رواية #نا_وضنوة_راجلي من تأليفي #Hamelo
الحلقه (13)
وصلنا لعند عمتكن سناء حكولها العيال ان خالتهم شمس نتت في شهد وشيماء زعلت وخذت اختها وخشت لدارهن وبعد خشت سناء للفيلا لاحظت الصبايا يهدرزن الا شمس مش موجوده وليث طبعا مش موجود وعقلها جاب مية فكره وطووول ركبت عالدروج وكانت متجهه شور جناحها واول ماخطمت من جنب دار البنات كانت قبل دارها سمعت صوت عالي وكان صوت شيماء
اتقول : لا مستحيييل اخويله مانقدرش ,
شمس بصوت مايع يفصع الرقبه والركب معاها
قالت : ياحبيبت خويله اسمعي كلامي بس وبعدين معقوله بابا ايجيبلكم وحده زي هذي اللي ما تسما وتاخذ مكان ماما الله يرحمها ?! ليش ماخلاكم انتم تختارو امكم اللي تبوها اتعيش معاكم ?
شيماء بصوت حزين : بابا تجوز عشانا نحن ,,ولان عميمه هاجر معش تقدر تخدمنا ولازم ايكون عندنا ام ترعانا ,,
شمس بخبث : اصلا بابا استعجل لما تجوز ,, وبعدين سناء هذي شكلها وحده مكاااره وخبيثه ومسمووومه وحتعبكم ياشيمو ,
شيما اعيونها فنصن وخافت وقالت : صاااح ?! يعني هي تكذب علينا و علي بابا انها مهتمه بينا ؟
شمس قمعزت جنبها وقالت : اكييييد ,, انتي بس اسمعي كلام اخويله وقولي اللي قلته لكي لبابا ,, وصدقيني ياعيون خويله نا بندير هكي عشانكم انتم اعيال خيتي الوحيده ,, ربي يغفرلها ويجعل مثواها الجنه يارب ,
وهنا سناء تنرفزت عالأخر وخشت بقوة واندفاع نين شمس طارت من قوة الدلفه وقبل خشها السكر ,
شمس بعصبيه : هييييي انتي شن هالاسلوب هضا معقوله في حد محترم يخش علي الناس هكي ? 😡
سناء كانت علي شوي وبتمسكها من شعرها بس تماسكت وابتسمت بمجاملات لشمس
وقالت بثقه : اووو انتي هنا مانحسابكش هنا اصلا ,, بس انشغلت علي شيمو وشهودي قالولي ان شيمو زعلانه ,,وجيت نطمن عليها ,
شمس : بنت اختي كويسه مافيها شي وهي معايا نا خالتها اقربلها منك ,, وياريت تطلعي واتخليني مع بنااات اختي بنهدرز عليهن ,😡
سناء قربت نين وصلت في شيماء وخذت شهد في حضنها
وقالت : أسفه بنات اختك توا بناتي ,, وانا في مكانه امهن وهن من مسؤوليتي نا وبس ,
والتفتت سناء علي شيماء وقالت : شيمو كنك زعلانه وخشيتي دارك في حد ضايقك.?
شيماء سكتت وشمس تنرفزت
وقالت بغل : بنت اختي مافيها شي ولو سمحتي اطلعي برا نبي نقعد مع بنات اختي ،
سناء.: ونا مش حنسمح انك تقعدي معاهن ,
شمس بصدمه قالت. شنووووو ? واعيه لروحك شن اتقولي انتي ? ومن انتي اصلا نين تدخلي بيني وبين بنات اختي ? 😡
