة بنتها هكي وخلاص ? ولا شنو رايك ?
سناء ادخلت وقالت : مش عارفين الحق ,,وقت توا كل شي الواحد يتوقعه ,
شمس بغل لسناء: انتي ماحد حكا معاك وياريت ماتدخليش 😬
هاجر برمت شوربها وقالت : باهي سؤال تاني بعد ليث.مضروب من واحد يبي يسرقه وداخ وخششتنا جوا ومعاكن واحد من الجيران كيف قدر يعتدي علي اخت المرحومه ويتخيلها فيها لو قلتن هند ممكن لانها شبه المرحومه وواجد ,,وممكن من الضربه داخ وصارلها تشوش واوهام ودار هكي مع هند بس شمس بعيده كل البعد عن شروق لا شكل ولا طبع ولا اسلوب,😐
سالمين شافتلهم وقالت : شن القصه انتو حايبينا تستجوبو فينا ولا عشان نقرو الفاتحه وتصلح الغلطه اللي دارتها ياليث ? راهو لوله الماء والملح والدم واللحم اللي بيناتنا راهو تصرفي كان غير ,😬
سناء وقفت ومشن ناخيه التي في اللي عالساس وكان فيه فلاشه ركبتها وشغلاته وطلع الفيديو وهنا المل سكت اللي منصدم واللي منقهر واللي متشمت واللي فرحان وكان صوتهن واضح #لهميلو ايواااه ,
وليث ايشوفلهن بغل عالكلام اللي يقولن فيه خاصة علي مراته شروق واعياله اللي ناويات يعذبنهم ويشردنهم ,,وبعد كمل الفيديو مانحكيلكن عالصدمة الثلاثيه الابعاد للثلاثي المرح وقال ليث : انا بنسألكن سؤال واحد ولو مازال فيكن ذرة انسانيه باقيه فيكن تجاوبن عليه ليش كارهه ياسالمين شروق وماتخبيهاش ومتشمته فيها ?
سالنين بتوتر واضح : ننن.نا.نا. .. ماهوووو..
سناء قربت منها وقالت : ماتبيش تحكي ? احكي انتي خير ,,لان مازال في دليل ثاني هالمرة يوديكن ورا الشمس يا..يام شمس 😏
سالمين : انتي شنو اتقولي الملام هضا كذب و.و.وواميد اناي درتي المقطه هضا عشان ماتبيش لية ياخذ بنتي .وو...وهضا كله حبركه وتزييف ,
ليث قال : باهي تمام مصرة يعني ?
هنا عمتكن شمس قبل شخت علي روحها من الخوف قعدن اعيونها يدرهبت اتقول بطش وعرقت وهند متشمته وتشوفلهن بغل ,
سالمين : ش..شن قصدك ? #لهميلو ,,خيرلك راه 😬
وهنا ليث صفر وطلع عليهن شاب لبسته عاديه وغليظ ومتزرط في يروال مش من مقاسه بكككل وشكله مدمن لانه كل شويه بنسح في خشمه باصبعه واول ماشافنه سمس عيطت وهند فتحت فمها وسالنين قعدت ترررعش ,, مازال عالرعيش مااازال ياحنه 😁
وسالمين كأنه لسانها ثقل وقالت بصوت مهتز: ..............
عارفه روحي طولت بس والله كنت بلا ضي وبعد جا ماهنتنش عليا نرقد ونخليكن بلا حلقه وراكن اتقولن شويه من التركيز الخروف تحزمن ويحجلن راه 😵
قراءة ممتعه غلاواتي 💋
#Hamelo ✒
