بيت العيله في رمضان
الاول
سبحان الله وبحمده
دخل عمر من الباب وهو بيزعق. : فين حمزه
حمزه استخبي تحت الكنبه
ام حمزه : في ايه يا عمر مالك بتزعق ليه
عمر : يا خالتي ابنك مش متربي
ام حمزه : انت اول مره تعرف . ما دي حاجه معروفه يا حبيبي من زمان
عمر : نعممم
ام حمزه : اهدا بس كده وقولي عمل مصيبه ايه المره دي
عمر : يرضيك يا خالتي يضرب الواد حسن ويكسر الكرسي علي دماغه
ام حمزه : يا لهوي والكرسي اتكسر خلاص
عمر : انتي همك الكرسي وله همك دماغ الواد حسن اللي اتفتحت
ام حمزه : الكرسي طبعا .مش مهم حسن.
عمر : اه هتشل العيله دي هتشلني نفر نفر
حمزه طلع رأسه من تحت الكنبه : بعد الشر عليك يا كبير العيله . اطال الله في عمرك وابعد عنك كل عين
عمر مسك حمزه من شعره : اعمل فيك اخبط دماغك في الحيطه
الام : الحيطه تبوظ يا عمر . روح اضربه فوق السطوح احسن
حمزه : مكنش العشم يا ام حمزه .
الام : انت وابن خالتك اصطفو مع بعض
حمزه : يا عمر نزل ايدك و افهم الاول ضربته ليه
عمر : اتفضل . قول ضربته ليه
حمزه : كان بيعاكس بنت ماشيه وقل ادبه عليها. انا كنت واقف يرضيك
عمر نزل أيده : لا طبعا ..حقك تضربه يستاهل
حمزه : شوفت . انا قولت برضو الشيخ عمر مش هيرضي باللي حصل ده
عمر : ميرضنيش فعلا ، جدع ياض انا هنزل اكمل عليه
وهما بيتكلمو سمعو صوت فرقعه في المطبخ
حمزه : امييييي
خرجت الام وهي وسهل اسود : عاااا. الحقني يا حمزه البوتجاز فرقع في وشي
عمر : ياستير يارب .. عملتي ايه يا خالتي علشان يفرقع
ام حمزه : هو عمك سعيد اللي قالي هصلحه وادي نتيجه تصليح البوتجاز . فرقع في وشي
حمزه : معلش يا امي انتي اللي غلطانه برضو . حد يقول لبابا يصلح حاجه
الام : قعد يقولي هحاولك البوتجاز اتوماتيك وادي اخرتها..
حمزه : البوتجاز بقي فرقع ماتيك بدل اتوماتيتك
عمر : رحمتك يارب من العيله دي
