في خصرها الناحل مجاعة مساكين وفي ردفها شعب من العز بطران

Part 28

.
.
ابو مالك بأبتسامة:ان الله غفور رحيم ، ناظر الساعة ، يلا ياشباب مابقى شي على الصلاة قومو عشان نصير من اول الصفوف..
قامو واخر شي قام بو مالك وقام وراة مطلق:ااء ابو مالك!! ، انا بودي اعترفلك بشي ، نزل راسة وبحرج وسكت..
بومالك:تكلم ي ولدي!..
مطلق وهو منزل راسة:انا فاسسد ، وماخليت منكر ماارتكبتة زنيت وسكرت واغتصبت وتحرشت وقبل كنت اتعاطى لكن بطلت ، وبرجاء ، بودي اني اتوب والله اني خايف من عذاب ربي وناوي اني اتوب لكن احتاج من يوجهني للطريق الصحيح ، انا حسيت ان ربي راسلك لي عشان اهتدي واتوب على ايدك ، وربي اني من عرفتكم اني احمد ربي الف مرة عشانة ارسلك لي لجل ترشدني للصواب..
ابتسم بومالك وحط ايدة على كتف مطلق..
.
.
جالسين بزاوية ف المطبخ يسرعون ياكلون الاكل اللي جابة صقر بفجاعة ، تلافتت وناظرت فريال:كولي بسروعة لحسن ماتأفشنا الولية المفترية وتهزأنا..
فريال وعيونها تناظر ورا شريهان:" وراصة على اسنانها:طرينا الحمار ونهِق..
ام متعب سحبت منهم السندويشات والسندويشتين اللي بأيد فريال وشريهان:اششوف هاتوهن ياقليلات الادب ، خزتهم من فوق لي تحت وطلعت ، وقفت عند باب المطبخ وناظرت السندويشات ، اهوو خناكلهن انا وشيخة وبناتها ذبحهن الجوع هالضعيفات..
مشت لغرفة شيخة وبناتها..
.
.
منسدحة على صدرة وهو يلعب بشعرها ومغمض:عزيز!..
عبدالعزيز:همم!..
رفعت راسها لة:ابروح للسوق اشتريلي لزواج اخوك..
جرها لة وباس راسها وضمها:ابشري..
سكتت فترة:عزيز!..
عبدالعزيز:هممم!..
ميرال:تكفى ماابغى اشتري لون غامق كني رايحة عزا!..
عبدالعزيز وموقادر يفتح عيونة من التعب:طيب طيب..
ميرال:عزيز!!..
عبدالعزيز:همممم!!..
ميرال:طفشانة قوم سولف..
قومها:روحي سولفي مع خواتي واتركيني انام..
برطمت وقامت لبست جلابية صفرا ولبست البرقع وحطت الشيلة على راسها وطلعت ، ناظرت غرفة شيخة وبناتها ومشت بأتجاة غرفتهم وودها تتعرف عليهم اكثر ، ضربت الباب ودخلت وهي مستحية:سلام!..
ام متعب:هلا هلا بالغالية مرت الغالي ، هلا بزينة البنات ، تعالي..
باست راسها وجلست جمبها ، ناظرت ظبية وشما ومهرة:كيفكم؟؟..
ردت ظبية والحيا مقطعها وبصوت يالله ينسمع:ب خير..
اما خواتها مكتفيين بالصمت بنات شيخة حياويات بشكل موطبيعي..
ابتسمت ميرال وتمت تناظرهم..
ام متعب:اقولك مهوب بكيفة ابسوق يعني بسوق..
شيخة:يمة الله يهداك تعرفين متعب!..
ام متعب:والزق ، ياكل تبن ولاعلي فية ، يكفي اني حابسة روحي بهالغرفة ومقابلتكن عشان هالمخبل بناتك يقل يستحن ، ناظرت بنات شيخة ، انتن يالمهبولات روحن ترززن عند عيال خوالكم كود واحدن فيهم يحط عينة على وحدة منكن..
تغير وجة ميرال وناظرت ام متعب بصدمة..
شيخة:يمة وشبلاك الله يهديك كلهم متزوجين!..
لوت شفتها واتكت على عصاتها:ايةة عادي الشرع محلل اربع لكن ماظنتي واحدن فيهم بيطل بوجية بناتك دامهن حابسين نفسهن بذا الغرفة كنهن معقدات ، لفت على بنات شيخة ، وانتو خلكن وعنسن عند امكم يالبايرات ، رفعت ايدها وحركتها ، يالمخبل عيال خوالكم كل واحد فيهم يقول الزين عندي جمال ومال واخلاق ويكفي انهم عيال ال.. ، لكن مااقول الا مالت عليكن يالمقرودات خلوهم يطيرون من ايدينكم ، كشت عليهم وهي عافسة وجهها وصدت..
.
.
العصر بالصالة..
ماكان بالصالة الا هي واختها وام متعب..
جالسة جمب اختها تهمس لها وهي متوترة وخايفة:شمايل لي متى بجلس كذا بطني بدا يبرز وعلامات الحمل بدت تبان علي والزفت مسفروة موراضي يتصرف!..
تمت شمايل سساكتة وتناظر ام متعب اللي منسدحة ومغمضة ومغطية وجهها بالشيلة..
هيلة:ششمايل؟؟..
التفتت لها..
هيلة:لي ساعة اكلمك!..
شمايل:ادري اسمعك خليني ادور حل لمصيبتك ذي..
هيلة:هششش ، جدتي هنا!!..
بعدت ايدها شمايل:نايمة وموحاسة بالدنيا ، تأففت ، ماضنتي فية حل الا لنك تروحين لبوي وتواجهينة..
هيلة:مهبولة انتي؟؟ ، اواجهه بأيش؟؟ تبين اروحلة واقولة يبة مسفر دخل علي وانا حامل هالحين!!..
شمايل وعينها على جدتها وهي متأكدة انها صاحية وتسمع:مالك الا ذا الحل..
قامت هيلة:مجنونة انتي تبينة يموتني! ، مشت..
جلست شمايل ومركزة بعيونها على ام متعب وحاطة فيها امل وعارفة ان هي الوحيدة اللي رح تحل هالمصيبة جلست تنتظرها تتكلم ، ابتسسمت اول ماتكلمت..
ام متعب وهي منسدحة ومغمضة:علامكن لكن ساعة تتساسرن انتي واختك آجعتو راسي!..
عدلت قعدتها واتكت ع العصا وناظرت شمايل بحدة:وشصاير؟؟..
قامت شمايل وجلست جمبها وتمت ساكتة فترة بعدها سردت كل شي لجدتها..
ام متعب:والحين من خايفين منة؟؟..
شمايل:من ابوي ، والله ان درى ليذبحها..
ام متعب:يخسى السلوقي..
اتكت على عصاتها وقامت..
قامت شمايل وراها:جدة وين؟؟..
سفههتها ام متعب ومشت بأتجاة مجلس الرجال..
.
.
.
.
دفت الباب بعصاتها ودخلت ، ناظرها بومطلق وعيالة وهم عاقدين حواجبهم..
اتكت بعصاتها وجلست وبدون اي مقدمات:عرس هيلة خلة مع عرس ظافر..
ناظر بومطلق عيالة ورجع ناظرها:وشهو؟؟ ، ماني معرسن بنتي الا ليما الولد يصير رجال ويعتمد على نفسة ويشتغل..
اشرت بعصاتها:ماهو معتمدن على نفسة هالرخمة ذا دام انت عمة وهذاك ابوة ، شغلة عندك مع عيالك وعرسة تراكم مصختوها من سنة الدبس وهم مخطوبين لهم ثمن سنين والظاهر انكم مارح تعرسوهن..
بومطلق:اناا!! ، الولد لياهلحين مااشتغل كيف بيصرف على بنتي وبيوكلها؟؟..
ام متعب بحدة:والله محد ضربك على ايدك وقالك تواقف علية وشف اخرتها الولد دخل عليها وهذاهي البنت حملت ويلا هالحين اكلها..
وقف بومطلق وعيونة احمرو وبرزو من مكانهم:وششششهوووووو!!..
اشرت لة بعصاتها:وقص بهالصوت ان شاءالله ، لاتسوي لي فيها مصدوم ، ماهم مسويين شي حرام ابكك حارمن الولد من حرمتة وانة حتى يشوفها شف هذا اخرة سواياك ، اسمعني عدل ، وقفت ، ان شفتك لمست بنتك لاني امك ولا انت ولدي ولني بريتن منك ليوم الدين ، الولد هو المعتدي عليها مثل ماتقول اختها واجبرها على ذا الشي ، فعجلو بزواجهن قبل لايبان حملها عند الناس وتنفضحون ف تلاحقو ع المصيبة احسن دام انك تخاف على نفسك من كلام الناس ، مشت..
جلس بومطلق وهو يتنفس بقوة:رررررن على النجسسسس ولد عمككككك وخخخلةة يجججيييي..
.
.
جالسة تفتر بالغرفة وهي متوترررة وتبكي:انتيييي وشششسووويتييييي!! ، ياربي والله لايذبحوني ، صارت تتنفس بقوة وهي تتلافت ، لازم اهرب ، اييةة ، رح اهرب قبل لايموتوني..
مسكتها شمايل:غبية انتي؟؟..
هزت راسها وبجنون:لازم اهرب قبل لايموتوني ، ابوي محيخليني اعيش دقيقة وحدة ، رح يذبحني رح يذبحني..
مسكت شمايل وجهها وصارت تهزة:هيلةةة ككفايةة!!..
ماردت وصارت تكرر:بيذبحوني بيذبحوني..
جلست شمايل ع السرير وضمت ركبها لصدرها وخافت ان ابوها جد يذبح هيلة وماحتقدر تسامح نفسها بعدها لو صار لها شي ، لكن هي زادت على السالفة بهارات وقلبتها على مسفر وان هيلة هي المضلومة بس خخافت ان ابوها مايسمع لاحد ويأذي هيلة او يذبحها ، رفعت عيونها ل هيلة اللي جالسة تفتر وتكرر نفس الكلام وهي تبكي..
.
.
جالس بالارض ومتربع ويسمع احد هالندوات اللي صار مايفوتها واللي يلقيها ابو مالك على مستمعين قلائل عددهم لايتعدى اربع اشخاص ومن بينهم مطلق اللي كان يصغي لكل كلمة ويرددها بداخلة كأن يبي يحفظها ويبرمج عقلة من جديد لكن بالطريقة الصحيحة..
ابو مالك واقف ويتكلم بصوت عالي شوي:توبو الى الله ، وابعدو عن المحرمات وعن ملذات الدنيا ، لاتتركون الشيطان يلعب بعقولكم ان الله شديد العقاب وان الله غفور رحيم ، لازم تتوبون وبأذن الله ربي بيقبل توبتكم بعد ماتكفرون عن سيئاتكم ، تعال ياابو متعب!..
قام مطلق وهو مستغرب..
حط ابو مالك ايدة على كتفة:هذا اخوكم مطلق كان فاسد يشرب ويسكر ويزني ويفوت الصلوات ويشوف الافلام الاباحية ، كان غارق في اوحال المعاصي والمنكرات وارتكب كبائر الذنوب ، وشوفوة الان ، تاب ولله الحمد واصبح ملتزم ، اعلمو ان لوبلغت ذنوبكم السماء ولو ملأت الارض كلها ومادام الانسان في هذة الحياة فأن باب التوبة مفتوح والحمدلله ابو متعب تاب قبل لايموت وبأذن الله ربي بيغفر الله ذنوبة ، لاتتركو الشيطان يزين لكم المنكرات وفعل الفاحشة..
انحرج مطلق ونزل راسة..
ابو مالك:لاتنحرج يابو متعب ، ارفع راسك لفوق ، ترا كلنا اخطئنا ولكننا تبنا ولله الحمد..
.
.
طلعت من الغرفة وهي مرتبكة مشت بأتجاة الصالة وشافت جدتها جالسة تتقهوى وتاكل تمر وتتابع برنامج بجوالها وجمبها شيخة وبناتها وقبالها شريهان وفريال يتهامسون مقهورين بودهم يشوفون البرنامج اللي تتابعة..
مشت شمايل بأتجاهها وهي تفرك ايدينها ببعض وجلست جمبها بعد ماباست راسها بسرعة:ااءء جدة وشتشوفين؟؟..
ام متعب وعينها ع الجوال:عرب جوت تلنت..
ضحكت شيخة وناظرت شمايل:عرب قوت تالنت..
شمايل بهمس:جدة ابوي عصب؟؟..
ام متعب وعينها ع الجوال:يخسى ، كل اللي قالة رنو على مسفر ولد عمك ، الظاهر بيكلمة بخصوص الزواج..
توسعت عيونها ع الاخر وقامت بسرعة ، دخلت غرفة هيلة:قوومييييي بسسرعة..
مشو بأتجاة مجلس الرجال وشهقت هيلة بعد ماسمعت الصراخ اللي صادر من المجلس وركضت للدريشة تطل ، شهقت بقووة:مسسسفررر!!..
جت شمايل بسرعة وشهقت بعد ماشافت ابوها يمردغ مسفر بعصاتة وهو يصرخ ويتلوى بالارض من الوجع والدم ينزل من خشمة وثمة..
هيلة:رح يمووتة ابوي ، لازم اوقفة..
جرتها شمايل من جلابيتها:ههعععييي ، ان رحتي رح يجلدك معة ، اقضبي ارضك بس..
هيلة بخوف:ماتششوفين ابوي بيذبحةة!..
شمايل:يستاهل عساة يموت ونفتك ، لفت عليها ، انتي غبية ولا تتغيبين ، مو هالحيوان خذ اللي يبية ورفسك؟ ، خلي ابوي يربية هال..لجل لايعودها ويلعب على بنات الناس..
.
.
.
.
جالس ومتكي على عصاتة ويناظر مسفر اللي كان رافع راسة وحاط خرقة على خشمة ويمسح الدم..
بومطلق:انا مالومك على اللصار، الوم نفسي اني عطيت بنتي لواحدن خسيسن مثلك ، تنهد ، زواجكم بعد بكرة مع ظافر ولدي ، ناظرة من فوق لي تحت ، توكل!!..
قام وهو يناظر عمة بحقد ومشى..
بومطلق:رح خبر الحريم ان زواج هيلة بعد بكرة وخلهن يتجهزن قلهن بنرد للبيت اليوم..
قام ظافر ومشى لمجلس الحريم..
.
.
بمجلس الحريم جالسة ام متعب وجمبها مهرة بنت شيخة جالسة على ركبها وتحني شعر جدتها ، صاير منبت شعرها ابيض وبقية شعرها برتقالي فاقع..
ام متعب:انتي وخواتك المهبل ناوين تموتوني!! ، دقتها بكتفها بالعصا ، قولي بسم الله عليك ووجع..
مهرة:بسم الله عليك..
ام متعب:اسمعيني زين انتي وخواتك وطيعوني ، ماعليكن فمكن الخبلة تراهي ماتحبكن مثلي ولا تبي مصلحتكن ، انا خايفة عليكن لاتضيعون بعد عيني وتعنسن وتصيرن بايرات ، خواتك تعدن العنوسة الهبلة ظبية صار عمرها 21 ولياهلين ماعرست والثانية وصلت لل20 وبتلحقها ، شوفي بنات اخوالك من يجي عمرها 17 وهن معرسات وكل وحدة شايلة بيدها ضنا ، ضربت مهرة براسها بالعصا ، شغلي مخك المجيم ذا وتلاحقي على عمرك قبل لاتصفين بطابور العوانس ورا خواتك ، تراك منتيب بزر عمرك 19 المفروض معرسة وعندك اثنين وحاملن بالثالث ، فكري بكلامي زين وخليني ازينك بعين حد من عيال اخوالك..
مهرة بنعومة وبصوت بالله يطلع:يمة كلهم متزوجين ، ماابي اخرب بيت حد فيهم..
ام متعب بعصبية:فارقي الله يخرب عقلك يالعانس..
تنهدت مهرة وشالت زبدية الحنا وراحت للحمام اللي بوسط المجلس تغسل..
التفتت ام متعب بعد ماسمعت صوت تنحنح وابتسمت وهي تناظر الحمام:ادخل مابوة احد..
دخل ظافر وراح باس راس ام متعب:كيفك يمة!..
ام متعب تبي تطول معة بالكلام:بخير الحمدلله انت شلونك يمة عساك بخير !..
ظافر:بخير الحمدلله ، امي وحريم ابوي وينهم فية؟؟..
ام متعب:بالمطبخ يحضرن الغدا..
وقف ظافر..
ام متعب بسرعة:ويين ويين علامك مستعجل توي ماشفتك!..
استغرب منها ظافر لية تتكلم بصوت خافت:ابروح اخبر الحريم ان تحنا بنرد اليوم لجل يمديهم يستعدون للزواج بعد بكرة..
ام متعب:انا اقولهم ، ااءء هاك غسلي هالفاكهه..
استغرب:مغسولة يمة ، الحريم مايحطون الفاكهه بالصحن الا مغسلينهم بالاول..
ام متعب:طاحت علي بالارض ولحسها ابليس ، عاد تعرف نفسي فيها وماابي الا هي..
اخذ منها التفاحة ومشى بأتجاة المغاسل وفتح صنبور الماي وتوة بيغسلها الا سمع صوت باب الحمام ينفتح ، رفع عيونة للمرايا وصصنم بمكانة ، ماحس على نفسة الا بعد ماشهقت بقوة وطاحت الزبدية من يدها وتكسرت وبسسرعة رجعت على ورا ودخلت الحمام وقفلتة..
نزل راسة ومشى بأستعجال وهو منحرج ومرتبكك..
ام متعب بتمثيل وبتشديد على اسم مهرة:يوةة نسيت ان مهرررة بنت عمتك فية..
ظافر وهو منحرج ومنزل راسة:حصل خير..
ابتسمت ام متعب بعد ماطلع واخذت تفاحة من الصحن واكلتها..
مشى بأتجاة بوابة المزرعة وانتبة انة مضيع ، وقف مكانة واخذ نفس طويل يهدى نفسة ، وراح مجلس الرجال ، دخل وجلس بزاوية المجلس..
بومطلق:خبرتهن؟؟ ، استغرب بومطلق لانة مارد ورفع صوتة ، الحررريم خبرتهن؟؟..
انخرش وناظر ابوة:هاة!! وشش؟؟..
بومطلق بشك:انت اللي وش بلاك؟ علامك متدودهن كذا!!..
قام:مافيني شي عن اذنك يوبة ، مشى..
هز بومطلق وضرب ايدينة ببعض:لا بالله الولد انهبل ولحق باقي اخوانة..
.
.
قربت منة وغمضت وهي تستنشق ريحتة:احس ريحتك حلوة..
رفع حاجب:لية يعني ريحتي كانت خايسة قبل؟؟..
ضحكت:لا بس مدري لية احس صايرة ريحتك غير وتجنن..
ناظرها وهو رافع حاجبة:اختصري قولي العندك!..
ميرال:وش؟..
عبدالعزيز:مسوية لي بريئة تراني اعرفك مافي اخبث منك..
شهقت وعدلت جلستها:خخيييععررر انا خبيثة!!..
ابتسم وحط ايدينة ورا راسة وانسدح:ايةة وهذا طلع وجهك الحقيقي..
برطمت وجت بتقوم ، جرها وطاحت على صدرة..
عبدالعزيز بهمس:يالسررق ورا حاطة لك من الدهن العود مالي..
ميرال:اعشق ريحتة..
عبدالعزيز:اعشقيها بس تدهنين كامل جسمك فية وتخلصينة فيوم تراة غالي وجايبة من برا وبعدين امرك عجيب ، سدحها وصار فوقها ووجهه قريب من وجهها ، خبري فيك يوم خذيتك ماتحبين الا العطور الهادية والفرنسية شاللي غير هالحين!!..
ميرال:حبيت ريحة العود..
ابتسم:حبيتي ريحة العود ولا عشانك حبيتيني صرتي تحبين ريحة العود؟؟..
صدت بعيونها بأرتباك:وععع تراك مصدق نفسك..
عبدالعزيز بأبتسامة:احلفي انك ماتحبيني ، مسك وجهها ولفة لة ، ناظريني وقولي والله مااحبك!!..
ابتسم بعد ماشافها ترمش بتوتر وتصد بعيونها:ايةة احسب بعد ، قرب منها ، تراي دارين انك تحبيني ، الا تعششقيني وتموتين فيني..
ميرال:افف عزيز بعد بقووم!..
ضحك على الاحراج اللي باين بوجهها:طب اسأليني كاني احبك ولالا؟؟..
ناظرتة كأنها نتنظر الاجابة بلهفةة..
لصق شفتة بشفتها وبهمس:ايةة ا ح ب ك..
.
.
.
.
جالسة بعباتها وبرقعها الاماراتي ومتكية على عصاتها تنتظر بناتها:يلا اخلصن تراكن عطلتوني!!..
شمايل بضحكة:جدااة للحين صاملة تبتسوقين!!..
ام متعب بدون ماتلتفت عليها:ايةة وقومي هالحين هاتي مفتاح السيارة من واحدن من اخوانك..
توسعت عيونها:خييعر تبين ابوي واخواني يذبحوني؟؟..
ام متعب:اقوول قومي لااهبدك بالعصا انتي واخوانك وابوك فوقكم..
قامت شمايل ومشت بأتجاة المجلس وهي تفرك يدينها ببعض من التوتر والخوف ، دخلت ووقفت قبال ابوها واخوانها..
بومطلق:ها خلصتن؟؟..
شمايل بتوتر:ايةة بس ، غمضت عيونها لان عارفة ان الطق رح يكون من نصيبها ، يوباة جدتي تقول هاتو مفتاح السيارة تبي ترد هي وعمتي وبناتها للبيت..
بومطلق:وششهوو!!..
فزت بخوف:يبة مالي شغل هي القالت والله مهوب انا!..
بومطلق بعصبية:قوليلها ماعندنا حريمن تسوق!..
شمايل بخوف:قلت وامي قالت والكل قال لكن يبة هي صاملة وتحلف ان ماساقت لانشوف شي ماشفناة وانت بذات تهدد وتتوعد فيك..
بومطلق بعصبية:قوليلها م..
دفت ام متعب الباب بعصاتها ودخلت واتكت عليها وبحدة:وشتقولي ياحبيب امك!!..
اخذ نفس طويل:يمة الله يصلحك ا..
مشت بأتجاهه:اقول بلا كثرة حكي وتوجعلي راسي وهات المفتاح مالة داعي اخف بقيمتك واطيح من هيبتك قدام عيالك ، لفت على صقر ، اهوو عطني المفتاح!..
تراجع صقر على ورا خطوتين:وششدخلني انا ، لا لا خذي سيارة ظافر انا تو سيارتي جديدة وغالية واخاف تخرب عندك حرام..
ام متعب:حرمت عليك عيشتك انت وابوك ، ماابي الا سيارتك هااات المفتاح اششوف!..
ناظر ابوة شافة منزل راسة وساكت ، تأفف وعفس وجهه ومد الفتاح لها ، سحبتة من يدة بقوة ومشت..
راحت عند سيارة صقر وفتحتها وركبتها ودقت على شيخة وشوي وطلعو هي وبناتها وراحت معاهم شمايل..
شمايل بحماس:الله وناسسة ، تلاشت ابتسامتها بعد ماشافت ام متعب ترجع ورا وتروح قدام وتكرر هالشي ، جدة تعرفين تسوقين؟؟..
ام متعب بعصبية:كلي تبن وخلن اركز لاتشتتيني..
عقدت شمايل حواجبها ، استمرت ام متعب على ذا الوضع ربع ساعة وبالموت طلعت السيارة بعد ماحكت بسيارة ظافر..
شمايل:جدااة ، تعرفين طريق البيت؟؟..
ام متعب وهي تفتر حول المزارع مضيعة:ووجعااة ايةة اعرفة قالولك بزر ماادل!..
سكتت شمايل وكنها توها بدت تتحسف لية جت معاهم..
.
.
التعريف..
ام متعب (مزنة) قصصيرة طولها تقريباً 140 ، شرية وعنيدة وراسها يابس والكلمة كلمتها ومذوقة عيالها الويل ومبهدلة عيشتهم لسانها اطول منها ماتحترم احد لكن الكل يهابها ولاشافوها الناس تهج من شرها ، بس جابت العيال زوجها طلقها وهج وهي اللي ربتهم وصرفت عليهم عمرها 85
.
.
طلعت بعد مارن عليها وقالها انة خلص وحط كل الاغراض بالسيارة ، مشت ووقفت قبالة والابتسامة شاقة وجهها وتفرك يدينها ببعض:احمم ااءء عزيز ، سمعت من خواتك وحريم ابوك ان جدتك ماخذة سيارة اخوك ورجعت فيها ، برطمت ، تكفى خلن اسسسوق..
ابتسم:ماعندنا حريم يسوقن..
قربت وشفايفها متقوسة:عزوز طلبتك بس حول المزارع ترا اعرف اسوق لاتخاف بلبنان اسوق..
هز راسة وطنشها ومشى..
لحقتة:عز تكفى!! ، تأففت بعد ماركب السيارة برطمت وركبت جمبة وهي عافسة وجهها ومتكتفة ، مشى وهو مبتسم ، بعد شوي عن المزرعة ووقف السيارة:انزلي..
التفتت علية وهو لازال مبتسم..
نزل عبدالعزيز وفتح بابها:ماتبين تسوقين؟؟..
ابتسمت ونزلت وركبت جهتة وركب هو مكانها ومشت وهي مبسسوطة..
.
.
دفها بقوة وطاحت بالارض وبصراخ:قلتلك لاتقربين منيي ماتفهمممين!..
تقوست شفتها وشهقت بقوة وبكت..
الوليد بصراخ:انقلعييي عن وجهيي ماابغى اششوفك يالبلووة!..
الهام ببكا وترجي:الوليد ارججاك ارحمني ولاتعاملني كذا خخلاص!..
الوليد بحدة:انتي اللي ارحميني وانقلعي من حياتي ، افهمييي ماابغيك اكرهكك مااطيقك ومستحيل قلبي يحمل لك ذرة حب..
الهام:وشتبيني اسوي عشان تسامحني والله اني ندمانة وكل اللي سويتة عشاني احبك وابغيك صدقني ، حبت وصارت عند رجلينة ، ابوس رجلك قلي وشتبيني اسوي عشان تسامحني ، اصير لك خدامة تحت رجلينك بس ارحمني ارحم قلبي اللي يحبك..
اخذ نفس طويل وتنهد:روحي لبوك وقوليلة كل اللي صار واوعدك اني رح اسامحك غير كذا مافيةة ، مشى بعد مابعد ايدينها المتمسكة برجولة وطلع..
جلست بالارض تبكي بنححيب ، ماتقدر تقول لبوها اللي الحقيقة بيذبححها ، ضمت رجلينها لصدرها وصارت تبكي بصوت عالي..
.
.
بسيارة ظافر..
ظافر يسوق وبومطلق جمبة وجالس صقر بحجرة وعافس وجهه ومتلطم من الاحراج خايف ان حد يشوفة جالس بحضن ابوة ، وورا حريم بومطلق صيتة وجالسة حسنا بحجرها وشريهان وجالسة هيلة بحجرها وفريال تتزفر وتتحلطم من الضيق..
بومطلق:رن على امي شفها وصلت ولا لا ، انا متأكدن انها مضيعة..
طلع صقر جوالة ودق عليها:يبة ماترد..
تنهد بومطلق وعارف طبع امة انها ماحتخلي احد يرد علية..
صقر:هالحين بنوصل وتشوفهم بالبيت تطمن..
بعد ربع ساعة وصلو وشافو سيارة عبدالعزيز ، نزل بومطلق بأستعجال:ماشوف سيارة صقر ، تلافت ، وينهن اكيد مضيعن ولا صابهن شي..
صقر:يبة جدتي ذيبة وماينخاف عليها الا ينخاف منها ، اكيد هالحين تلاقيها تفرفر بالشوارع تتمشى ريح هالحين وان شاءالله شويات وهم واصلين..
بومطلق:ماني مرتاح الا لين اشوفهم قدام عيني ، رح انت واخوك دورو عنهم..
.
.

//

انتهى