البداية (اعداء بالدم)

الكيان

الفصل الرابع

مش كل حاجه نتعشم فيها يعني نصيحه يا عزيزي بلاش ترفع سقف معنوياتك جدا علشان ها تنزل على رقبتك تتكسر يعني من الاخر كده بلاش العشم يقلب بغشم علشان ها تلبسه مغري (اخر جمله في اكتئاب الفتره دي و كمان اول جمله في اكتئاب الفتره الجايه)

بدايه الفصل

رجع محمد الشامي القصر و الكل كان نايم فضل قاعد تحت لوحده و دخل لي قلبه الخوف يا عزيزي اللعنة الازلية لي البشر هيا الخوف مع العلم ان في كتير جدا قاله لوله خوف البني ادم مكنتش قامت حضاره و في كلام تاني بيقول لوله خوف البني ادم مكناش عشنا في الحروب دي كلها
المهم احساس الخوف عند محمد كان كبير جداً محمد خايف من الوضع الحالي اصل ده علي الصمدي و مات و مش موته طبيعيه مثلا او في حادث طبيعي لا ده اتقتل وسط كل الحراسه دي و السلطه دي كلها و خوف الناس من شخصه و غضبه برده اتقتل يعني طول عمره يسمع عن فريق حراسه علي الصمدي اللي اخد لقب ندب الارامل و عن ستديل كل ده سمع عنه فا وسط كل ده يموت مقتول برده عادي كده بدون اي مقدمات طبعا احساس صعب جدا الشخص اللي الكل قال عليه ده موت عدوه هو اللي يموت (لا تأمن يا ابن ادم لي الحياة في هيا كا ذره رمل لا وجود لها من اساس)

قام محمد و طلع الاوضه بتعته غير هدومه و حاول ينام لحد تاني يوم صحيت كوثر و دخلت الحمام غسلت وشها و غيرت هدومها و لبست لبس سبورت و نزلت تحت المطبخ ادم كان قاعد بيشرب قهوه مع امال
كوثر : ايه يلاا يا ادم
ادم : يلاا يا ادم هو انا مش مالي عنيكم في ايه يا جدعان ده انا ضابط
كوثر :سابق
ادم : احم صباح الخير يا كوثر يا عسل
كوثر : صباح الفل صباح الخير يا امال
امال : صباح النور
كوثر : قهوه على الريق
ادم : لا مش اخلص من امال تطلع كوثر
كوثر : مش عجبك يعني
ادم : لا وده ازي انا اقدر
كوثر : (شغلت الكوفي مشين)
ادم : ايه ده قهوه على الريق
كوثر : غور يلاا من وشي غور
ادم : ماشي قايم حتي القهوه مش ها كملها (قام من مكانه مشي خطوتين و رجع كل المج بتاعه) عندنا بنات تبور يعني سلام عليكم

طلع ادم و كوثر قعدت جنب امال
كوثر : سرحانه في ايه يا امال
امال : نفسي افرح بالواد
كوثر : اهو زي القرد
امال : لا يا كوثر عايزه اجوزه
كوثر : بس كده صحبتي عندها بنوته زي القمر اللي كانت هنا امبارح اشجار بنت افكار
امال : و هيا دي اسامي
كوثر : و ربنا معرف هههههه بس ادم يستاهل كل خير الصراحه و مش ها لقي ليه احسن من اشجار ههههههههه
امال : هههههه انا مش بهزر انا بتكلم بجد
كوثر : اقولك ايه بس الطريقه دي قدمت جدا مفيش حاجه اسمها ادور على عروسه لي ابني الواد دلوقتي هو اللي بيدور و يعرف و يقرر
امال : يعني اعمل ايه حتي البنت اللي عايزها خايف يتقدم ليها من ابوها
كوثر : اسمعنا
امال : اصله كان بيعتبر ادم زي ابنه لما كان بيخدم في القوات المسلحة و عرف ادم على شخصيات كبيره اوي و مهمه اوي بس ادم طلع من الميري و من ساعتها و هو زعلان معاه
كوثر : اهههههههه طيب انا ها تصرف
امال : ها تعملي ايه
كوثر : اتقلي (مسكت تلفونها و اتصلت على رقم) صباح الفل يا حبيبه قلبي عمله ايه....... هههههه و انتي اكتر يا روحي ايه مختفيه كده ليه...... لا طبعا لزم نتقابل....... بصي عندي فكره حلوه اوي محمد كان بيفتح فندق كبير في شرم الشيخ و الفندق في مرحله التجربه و الرجل خفيفه عليه ايه رايك تعزمي الشله كلها و صحباتك و نروح نقعد هناك يومين نغير جوه...... ايه رايك بقي فكره صايعه...... تمام..... لا سمعت الخبر اه..... يا ستي الله يحرقه مطرح ما راح ده كان منشف دم البلد كلها اهو غار في داهيه..... ههههه لا طبعا ها روح احضر الجنازة عايزه اشوف سلوي هانم الديب و هيا مكسوره..... لا طبعا هيا مش كانت عايشه في الدور مرات الباشا مرات الباشا مرات ملك الحديد خلاص تستاهل...... اكيد طيب يا حببتي نتقابل هناك رغم اني مش بحب السفر الطويل بس دي حاجه لزم اتفرج عليها..... ماشي يا حببتي باي (قفلت معاها) اطمني يا امال
امال : ايوه صحبتك دي ها تعمل ايه ها تجوزه
كوثر : تجوز مين يا امال بصي افهمك ديدي هانم صديقه شخصيه لي وفيقه هانم و وفيقه هانم صديقه شخصيه لي اسمهان هانم اخت اللواء مرتضي و جوزها يبقي صديق مرتضى في الشغل أساساً و يبقي اخو مرات مرتضى
امال : ايوه يعني دول ها يتوسطه في الجوازه يعني
كوثر : (مشهد في خيالها) مسكت راس امال و خبطتها في رخامه المطبخ و هيا بتقول (افهمي يا غبيه بس كل ده في خيالها) لا يا ستي دول ها يتعزمه على يومين تغير جو في شرم الشيخ و ها يكون معاهم بنتهم الاهم بقي محمد يشوف قرب ادم لي رودي و ساعتها ها يطلبها ليه الانه عايزه يتجوز أساساً فهمتي
امال : ايه اللفه الطويله دي نتكلم مع محمد بيه و خلاص
كوثر : يا بنت الناس ارحميني لزم نجبها بلفه عليهم و صياعة
امال : ماشي لما نشوف

بره ادم كان في الجنينه و بيعمل شويه تمارين تسخين و بعدها بدا يجري حولين سور القصر من جوه اخد ساعه و دخل جوه كان البيت اتجمع
سهر : نفسي افهم جايب صحتك منين تعمل كل ده ده احنا عيله مخلعه من بعضها
كوثر : اتكلمي عن نفسك انتي انا لسه بصحتي و حلوه كمان
خالد : ايوه بقي يا كوكو
كوثر : ابني حبيبي (كلمت محمد) صحيح يا محمد انتا رايح الجنازة بتاعت علي الصمدي
محمد : ايوه
كوثر : طيب هاجي معاك اصل سلوي وحشاني اوي
محمد : كوثر انسي طارك مع سلوي الديب نهائي البيت ده بقى لغم اوعي تدوسي عليه مش معني ان جوزها مات يبقي خلاص تبقي مجنونه علي كان معروف و في امور تافهه مش بيحب يدخل نفسه فيها زي حوار الكولية بتاعكم ده البيت ده دلوقتي لو دبانه قربت منه ها يعمله منها عبره لي من لا يعتبر ماشي
ادم : ايه حوار الكولية ده
كوثر : ده كولية (و كولية يا عزيزي هو عقد مجوهرات بيكون شكله جميل جدا و غالي جدا) كان معروض في مزاد على مقتنيات الملكة فريده اخت الملك فاروق تصميم إيراني تحفه (اصل الملكه فريده كانت متجوزه الشاه علي بهلوي شاه إيران قبل الثوره هناك و شاه ده يعني ملك او سلطان) اخدته بنت الديب
ادم : و ده بكام بقي
كوثر : كان معروض سنه 2005 بمبلغ 10 مليون دولار
ادم : ايه مشاكل الاغنيه فشخ دي ههههههه
كوثر : بكره يتباع لما يشحاته
محمد : يبقي متعرفيش سلوي الديب وله علي الصمدي كويس الله يرحمه كان ملطي ملياردير
ادم : يا جماعه بلاش كلام الاغنيه ده اللي يجيب حموضه على الفطار خلونا نفطر بمزاج و يا ست كوثر لو عرضته لي البيع ها شتريه ليكي
كوثر : بجد
ادم : (حس انه ادبس سيكا) بس يرفع مرتبي شويه
محمد : وله جنيه تاني الفرق بين مرتبي و مرتبك الف جنيه تعاله امسك رايس مجلس اداره و خده
خالد : خلاص اخده انا
سهر : يا جماعه لو مفطرناش دلوقتي فول امال ها يبرد و ده فال مش حلو يله

قعده يفطره عادي و بعدها طلع ادم و محمد و خالد لبسه و نزله تحت
كوثر : ثواني اجهز علشان اروح معاكم
محمد : لا كوثر انا عارف في دماغك ايه فا مش ها تيجي معايا لي الصعيد لحد بيت الناس تعملي مشكله و مش عايز نقاش كتير يله يا ولاد ورايا

طلعه بره و سعد حضر موكب الحراسه و ركب الثلاثه في عربيه واحده و اتحركه لي الصعيد المشوار بين القاهره و محافظه المنيا ساعتين وصله على المغرب الانهم اتحركه متأخر و راحه على مكان العزاء و كان معمول صوان ضخم جدا علشان يساع عدد الناس الكبير ده و قدامه صف طويل جدا كان اوله ابن علي الصمدي علي و سيف العمري و سيف الملكي و مجدي المحمدي و امام و سامح الحرس بتوعه و بعدهم ولاد اخواته و اخواته و باقي العيله دخل محمد و سلم على الصف و وراه ولاده لحد ما دخله جوه الصوان و قعده شويه و نزل ليهم البوفيه مشروبات سخنه زي الشاي و القهوه و الينسون و كده فضل محمد قاعد على كرسي و اللي جنبه فاضي لحد ما سامح اتحرك و قعد جنبه
محمد : البقاء لله يا سامح
سامح : في حياتك يا محمد بيه
محمد : زعلان يا سامح
سامح : اول مره في حياتي كلها انفذ الاوامر و اقول حاضر و نعم بس في الاخر تحصل مشكله بسبب سماع الكلام
محمد : وله اي مشكله يا سامح ده عمره اللي مكتوب ليه مفيش حد يعرف يقدم المعاد ده ابدا
سامح : كنت اقدر اعمل حاجه على الاقل كنت رفعت سلاحي او موت و انا بحاول
محمد : و بعد ما تموت و انتا بتحاول ها تغير حاجه مش ها تغير حاجه ابدا مفيش حد يقدر يغير معاد الموت حتي لو كان الطاووس نفسه مش ها تعرف ابدا اللي تقدر تعمله دلوقتي انك تحمد ربنا انك بترجع لي مراتك و عيالك عايش انتا ليك عمر بس هو لا و خليك فاكر شغلنا كله موت مينفعش نقعد نبكي على واحد وقع منا ابدا لزم ندفن و نرجع نكمل مشي عادي جدا سامح انتا شخص وفي جدا و مفيش في وفائك حارس

قام محمد الشامي و وراه عياله اول ما الشيخ خلص سوره كامله و رمه السلام و طلع من الصوان ركب العربيه مع ولاده و رجعه القاهره تاني دخله جوه القصر و كوثر كانت بتولع قعد محمد
محمد : قاعده بتولعي ليه
كوثر : ماشي يا محمد دي حركه تعملها معايا
محمد : ايوه الناس مش مستحمله
كوثر : انا عايزه تعويض عن اللي حصل ده
محمد : عايزه ايه
كوثر : اعزم مجموعه اصحابي و نطلع شرم الشيخ و نروح كلنا معاهم
محمد : انتي عرفه مش بحب صاحبك
كوثر : لا ها تيجي معايا و ده حقي انتا مش عملت معايا الحركه دي ده بقي تعويضي عنها
محمد : طيب شوفي ها تروحي امته
كوثر : اول الاسبوع
محمد : ماشي

قام محمد و دخل مكتبه و ادم طلع الاوضه بتعته بيخلص شويه شغل بالتلفون و فضله على الوضع ده اسبوع ادم بيخلص شغل مع ابوه و ابوه سايبه يتحرك براحته في الشغل و ده طبعاً و هو مراقبه
دخلت عليه السكرتيره و اسمها حنان
حنان : ادم
ادم : خير
حنان : في مشكله في مصنع الأسمنت بتاعنا
ادم : هيا كل يومين مشكله في المصنع ده انا زهقت منه و ايه هيا بقي
حنان : الكهربه فواتيرها رفعت تاني
ادم  : كام في الميه
حنان : 20%
ادم : المصنع ده ها يخرب بيتي يا يشلني ادي اوردر بتخفيض الانتاج غير لي الطلبيات الكبيره زي التصدير و شريكات المقاولات و شريكات مستلزمات المباني ها نخف رجلنا شويه عن الموزعين بتوعنا في مصر و اوروبا ها نتقل رجلنا في الخليج و افريقيا
حنان : اشمعنا
ادم : اوروبا بتدفع بالدولار او اليورو بس الخليجي يكسب علشان البترول و سوقهم اكبر من السوق الاوروبي بكتير
حنان : تمام هاكتب البيان و اجيبه تمضيه علشان نلحق نبعته
ادم : بسرعه بس

طلعت حنان و ادم كلم رودي في التلفون
ادم : صباح العسل
رودي : صباح الخير يا ادم يا بكاش اتعلمت انتا تجامل
ادم : مجامله ليكي انتي لا انا بقول الحقيقه
رودي : ههههه بس لحسن اصدق
ادم : نفسي افهم هو مرتضي بطل يدخل المرايات بيته و ليه ايه
رودي : ماشي يا سيدي اعديها
ادم : بس انتب وحشاني بقولك ايه تيجي ننزل النهارده مع بعض
رودي : النهارده صعب
ادم : خلاص بكره
رودي : لا برده صعب اصل احنا مسافرين
ادم : مسافرين فين كده
رودي : شرم الشيخ خالو عزمنا على اسبوع في شرم كده نغير جو
ادم : ايه ده بجد طيب يا ستي
رودي : بص هما اسبوع و بعدها نتقابل عادي
ادم : و ليه اسبوع ممكن تلقيني هناك
رودي : هههههههه تيجي فين يا مجنون ده لو شافك بابا احتمال يدفنك على الشط مش عرفه هو قالب عليك ليه
ادم : ابوكي زعلان اني سبت الشغل من بره برة من غير ما يعرف
رودي : و انتا سبت الشغل ليه اساسا
ادم : اخترت مكان افضل ليا جنب اخواتي و الصراحه الشغل هنا مريح جدا و كله مزز هههه
رودي : اه مزز طيب يا ادم سلام دلوقتي علشان عايزه اجهز شنطتي
ادم : سلام

قفل معاها و هو مبتسم اصل ادم قعد  كده كل فتره يستفز رودي شويه في شخصيات كده و بعدين يا عزيزي الستات عايزن معامله خاصه شويه استفزاز و شويه حنيه و شويه شد و لين و ها كذا بس علشان تعمل ده محتاج تكون فاهم عقليه الست اللي معاك مش سبهلله او يوم و يوم لا يا عزيزي الموضوع محتاج سنس

قام ادم و راح مكتب ابوه خبط و دخل
محمد : كويس انك جيت اقعد
ادم : ادي قعده
محمد : في واحد جي يقابلنا كمان شويه
ادم : و هو مين
محمد : واحد اسمه اكرم رفاعي
ادم : ده رجل اعمال كبير شريكات الرفاعي مسمعه في العالم كله
محمد : ايوه مجموعه اقتصاديه كبيره
ادم : و ده عايز ياخد منا تمويل وله ايه ده يمولنا احنا
محمد : يابني بطل غلبه ادينا ها نعرف
ادم : طيب يا خبر بفلوس بعد شويه يبقي ببلاش
محمد : اعمل حسابك طلعين شرم اسبوع
ادم : بجد
محمد : ايوه كوثر عزمه اصحابها في القريه الجديده
ادم : كويس احنا كده كده ها نعمل افتتاح هناك
محمد : ماشي

دخلت السكرتير
سكرتيره : محمد بيه اكرم به وصل
محمد : طيب

قام محمد علشان يرحب به و دخل اكرم الرفاعي (اكرم الرفاعي راجل في سن الستين رجل أعمال من العيار الثقيل و حياته محاطه بنوع من الغموض بس الغير ملفت لي النظر)
اكرم : محمد عامل ايه
محمد : بخير يا اكرم انتا عامل ايه
اكرم : انا تمام جدا
محمد : اعرفك ادم ابني و دراعي اليمين
اكرم : (سلم على ادم) ادم عامل ايه سمعت عنك كتير
ادم : شكرا يا اكرم بيه
اكرم : عندك ابن مشاء الله عليه يا محمد كبرت يا راجل يا عجوز
محمد : ههههه كبرت ايه بس يا اكرم انا لسه شباب
اكرم : يا جدع بطل كدب
محمد : هههههه ماشي يا عم اكرم اتفضل اقعد
اكرم : (قعد)
محمد : (قعد قدامه) قولي المدام و الاولاد عملين ايه
اكرم : مطلعين عيني يا محمد
محمد : ليه بس
اكرم : طلباتهم كترت جدا الواد كبر و البنتين كمان و مطلعين عيني مصاريف يا راجل
محمد : عندك حق هيا العيال لما تكبر تبقي رخمه والله
اكرم : يا راجل رخامه ايه يا ريت تيجي في رخامه بس لا ده اكتر طب تصدق انا مش ملاحق على طلباتهم البنت الصغيره شوف الصغيره القرده تقولي عايزه ايفون لمت اديشن من الدهب طيب و دي تعرف الدهب منين ام 12 سنه وله الكبير الاهبل بابا عايز يخت حاضر يا حبيبي عايز مصاريف لي اليخت حاضر يا حبيبي عايز يخت اكبر حاضر لدرجه اني بقيت اقفل تلفوني و مردش عليهم
محمد : يعني احنا بنشتغل علشان مين يعني يا اكرم علشانهم
اكرم : يا راجل مش للدرجه دي دي بقت قله ادب خالص المهم انا عايزك في شغل مصلحه حلوه و اتمني توافق عليها علشان الزفت عايز يجدد عربيته
محمد : ههههههه انتا ها تفلس وله ايه
اكرم : شكلي كده بس نتكلم لوحدنا متزعلش يا ادم بس انا و ابوك ها نعرف نفهم بعض كويس
ادم : ماشي يا اكرم بيه تشرفنا
اكرم : الشرف ليا
ادم : بعد اذنكم

طلع ادم و رجع مكتبه
محمد : و ادي ادم طلع خير يا سيدي
اكرم : محمد انا عايزك في شغل كبير جدا و انا وسيط لي شخص عايز حاجه منك
محمد : هو مين و عايز ايه
اكرم : هو عايز يدخل في مجموعه الشامي بنسبه 51%
محمد : افندم
اكرم : زي ما سمعت بس ها يدفع ليك سعر المجموعه كلها و ها يكتفي بالنسبه دي غير كده ها يدخلك شريك في مجموعته الاقتصاديه بنسبه 40%
محمد : هههههههه اكرم انتا جي تاخد المجموعه صح
اكرم : لا طبعاً الاداره ها تكون تحت ايده هو بس انتا ها تكون وجهه ليه افهمك النسبه الواحد في الميه الزياده دي هو عايزها علشان حق القرار يكون منه هو و بعدين انتا ها تفضل مدير المجموعه و دخولك في المجموعه بتعته مش ها تدفع فيه فلوس خالص بالعكس ها تاخد فلوس كتير كمان مكسب ضخم ليك
محمد : (ولع السجار بتاعه) يعني هو عايزني منظر مش اكتر
اكرم : منظر بيدفع فيه المليارات دي كلها واحش بالعكس ده منظر حلو جدا  و بياخد فلوس من غير اي تعب او جهد
محمد : (ابتسم بستهزاء) طيب و اسمه ايه الراجل ده
اكرم : هو مش شخص هيا مجموعه متعدده الجنسيات و اسمهم الكيان
محمد : الكيان اممممممم (و ركز معايا يا عزيزي ده غير الكيان اللي بناه سيف الملكي و حلم علي الصمدي) طيب يا اكرم بلغهم اني رافض عرضهم
اكرم : رافض ايه يا محمد انتا عارف الكيان ده ايه
محمد : طبعا عارف و علشان كده انا مش موافق دول ناس شمال
اكرم : ههههههه شوف مين بيتكلم تاجر الفلوس محمد يا حبيبي انا عارف انتا شغال تحت التربيزه في ايه بالظبط و علشان كده هما عايزن يشتره اسم الشامي في السوق و نصيب الاسد في المجموعه
محمد : طيب يا عم اكرم بما انك عارف كويس مين هو محمد الشامي الحقيقي تاجر الفلوس يبقي عارف و متأكد اني مش ها سلم بسهوله
اكرم : اسمع يا محمد
محمد : اسمع انتا (و فضل ساكت شويه) سامع ده صوت الصمت و الصمت ها يجي لما تمشي من هنا عارف يا اكرم الاحلا من صوت الصمت ايه صوت خطوتك و انتا ماشي
اكرم : طيب يا محمد ها سمعك الصوت اللي يبسطك بس فكر فيها كويس هل الصوت. ده ها يبسطك فعلاً وله لا اصل بعد رفضك ده ها تسمع صوت الرصاص
محمد : و ماله نسمع صوت جديد بدل صوت خطوتك
اكرم : و ماله سلام


قام اكرم و طلع من المكتب و دخل ادم لقي محمد واقف و شارد
ادم : سرحان ليه
محمد : اقفل الباب

قفل ادم باب المكتب و محمد داس على زرار في المكتب نور لمبه حمره علشان السكرتيره متدخلش حد و قفل ستاير المكتب و فتح باب سري لي مكتب دخله هو و ادم
ادم : في ايه
محمد : تسمع عن الكيان
ادم : عمري
محمد : افهمك الكيان ده ملف استخبارات متشعب جدا الكيان ده هو العصايه الاقتصاديه اللي يضربه بيها اي بلد
ادم : ازي
محمد : افهمك دي مجموعه من الشريكات الحقيقيه تدخل اقتصاد البلد و تستثمر فيه بس بشكل ضخم
ادم : طيب دي حاجه كويسه
محمد : لا مش كويسه طول ما في اشخاص فاسده في اي منظومه حكوميه في العالم الناس دي بتدخل و تتودد لي النظام اين كان لحد ما ياخده الثقه و يضخه استثمارات ضخمه في المنظومه الماليه و يبدأه يضربوها بسندات لي بنوك بأصول مضروبه و بعدها يضخه مبالغ ضخمه بعمله مزوره علشان يضرب العمله و يحتكر الدهب في الدوله دي علشان يكونه مسيطرين على احتياطي النقدي في الدوله و الدوله تبدا تعتمد عليهم و يقلله النفقات لي نسبه. محدده و بعدها هب مفيش كيان يختفي الكيان يعني تخيل عجله السوق المصري مثلا ماشي فيها مبلغ بقدر 100 مليار دولار هما يضخه استثمارات في اصل الدوله و مرافقها من نقل و مواصلات و اغذيه و تعليم و طب و مشاريع استثماريه كبيره جدا و سلع استراتيجيه بضعف المبلغ ده و بمساعده العناصر الفاسده يبداه يلعبه علشان الدوله دي تقلل نفقاتها لي النص مثلاً و بعدها الثلاث اربع و بعدها الكيان ده يختفي و بعد ما الدوله تفوق يدوره على الكيان مش موجوده طيب مين ها يسدد ديون البنك الدولي مفيش طيب يجي البنك الدولي يحط ايده على البلد دي زي اللي حصل في البرازيل اللي هيا دلوقتي اقوي اقتصاد عالمي زمان كان بلد جعانه و كل ده بسبب مين
ادم : الكيان
محمد : بالظبط الكيان اللي طلبينه منا اننا نديهم اسم الشامي
ادم : ليه
محمد :علشان تبني سمعه توصلك لي المراحل اللي لسه بتكلم عنها دي محتاج سنين بس في بلد زي مصر محتاج قرون مش مجرد سنين و هما موجودين اساسا في مصر من زمان بس شكلهم عايزن يسرعه العمليه شويه علشان كده عايزن اسم الشامي
ادم : دي كرثه احنا لزم نبلغ المخابرات
محمد : على اساسا ان احنا سباكين مش شغلين في ملف السوق المالي ده شغلنا احنا
ادم : يعني احنا في الليله دي لوحدنا
محمد : لا طبعا مش لوحدنا معانا دعم من الملف و الملفات التانيه
ادم : بس مش غريب التوقيت ده
محمد : ازي
ادم : طيب تعاله نحسبها مع بعض بالورقه و القلم انتا بتقول انهم هنا من زمان ايه اخر تطورات حصلت في العشر سنين الاخيره
محمد : كتير
ادم : طيب المنحني اللي اخدوه في تسريع العمليه اخر حركه ملفته كانت امته
محمد : فتره الثوره لحد الثوره التانيه
ادم : و ايه الجديد يخليهم يختفه تاني
محمد : مفيش حاجه (سكت شويه و رد) علي الصمدي
ادم : علي الصمدي طيب و ايه اللي حصل في الفتره دي
محمد : اغلب ضرب علي كانت لي رجال اعمال فاسده و ده شجع ناس تانيه تعمل زيه
ادم : زي مين
محمد : عز الهداجي
ادم : (ماسك ورقه و قام و كتب اسم عز الهداجي) اشمعنا عز الهداجي
محمد : الان عز كان جلاد لي الفاسدين بس كان في الخفاء لكن في وجود علي كشف وشه الحقيقي انه غير رحيم بالفاسد
ادم : جميل ايه تاني
محمد : تسمع عن مهران الملكي
ادم : و مين ميسمعش عن مهران باشا الملكي
محمد : اهو في فتره وجود علي في السوق قدر يكون وسيط قوي جدا في علاقه مهران الملكي و قاسم العطار و اشتغله مع بعض في السلاح
ادم : حلو قاسم العطار (كتب اسمه في الورقه) و ايه تاني
محمد : علاقه مهران الملكي بالبدو اتحسنت جدا و كان على ايد نفس الشخص
ادم : جميل البدو (كتبهم كمان)
محمد : الصعيد بطل يتكلم كتير و بدأ يركز في امور اقتصاديه ضخمه جدا من تجاره و زراعه و صناعه لدرجه ان الصعيد مفيش فيه بلد او مركز او محافظه مفهاش مصنع ناشئ و كل ده بسبب نفس الشخص
ادم : الصعيد (كتب الصعيد في نفس الورقه)
محمد : عيله المحمدي بدأت تكون مرتبه اكتر لما وصل مجدي المحمدي لي حكمها و اللي ثبت رجل مجدي المحمدي كان علي الصمدي
ادم : ازي
محمد : الصعايده يحكمهم التنفيذ مش الكلام و علي فتح لي مجدي المحمدي سكك تنفيذ اي حاجه هو عايزها بأمر منه
ادم : مجدي المحمدي (كتب الاسم في نفس الورقه)
محمد : عندك سيف الملكي حفيد مهران
ادم : ده كمان علي ثبت رجله
محمد : لا ده ثبت رجله بنفسه في السوق بس ده كان صديق مقرب لي علي
ادم : مش مهم كتير
محمد : لا مهم جدا افهمك حياه علي الصمدي الأسرية كانت مغلقه محدش يدخل بيته خالص بس الواد ده كان بيدخل البيت يقعد و يتكلم و يهزر و كمان اتشاف اكتر من مره مع ولاد علي اذا كان سيف او علي او حتي البنات و دول صعايده يعني حتي لو البنت طفله يكون في حدود بنها و بين اي راجل مهما كان
ادم : يعني نقدر نقول ابن البيت
محمد : بالضبط
ادم : سيف الملكي (كتب اسمه)
محمد : و سيف فتح لي علي ابواب تانيه كتير
ادم : ابواب ايه ده البعبع
محمد: لا قاسم العطار كان صحبه ايوه بس سليم ابن قاسم صديق شخصي جدا لي سيف الملكي و الواد ده نابغه في مجال السوفت وير و التكنولوجيا و هو اللي دخله بيت الصمدي و بيت الصمدي قدر يدخل مجال التكنولوجيا على ايد شاب نابغه علميه
ادم : سليم العصار (كتب اسمه) و مين كمان
محمد : كان عنده مستشفي و الكلام اللي داير في البلد ان المفروض مرات ابنه تكون صحباتها و المديره بتعتها بس في كلام تاني بيقول ان صقر وود ابن الجراح العالمي هو اللي بيتكلم في المستشفي غير مصنع الادويه بتاع عيله العمري
ادم : طيب صقر وود (كتب الاسم)
محمد : كان فاتح مدرسه و كان المدير بتعها بنت اسمها روان فرحات سليمان السوري
ادم : و دي ايه حكايتها
محمد : لا دي ملهاش حكايه ابوها بقي
ادم : ماله ابوها
محمد : هو اللي شكل علي الصمدي في شكله ده
ادم : ده اخطر من علي نفسه
محمد : خطورته لو حب يدخل في اللعبه لكن هو اعتزل
ادم : ادي فرحات السوري كمان (كتب الاسم) طيب في فتره من دي ظهر اي نشاط ضخم لي الكيان
محمد : ايوه فتره موت مهران الملكي اصل كانت تجمع مهران باشا و علي علاقه صداقه كبيره جدا و اصول الصداقه زي توجع لي ابو علي محمد باشا الصمدي
ادم : و كانت قد ايه
محمد : سنه كمله علي كان في حاله اكتأب كبيره جدا و كانت سبب اختفائه من السوق و ده اده مجال لي ناس كتير تطلع في الصوره و منهم الكيان بس رجوعه وقف كل ده
ادم : طيب (ولع ادم سجاره و بص لي الورقه اللي مكتوب فيها الاسماء و خصص لي كل اسم منهم ورقه كتب فيها دايره علاقات كل شخص فيهم بس على قد ما عرف لان اغلب الشخصيات دي دايره علاقاتها سريه جدا لحد ما خلص و بعدها كتب ورقه و اول اسم هو علي الصمدي و بعدها بدا يرتبهم اسم اسم و كل اسم منهم مجال شغله ايه) طيب بص صلي على النبي علشان احنا قدمنا فلم هندي لزم نفهمه
محمد : فلم ايه
ادم : علي الصمدي مجال شغله هو الحديد و مجال مهران الملكي هيا المقاولات انا سمعت ان شركه الصمدي كانت بتدي شركه الملكي توريدات حديد ضخمه جدا بسعر عادي بس تحت التربيزه كان بسعر مخفض جدا علشان ميضربش السعر في السوق حلو
محمد : حلو
ادم : شركه الحوت بتوع اسكندريه كانه سبيل النقل البحري الوحيد في البحر المتوسط لي حديد الصمدي يروح اوروبا و هيا تحت اداره مجدي المحمدي الانهم اهل امه كانت بتنقل البضاعه بسعر مخفض جدا ليه مقابل ان شركه الملكي باداره مهران كان بتبني مباني لي مجموعه المحمدي بسعر مخفض و ده بتوصيه منه و جنبها نسبه بياخدها مجدي من ادارته لي مصانع الديب مصانع مرات علي سلوي الديب حلو
محمد : حلو
ادم : تحت التربيزه بقي علي الصمدي كان بيدخل السلاح لي قاسم العطار و النسبه الاكبر في السلاح لي مهران الملكي و مهران بيهرب الاثار عن طريق علي و مجدي المحمدي تمام دي كان دايره صغيره و كلها مصالح
محمد : دي مش دايره صغيره دي دايره بيجري فيها مش اقل من 100 مليون دولار في اليوم
ادم: بس قدام اللي جي صغيره
محمد : اللي هو
ادم : دخول سليم العطار الخط
محمد : و ده عمل ايه
ادم : سليم العطار فتح شركه برمجه بس شغلهم الاساسي كان اتنين النقل البحري بس في البحر الاحمر و مصنع لي تصنيع المعدات الثقيله ده سهل على صاحبنا علي بدل ما بيشتري معدات المصنع و يجي واحد يعمل الصيانه من بره مصر بقي يجي من جوه مصر و كمان فتح سوق كبير ليه في دول الخليج و اسيا الصغره و الكبره (الصغره دي لحد الهند اما الكبره دي لحد كوريا) تمام
محمد : تمام
ادم : تثبيت رجل مجدي المحمدي و تطوير الصعيد خله الصعايده ايد واحده بدل ما كان ايد كل واحد على الزناد علشان يقتله بعض بسبب التار بده يفكره ازي يجيبه الجنيه و ده خلاهم اصحاب مصانع و شريكات ضخمه ليها اسم كبير في فتره قليله و الكيان مش ها يعرف يتعامل معاهم الان ليهم كبير و كبير مش سهل و الابواب كلها مفتوحه ليه فا كانه مطمنين و بيشتغله براحتهم دلوقتي انتا بتقول ان سيف الملكي يعتبر ابن بيت علي الصمدي طيب اتفضل سيف الملكي دلوقتي مدير مجموعه الملكي يعني تحت ايده مجموعه فنادق و بواخر سياحيه ضخمه و شركه استرار و تصدير صغير و مصنع مستلزمات بناء كبير و شركه مقاولات ضخمه و مكتب تسويق عقاري يعني شبه مكتفي بذاته و احيانن بيعتمد على باقي اللمه الحلوه دي و دلوقتي فتح شركه استصلاح زراعي قدر يقطع كام راس. كبيره في السوق في الحاله دي ايه اللي يحصل
محمد : تقوم الشريكات الصغيره بس قديمه في المجال و تاخد مكنهم
ادم :اللي حصل عكس كده خالص الناس الصغيره دي اخدت امر و تهديد واضح و صريح اللهجه ان الكرسي اللي عايزه سيف الملكي ياخده و الراجل يقرب منه و اللي ها يفلت من تحت ايد سيف هو مش ها يسيبه مين صاحب التهديد
محمد : مين
ادم : علي الصمدي بس كان من تحت التربيزه و الواد ميعرفش بس هو استغل الباب الصغير اللي فتحه بايده و ثبته ليه صاحبنا علشان يعدي منه و يقدر يحكم السوق فعلاً و حصل ده دليل ان سيف مكنش ابن البيت لا ده كان صاحب بيت
محمد : و بعدين
ادم :نيجي بقي لي سيف محمود العمري و الاسم لوحده حادث وله حرج مجموعه العمري ناقص تفتح بنك خاص و تدخل كل المجالات إلا مجال الزراعه و مفتحوش فيه جنب الشريكات الجديده اللي عملين يفتحه فيها بس مصنع الادويه كان بيخسر و خساره جامده مع انه اكبر مصنع في الشرق الأوسط و اتصنف انه كان تاني اكبر مصنع ادويه في العالم 1997 لحد تاريخ موت محمود العمري تعاله اتفرج عليه دلوقتي اكبر مصنع ادويه في العالم ده بعد دخول مين صقر وود على الخط بس كا مستشار ليهم مش مدير و المستشفي كمان اسسها خيري بس بوجود صقر وود بقت اكبر مستشفي استثماري و خيري في نفس الوقت ندخل بقي على اللي بعده
محمد : اللي هوا
ادم : مصانع الديب عندك مصانع الديب دي اضخم كيان اقتصادي غذائي في أفريقيا و الشرق الاوسط و مجموعه بالحجم ده مش بتعتمد على موردين زراعيين لا على ارضهم اللي تتزرع بمحاصل تكفيهم و تكفي احتياجهم اغلب الارض دي كانت مهمله لحد ما مسك المجموعه مجدي المحمدي اهتم باللي قدر عليه فيها و بعدها ظهر سيف الملكي في السوق الزراعي اللي وصل الاراضي دي لي امكانيات ضخمه و طاقه انتاج عظيمه خلته من اكبر مصنع في مصر ايام عمار الديب لي اكبر مصنع في أفريقيا ايام سلوي الديب لي اكبر مصنع في الشرق التوسط ايام مجدي المحمدي لي اكبر مصنع في العالم بعد تدخل سيف الملكي نيجي لي فرحات السوري و بنته دول المسؤولين عن تعليم كوادر شابه قويه و مسيطره في مدرسه مفتوحه لي ولاد الذوات و اغلبهم اهلهم شخصيات بارزه في المجتمع لما طلع من تحت ايد فرحات علي الصمدي واحد ما بالك لو طلع من تحت ايده الف علي الصمدي علشان يكونه كوادر شابه مهمه من سياسيين و رجال اعمال و طبقه أرستقراطية (مسك الورقه و ادها لي ابوه) اتفضل مصر يا باشا
محمد : (مسك الورقه و شاف فيها ايه) يعني ده كيان
ادم : كيان اضخم بكتير من الكيان ده كيان عنده استعداد يقول بس اطلعي انتي يا دوله و سبونا احنا نسدد الديون دي لي البنك الدولي و الكيان ده لو حاول يوقعكم احنا عندنا استعداد نسندكم لي خمسين جيل في الطريق كيان ممشي في السوق المصري و الافريقي عشر اضعاف الاستثمارات العاديه علشان يوقع الكيان بتاع اكرم اي بلد من دول محتاج يضخم مبلغ اكبر من السوق العادي و اللي فيه كيان البعبع بعلاقاته و صدقاته المتشعبة مدرك حجم المصاريف و الكاش اللي ها يحتاجوه علشان يوقعه البلد دي هما عايزن الشامي لي هدف تاني خالص لما كل دول يفوقه من صدمه فراق شخص جمعهم و من الواضح من شكلهم في العزاء بتاعه انه مش مجرد جمعهم لي بزنس بس لا لي صداقه كمان و امن من غدرهم في بعض الانهم حيتان كبيره و ممكن يخبطه في بعض و يرجعه يرتبه ورقهم تاني مع بعض و يرجعه يثقه في بعض تاني
محمد : و مين قال انهم. محتاجين يثقه في بعض من تاني ممكن يكونه واثقين في بعض
ادم : طيب امشي معاك قولي مين مكان علي الصمدي
محمد : اخدت مكانه مراته
ادم : من ثلاث ايام بس قوالي كام مره خبطت في واحد منهم بغشوميه
محمد : كتير و محدش اتكلم ده اكبر دليل انهم مرتبين ورقهم مع بعض
ادم : ليه متقولش انهم مقدرين حاله الوفاه و عدم الاتزان العاطفي اللي هيا فيه
محمد : لالا مستحيل السوق مش كده
ادم : (بخبث) طيب و ازي
محمد : (سكت شويه و رد) سيف الملكي لو تلاحظ كل الخطوط في الفتره الاخيره بقت تعدي من عنده هو معني كده ان علي كان بيحضره يكون مكانه في يوم من الايام
ادم : عليك نور لو تلاحظ كل الخطوط كانت بتعدي من عند الصمدي في الاول لحد ما ظهر سيف الملكي الواد ده مميز جدا بالنسبه لي علي الصمدي و ده انتا شايفه قدامك اهو اخد الدايره هات و خد بينه و بين سيف
محمد : و ده. معنه ايه
ادم : معنه ان سيف الملكي تاني اكبر حوت في اللعبه دي بعد علي الصمدي متنساش ان علي الصمدي حكم بأسلوب غريب فا ميزه و خلاه رقم واحد و واحد زي علي الصمدي ده ذكي مش غبي لدرجه انه ادرك ظهور حوت تاني في السوق زي سيف الملكي
محمد : علي لو كان حس بالخطر من نحيه سيف كان زمنا بنقول الله يرحمه
ادم : و ليه لما ممكن الحوت ده اربيه في بيتي علشان اضمن وجوده في ضهري بكره و بعده اتفرج على شكل سيف في الجنازة كان متأثر اكتر من ابن علي شخصياً و ده دليل انه بيحبه و ان ابنه كان في حاله صدمه مش اكتر
محمد : يعني ايه علي كان بيحضر لي بعبع جديد يطلقه في السوق
ادم : تؤ علي كان بيحضر لي كيان جديد في السوق غير الناس دي كلها بالطريقه دي يقدر يضمن الامان لي عياله
محمد : ممكن يكلوهم
ادم : ممكن عندك حق بس بتصرفات مراته دلوقتي ده دليل برده انه محضر اهله لي كل انواع الغدر القريب قبل الغريب و علشان كده هيا اتحركت بسرعه
محمد : الراجل ده كان بيفكر في ايه
ادم : شخص معتز جدا بالقومية العربيه و شايف ان العرب لزم ياخده مكانهم الطبيعي في العالم و دليل على ده تصريحاته اللي دايما بتهاجم الغرب بصفه عامه فا قالك بس خلاص الناس دي مش ها تسبني يبقي ايه مات في القريه ساحر ارتاحه من اذه خلف الساحر عشيره من الجن لم تسلم القريه من شرها
محمد : انتا بتقول فيها فعلا عشيره من الجن و الشياطين و الابالسه كمان
ادم : هما عايزن يقعده يتفرجه و يشوفه السوق ها يمشي ازي ها يغدره ببعض وله لا لو غدره ببعض يظهره في وش مألوف لي الدوله و هو الشامي و لو مضروبش بعض و الحكومه صحيت الصبح تعد عيالها صمدي ديب عمري ملكي محمدي وود عطار و شامي بس مش ها يكون شامي ها يكون كيان و لبس وش الشامي علشان مينفعش يزيده عيل بس يقدره يقوله انا عيل من عيالك
محمد : احنا دخلين على ايام سوده الفتره دي
ادم : بس مينفعش نحط ايدنا في ايدهم وله ندخل دايرتهم
محمد : اشمعنا علشان مشتتين
ادم : لا علشان وارد جدا نقع و مينفعش نسحب الناس دي معانا لزم لو وقعنا حد تاني يعرف يحط ليهم حد
محمد : (سكت شويه يفكر) عندك حق (سكت يفكر شويه و رد) طيب ايه جزب الاستثمارات دي بالشكل الغشيم ده في الوقت ده الراجل ميت من ثلاث ايام بس
ادم : (سكت هو كمان يفكر و رد) مين قتله
محمد : كتير يعتبر دمه اتفرق بين الكل يعني هو كان شغال مع البتروفا في السلاح و البتروفا ده ملف استخباراتي روسيا عمله علشان تكسب اكتر من تجاره السوق السوده و كمان مكنش بيحب الكرتيل فا كان بينه و بنهم عداوه و قبل كل ده بعت جاب رضا الغول من قلب تل ابيب و قتل مسؤول رفيع المستوي ليهم في مصر بس في اخر ايامه ايده رخت شويه عن الصعيد فا رجع يشد تاني و في ناس محبتش ده و كمان اخر حاجه صفه فريق تبع وحده الامن القومي الامريكي قدام باب بيته كل دول حطه ايدهم في ايد بعض علشان يقتلوه و نجحه قاله بالشكل ده محدش ها يقدر يدور علينا احنا كتير و ها يضربه في انهي اتجاه بالظبط بس في الاخر الكل اخد بأكبر جزمه في البلد دي كلها
ادم : طيب بتروفا و كرتيل و الصعايده تحت التربيزه لكن عنده وحده الامن القومي الامريكي و الموساد دول فوق التربيزه مين بقي اللي واصل لي الاتنين يعني تحت ايده مافيات و كمان منظمات استخباراتية
محمد : (كان عايز يقول الخوف بس ده اسم مينفعش يتقال لي ادم في الوقت ده بس قال) الكيان (و بلاش تستغرب يا عزيزي الان الكيان هو الجناح الاقتصادي لي الخوف)
ادم : كده يبقي ليهم تار بره علي الصمدي في اخر ايامه قعد مده طويله يظهر و يختفي مره علي الصمدي و مره البعبع ده خلاهم يزهقه مش عرفين يلعبه من انهي ناحيه فوق التربيزه وله تحت التربيزه و في الحاله دي مفيش غير حل واحد بس
محمد : يقلبه التربيزه
ادم : بالظبط
محمد : (قاعد ساكت شويه و بعدها فتح درج و طلع ملف منه مكتوب عليه الكيان)
ادم : ايه ده
محمد : ده ملف وصلني من علي بعد موته بشكل سري طبعاً بيتكلم فيه عن الكيان و منحنيات ظهوره و تأثرها على البورصه و السوق التجاري و المالي
ادم : و ايه تأثرهم
محمد : تأثرهم إيجابي بشكل كبير ارتفاع في مؤشرات البورصه و منتجات نزلت اسعرها ضخ عمله صعبه بشكل استثنائي في السوق المالي
ادم : و بالخطوه دي قصدهم ايه
محمد : قصدهم في كل ظهور ليهم يقوله لي الدوله احنا الحلوين و رجال الاعمال بتوعكم هما الوحشين و بيضره بأقتصاد البلد بس ده مجبش تأثير واضح على الحكومه الان البلد هنا عرفه ان احنا بنسرق و مفيش رجل اعمال او تاجر مش بيسرق بس البلد دي ماشيه بمبدأ الحرامي اللي نعرفه احسن من اللي منعرفهوش نعرفه و نعرف حدوده ايه البلد هنا عندها ورق ضغط علينا كلنا فا عرفنا و عرفين اولنا و اخرنا ايه لكن الكيان مش عرفينه نفس نظريتك ان مينفعش الحكومه تصحه الصبح تعد عيلها و تلقي عيل زياده او عيل ناقص
ادم : طيب مش كاتب تطريقه تعامل مع الناس دي
محمد : كاتب بس مستحيل اصلها لعبه غير مضمونه خالص (قام محمد فرم الورق اللي كان يكتب عليه ادم و حطه في محرقه و شال الملف) يله نروح عندنا سفر نروق دماغنا شويه و بعدها ندور على حل تاني غير بتاع ابن المجانين ده
ادم : للدرجه دي حل بعيد
محمد : مش  بعيد بس لا ده مخاطره كبيره كمان هو كان فيه حيل يخاطر لكن انا لا


طلع الاتنين من الغرفه المحصنه و نزله تحت اخده الموكب و رجعه البيت و الكل بيحضر نفسه علشان السفر
كوثر : فين شنطتك يا امال
امال : شنطه ايه
كوثر : شنطه سفرك
امال : لالا مش مسافره اسافر ليه
كوثر : امال اسمعي الكلام و روحي حضري شنطه هدومك البيت كله مسافر تقعدي انتي لي مين
امال : يعني اسافر معاكم و اسيب البيت لوحده
كوثر : يا امال هو انا مش بصعب عليكي وله ايه يا حجه اسمعي كلامي و روحي حضري شنطه هدومك اتفضلي قال تسيب البيت لي مين
امال : يعني نسيب البيت يتسرق
كوثر : (برقت) يتسرق وسط كل الحراسه دي كلها و البيت يتسرق امال روحي يا بنتي لمي هدومك يله الله يرضي عليكي يله
امال : بس
كوثر : مفيش بس اطلع اجيب باقي الشنط بتعتي تكوني جهزتي اتفضلي

طلعت كوثر فوق الاوضه بتعتها محمد كان بيقفل زرار القميص الكجول
كوثر : تخيل امال مش عايزه تيجي معانا
محمد : ليه
كوثر : انا عرفه بس انا اقنعتها خلاص
محمد : (بص لي كوثر بنظره حب) انا مبسوط انك حسنتي علاقتك بيهم
كوثر : عندك حق لو مكنتش عملت كده كنت خسرت كتير اوي الواد ادم طلع بينفع على كده ليه شويه علاقات في الدخليه زي العنب ده رجع رخصتي 15 مره
محمد : خساره دروس السواقه اللي دفعت فيها دم قلبي
كوثر : اهو ابنك بيحلل الفلوس ههههه يله بسرعه علشان الطياره
محمد : ماشي

طلعت كوثر و راحت اوضه خالد لقته واقف قدام كيس ملاكمه و نزل فيه ضرب و لسه بلبس البيت
كوثر : لما يقوله قتلت ابنها ها يعجبك الخبر يعني انتا لسه بهدوم البيت و عرقان و حالتك بالبله
خالد : في ايه يا ماما انا حضرت هدومي كلها اخد دش و اغير بس
كوثر : جبت شاحن تلفونك
خالد : لا
كوثر : هيا كده كل سفاريه بشاحن تلفون جديد اتعودت معاك اوعه تنساه فاهم
خالد : حاضر يا كوكو
كوثر : قلب كوكو

طلعت كوثر و راحت اوضه سهر لقتها جهزه سابتها و راحت اوضه ادم لقته ماسك ملفات و قاعد يدرسها
كوثر : والله لو اتشليت ها يكون بسبب خالد و امال و ادم
ادم : ليه بس يا قمر
كوثر : لسه ملبستش
ادم : يا باشا اديني خمس دقايق البس بس اخلص الورق ده
كوثر : ادم وحيات ابوك يا اخي قوم اللبس يله
ادم : طيب يا ستي قايم اهو

طلعت كوثر و نزلت تحت و ادم قام لم شنطه هدومه في ثواني و لبس و نزل
خالد : ايه السرعه دي
ادم : لما تدخل الجيش و تاخد اسبوع الجحيم و يصحوك الفجر برصاص بيضرب تحت رجلك علشان تلبس و تجهز في دقيقه و تطلع تمام تدريب لحد الساعه 6 ها تعرف ان تحضير الشنطه ميخدش اكتر من خمس دقايق
خالد : (بص لي ادم شويه و رد) ام لا انا مش داخل جيش
ادم : لالا ها تلبس متخفش
خالد : لا مش داخل ها هرب
محمد : ها بلغ عنك
امال : بس خلاص متخفش يا حبيبي ها خبيك لما تهرب و ابوك يبلغ عنك
سهر : اصيله يأم رحاب ههههه
محمد : ( وصلته رساله) الطياره جهزه يله


طلعه بره ركبه العربيات مع موكب الحرس لحد المطار و هما مسفرين بطياره خاصه فا العربيات بتدخل جوه المدرج نفسه الانها مدرجات منفصله عن العاديه نزله قدام الطياره و الحرس وقفين على نقل الشنط و الحجات دي علشان ممكن حد يحط حاجه ليهم و اقلعت الطائر علشان تهبط في مطار شرم الشيخ و هناك كان فريق الحرس منتظر مع سعد قائد الحرس اللي وصله هناك قبلهم علشان يأمنه المكان و ركبه العربيات و اتحركه لحد القريه السياحيه و طبعاً كان في تأمين ضخم جدا الان الافتتاح ها يحضره الرئيس نفسه علشان القريه دي داخله فيها الحكومه بنسبه

وصله القريه و كان فيه شاليه مخصوص ليهم وصله الشاليه و دخله جوه حطه الشنط بتعتهم و كل واحد راح يشوف اوضه نومه فين و بعدها نزله تحت علشان يتغده و الاكل وصلهم من مطعم القريه و قعده مع بعض شويه يلعبه و يتسله و ياكله اللب و السوداني و بعدها كل واحد راح اوضه نومه علشان ينام و تاني يوم صحيه اتجمعة على السفره علشان الفطار و بعد الفطار لبسه علشان ينزله على الشط و كوثر تقابل اصحبها و فعلاً نزله و شافوهم سلام و تحيات كتير و قعده
شوكت : اخبارك ايه يا محمد بيه
محمد : بخير يا شوكت يا حبيبي
شوكت : شوفت اشرف ابني
محمد : مشاء الله كبر عامل ايه يا اشرف
اشرف : (نافخ نفسه كده و بيتكلم زي ما يكون في طابو عسكري اصله ضابط جيش فا عايش في الدور و بيتكلم بصوت عالي) الحمد لله يا عمي
محمد : عمك مش بعيد يابني علشان تعلي صوتك

و دخلت عليهم رودي و حنان امها بس جين من وراهم و مش شيفين لا ادم وله ابوه وله امال وله سهر وله خالد
رودي : (وقفه وره كرسي ادم) صباح الخير يا جماعه
ادم : (رفع راسه لي فوق و بص ليها بأبتسامه) صباح الفل يا عسل
حنان : يا نهار اسود ادم يادي المصيبه
ادم : مصيبه ليه يا طنط
رودي :. نخبيه فين ده
حنان : انا عرفه
ادم : في ايه يا جدعان
حنان : مرتضي هنا (بصت وراها) و هو ورايا
ادم : احم اسلم علي الشهداء
رودي : مش السلامه
ادم : (قام و ابتسم) مرتضي باشا
مرتضي : ايه اللي جاب الواد ده هنا
ادم : اصل
مرتضي : اصل ايه انتا بتعمل ايه هنا
ادم : اصلي صاحب فكره القريه و صاحب فكره عقد الشركه مع وزاره السياحه و صاحب فكره دعوه الرئيس لي الافتتاح
مرتضي : وله يهمني احبسوه
ادم : هههههه ماشي يا سياده اللواء معلش بقي خليها تعدي على خير
مرتضي : ماشي اقعد محمد بيه شكراً على الدعوه
محمد : لا شكر على واجب يا مرتضي بيه اتفضله
ادم : (خله رودي معديه من جنبه غمز ليها)
رودي : (ضحكت بكسوف و قعدت جنب سهر) اخبارك ايه يا سهر
سهر : بخير يا قلب سهر يا عين سهر وحشاني يا بت
رودي : و انتي اكتر
اشرف : (لمح غمزت ادم لي رودي دمه اتحرق و هو واد من العيال اللي اول ما يدخله كليه عسكريه يربه الشنب و يشيله اير بود و يفيمه العربيه و يحطه نسر عليها من وره) و انتا اخبارك ايه يا ادم يا حبيبي
ادم : (استغرب اسلوب كلامه) ادم يا حبيبي
اشرف : ايه يابني انتا ناسي كنا دفعه
ادم : وله فكرك معلش يا حبيبي وله بس انا كنت مصاحب الدفعه كلها انتا كنت سلاح ايه
اشرف : مدرعات
ادم : لا يا حبيبي اغلب اصحابي في البحريه و الجويه و القوات الخاصه و الحرس الجمهوري و حرس الحدود بس لكن باقي الاسلحه معرفش فيها حد
مرتضي : ده قبل ما تستقيل وله بعدها
ادم : مش عارف حضرتك مش حببني ليه من بعد الاستقاله
مرتضي : علشان مفيش حد يسيب الميري بأستقاله ابدا ابدا محصلتش و بعدين خرجت من غير ما تقولي
ادم : والله هيا جت فجأة مره واحده كده قولت استقيل اللي مزعلني بقي ان حضرتك زعلان مني
مرتضي : وله اقدر ياض ده انتا ابني حد يزعل من ابنه برده زعلي انك خرجت مره واحده و اصحابك في الفريق و الكتيبه زعلانين برده
ادم : انا هعرف اصالحهم اخرها ايه يعني عزومه مصيف و خلاص خلصت
مرتضي : هههههه لسه فاكر
محمد : اخبارك ايه يا رودي
رودي : كويسه يا عمو
محمد : بس ايه ده احلوينا كده ايه مفيش عريس الرجاله اتعمت
اشرف : ليه يا محمد بيه
خالد : (خرج عن صمته) يابني اسكت اسكت انتا كده مش جامد خالص انتا كده  اهبل

الكل ضحك و اخدوها بهزار و عدت و هما قعدين دخل خمس شباب لبسين بدل رسميه و كلهم مشاء الله اجسام
شاب : صباح الخير يا جماعه انا عادل قائد فريق تأمين سعاده الرئيس احب اخطر حضرتكم بالتعليمات
ادم : عادل المشلول راح الحرس الجمهوري لا ده الدنيا اتقل خيرها
عادل : (ماسك الضحك بالعافيه) يابني بس انا في الخدمه دلوقتي
ادم : ماشي بس دخلتها ازي زي ايه الوسطه ده انتا كنت بتوصل اخر واحد في الطابور يعني دي وسطه مش اقل من الرئيس نفسه
عادل : (حاول يتجاهل كلام ادم بس مقدرش و ضحك) هههههه يابني ها ترفدني واللهي (اخده بالحضن) واحشني يا حنش
ادم : (و هو لسه في حضنه) و انتا اكتر يا دبابه (سلم على الشباب) اسماعيل
اسماعيل : ابو الاحناش
ادم : مندور
مندور : واحشني يا شامي
ادم : و انتا اكتر (سلم على الباقي و هو ميعرفهمش) اعذروني يا شباب اصل الرجاله وحشني اوي ايه يا دبابه داخل تعليمات و منشف جسمك علينا ليه
عادل : مرتضي باشا موجود اتدورنا مكتب يا رجاله
مندور : اخرنا معاش مبكر
اسماعيل : معاش ايه دي مفهاش اقل من محكمه عسكريه
مرتضي : لا يا شباب وله ده وله ده وله ده
عادل : ها نتعدم يا رجاله
مرتضي : ههههه واحشني يا ولادي
مندور :و حضرتك اكتر
عادل : كويس اني شوفتك يا ادم الرخصه اللي كلمتني عليها دي بتاعت الست اللي دخلت في الكمين مش الضابط معاند و بيقول دي ست مجنونه و كده
ادم : (خبطه) ها ترجع صح
عادل : مش عارف ارجعها بيقولك مجنونه
ادم : يابني اسكت
عادل : طيب المهم التعليمات يا جماعه محيط سعادت الرئيس ممنوع اختراقه او التواصل معه بأي شكل لي دواعي امنيه الشاليه من اول 25 لحد 60 مربع مقفول لينا ممنوع المرور منه
مرتضي : ما تخدنا قلمين احسن
عادل : العفو يا باشا بس دي اوامر
مرتضي : (ميل رقابته ميله صغيره) اوامر
عادل : رد اوامر
مرتضي : (رجع رقبته تاني و ده سيم بنهم)
ادم : طيب يا سيدي الشط وضعه ايه
عادل : متأمن سبعين كيلو في البحر محدش يبعد بعد اذكم
ادم : تمام اخلع بقي و بعدين ايه الكرافته دي
اسماعيل : اكل عيشنا انتا فلت اغلب الفريق اتحول حرس جمهوري بعد ما مشيت
ادم : فلت منيهم ههههههه طيب بكره وضعكم ايه
مندور : عندي ورديه تأمين خلفي ربنا يستر
ادم : ملناش دعوه بندور انته
اسماعيل : صايع لحد ما تيجي الاوامر
عادل : شرحه
ادم : خلاص نتقابل يله اخلعه

مشي الخمس شباب
كوثر : انتا لسه ليك اصحاب في الخدمه
ادم : انتي فكره رخصك بترجع ازي هههههه دخله في الكمين
كوثر : اعمل ايه حد يحط كمين في الشارع
ادم : بيشوفه. اكل عيشهم (بص على خالد لقه باصص لي شباب الحرس الجمهوري و هما بيوزعه المهم و باصص ليهم بتمني) ايه قررت امين
خالد : جداً
ادم : ماشي ابقي تعاله اسهر معانا النهارده ها تضحك ضحك السنين
سهر : عايزه اجي معاكم
محمد : تروحي فين
سهر : مع ادم
محمد : اقعدي مع بنت زيك اهي بدل قعدتك مع اخواتك بهته عليكي
سهر : انا يا محمد
حنان : ليه بس يا محمد بيه دي سهر قمر
ادم : طول عمرها اختي القمر
سهر : حلوتك انتا اللي مديني ثقه في نفسي
كوثر : سمعتي اخر الاخبار يا ديدي (دي ام اشرف)
ديدي : سمعت سلوي الديب قعدت في البيت
شوكت : سلوي الديب تقعد في البيت طب ازي مين يمسك مجموعه الديب
محمد : لسه زي ما هو مجدي المحمدي
مرتضي : شكل علي عرف يختار الشخص المناسب كنته اصحاب يا محمد بيه صح
محمد : اه كنا اصحاب و هو كان كده كان دايما يختار الشخص اللي يناسب المكان اللي هو عايزه
مرتضي : كان شخص استثنائي
شوكت : لا استثنائي وله حاجه الناس بس هيا اللي عملت ليه سعر ده راجل فلاح احسن انه مات خلي السوق يتنفس شويه
مرتضي : و ماله الفلاح (اصل مرتضي اسيوطي يا عزيزي) و بعدين الراجل لا كان في زوقه وله شيتكته وله اسلوبه اللبق
محمد : الله يرحمه بس مفتكرش ان حد في السوق هر يعرف يتنفس ابدا بعد كده
شوكت : اشمعنا
ادم : الساحر مات صح بس لسه وره شياطين مجدي المحمدي و سيف العمري غير كده خليفه اسمه علي علي الصمدي هههههه يعني العيله دي مطوله معانا شويه
ديدي : الغريب انه ظهر بس في 2015 مش اكتر يعني فجأه طلع واحد اسمه علي و عايز ياخد كل حاجه
ادم : صاحب القدره يقدر يعني لو يعرف يعمل هو كان يعرف يبقي براحته
ديدي : ملحظه انك متحيز ليه جامد
ادم : جدا انا شوفته مره واحده بس في حياتي و كان نفسي اشوفه تاني و اقابله تاني شخصيه بسيطه ده كان جي يزورني في المستشفي بنطلون ملتون و تيشرت بولو يعني راجل بسيط و تلقائي جدا و يعمل الصح حتي لو كان في نظر الكل غلط
مرتضي : عندك حق
رودي : هما قاله الشط مقفول صح
مرتضي : ايوه
رودي : (بحزن) خساره كنت عايزه اعمل دايفنج
ادم : نفتح الشط يا باشا وله يهمك
مرتضي : تفتح ايه يابني انتا انتا فاكر نفسك ايام الخدمه وله ايه
ادم : انا مفيش حاجه تغلبني ابدا الصبر كده (طلع تلفونه) صدام صدام صدام المركبي صدام المكتب صدام العرباوي صدام مخدرات
محمد : مخدرات
ادم : اه واد بيجيب استف عالي جدا
محمد : احجزلي حته
ادم : هو ده بر الولادين هههههه (كل ده هزار يا عزيزي) بس هو ده صدام مركب (رن على الرقم و رد) ابو صدام
صدام : ادم باشا اخبارك
ادم : زي الفل يا حب بقولك ايه ندخل في المفيد معايا ضيوف و اليخت مش عرفين نحركه من المرينا علشان تامين الرئيس
صدام : يا شامي عيب الكلام ده تعاله نويبع بس و نتحرك باليخت
ادم : انا خايف لا تكون حاجز
صدام : و لو حاجز يتلغي الحجز
ادم : خلاص بكره نيجي و نتحرك
صدام : حصل يا ابو الشامي و كمان احلا واجب اكله سمك و جمبري في البحر و احلا سفاري و اكل عرباوي لي عينك يا غالي
ادم :ده. العشم برده يله اقفل علشان الرصيد
صدام : سلام
ادم : (قفل مع صدام) يا باشا بكره نطلع نويبع و نركب يخت و نعمل دايفنج و سنوركلنج و اي حاجه
حنان : المشكله اني رودي اخرها عوامه وزه ههههه
ادم : درسنا الغطس في الكليه اعلمها عادي
محمد : (باصص لي ادم و مبتسم) ماشي
ادم : ماشي ايه
محمد : لا يا حبيبي ها نخبط مشوار بكره لحد نوبيع علشان نغطس بس طيب
ادم : اه اصل الغطس مفيد
محمد : عندك حق (بص لي مرتضي) مرتضي بيه ما تيجي نتمشي شويه
مرتضي : ماشي يا محمد بيه اتفضل
محمد  : من بعدك

قام مرتضي و محمد مشيه شويه و دخله كافتيريا مفتوحه قعده و الحرس جابه البوفيه و طلبه قهوه و نزلت
مرتضي : خير يا محمد بيه
محمد : والله يا باشا الموضوع غريب شويه
مرتضي : ما غريب إلا الشيطان
محمد : طيب بص يا باشا انا راجل في السوق من زمان اتعلمت اقراء الزبون اللي قدامي من عينه و دي حاجه انا شاطر فيها جدا مع الغريب و كمان القريب و بعرف اقراء عين ولادي كويس جدا و عين ادم ابني من بنتك رودي
مرتضي : (سمع كلام محمد و ولع سجاره) اممممم انا منكرش اني لحظت ده في ادم كتير و في اكتر من منسبه
محمد : طيب انا طالب ايد بنتك رودي لي ابني ادم على ثنه الله و رسوله و كل طلباتكم. مجابه هو ايوه متكلمش معايا في حاجه بس انا زي ما قولت فاهم ابني
مرتضي : يعني عايز تجوز ابنك بدون علمه
محمد : لا بعلمه و بموافقته بس لو فضلت مستني الوقت اللي يتكلم فيه يبقي مش ها شوف احفادي ابدا علشان كده انا بتكلم و بعدها هو ها يتكلم بس محتاج حافز مش اكتر
مرتضي : المشكله ان ادم اللي اعرفه و اللي ربيته على ايدي مش محتاج حافز لي حاجه زي دي
محمد : و هيا قدامه من زمان ليه متكلمش وله بين غير دلوقتي مرتضي باشا الناس بتتغير و ادم اللي ربيته في الشغل غير ادم اللي لسه قاعد هناك عينه فتحت على الدنيا فهم الدنيا ماشيه ازي و برده مش ها يتكلم الان دي حاجه مخيفه اصلا فكره ان الراجل يتخلاا عن حريته او يشيل مسؤوليه حد معاه دي لوحدها صعبه و افتكر انك اب و راجل متجوز و فاهم ده كويس
مرتضي : (سكت شويه و رد) طيب يا محمد بيه اديني فرصه افكر و ارد عليك و مش ها سأل عن ادم لا الاني عرفه كويس جداً
محمد : خد وقتك و ده حقك

قام محمد و مرتضى فضل قاعد بيفكر يرد على طلب محمد ازي الان في مشكله شوكت لسه طالب ايد رودي لي ابنه و هو قدام حل من اتنين الفرق بين اشرف و ادم وله حاجه بالعكس الاتنين في نفس المستوي المادي و الاجتماعي بس الفرق ان اشرف في الخدمه بس ادم لا و الفرق بنهم هيا النقطه دي (افهمك يا عزيزي الشخص العسكري دايما يميل لي اللي زيه مش تكبر بس بيفهمه بعض اكتر) طفي مرتضي سجارته و اخد قراره و افتكر انكم عرفينه

يتبع.......