اسيل واقفة قدام المرايا بتصلح في طرحتا جا ايهم وقف وراها وهو بعاين ليها
اسيل:ايهم م تعاين لي كدة
ايهم:ي زولة بعاين
اسيل:مالك عايز شنو ؟
ايهم:ضروري تمشي ؟
اسيل:اييي
ايهم:لسه العرس فاضل ليهو اسبوعين
اسيل:برضو ولو لازم اجهز معاهم
ايهم:اسبوعين دي كتيرة عديل ي اسيل💔
اسيل:ايهم اتكلمنا في الموضوع دة قبل كدة م كتيرة ولا شي😂
ايهم:كتيرة ي اسيل وانتي كدة بتعاقبي فيني زي م قلتي ع حركات روان صح 🙂
اسيل:حبيبي ياخ كنت بهظر معاك والله بعدين كل م تحب تعال لينا في البيت
ايهم:مم طيب طيب مع انو صعبة شوية لكن م مشكلة
اسيل قربت ورفعت رجولا شوية علشان تحصلو طبعت بوسة ع خدو وقالت :بحبك ي حلو انت يلا باي😂❤️
ايهم:طيب ي قلبي يلا
#توضيح:
قبل شهرين اسيل واهلها اتقدمو لي صفااء ولين وحددو موعد العرس وحاليا فاضل اسبوعين للعرس واسيل ماشة البيت وايهم متجرس وم راضي😂💔
اسيل طلعت مع ايهم وسلمت ع ناس البيت وركبت عربيتا واتحركت وايهم ركب عربيتو واتحرك ع الشركة ..
اسيل بتحكي:
وصلت البيت وكان ملان باهل ابوي عماتي وبنات اعمام ابوي وكذا ونسوان الجيران دخلت غرفتي وفتحت الدولاب ختيت حاجاتي ودخلت غيرت بي بجامة مريحة ونزلت ليهم اساعدهم في الشغل كانو بعملو الارياح والحاجات دي وانا وشوية بنات اتولينا مهمة الخبايز والترتيب ..العصر كدة دخلت غرفتي وكنت نعسانة جدا نمت شوية وصحيت بصوت تلفوني وهو بضرب كان ايهم رديت عليهو بصوت نعسان قال لي مدام ايهم قلت ليهو هممم قال لي حبيبي صحصحي معاي ياخ ..فتحت عيوني وقلت ليهو اي معاك قال لي ريم دي جاية تقعد معاك باقي الاسبوعين ديل وتساعدك وانا جايبها معاي هسة فقومي وغسلي وشك واصحي لاني مشتاق لشوفتك ❤️ابتسمت وقلت ليهو،حاضر حبيبي قال لي يحضر ليك الخير ي نن عيوني انتي💕.. قفلت منو ودخلت الحمام لبست لي بنطلون وطونك وجدعت طرحة في راسي ونزلت تحت بعد مسافة ايهم اتصل لي وقال لي انا برة طلعت ولقيت معاهو ريم سلمت عليها ودخلتها الغرفة تغير ورجعت لايهم لقيتو عايز يدخل الصالون لي ناس ابوي مشيت عليهو وانا بتبتسم ساي قال لي م قلت ليك الاسبوعين دي كتيرة اها من هسة اشتقت ليك وقلعت ريم من وائل علشان اوصلا انا 😂💔قلت ليهو حبيبي انا ياخ حتعدي بس انت ابقى الصمود😂❤️قال لي زولة هي ابت تعدي عديل بس م مشكلة كلو يهون علشانك وغمز لي 😉❤️بقيت اضحك قال لي نفسي فقهوة ظابطة من ايدك قلت ليهو بس كدة؟انت تامر ونقول سمح.. ضحك وقال لي علشان جميل عشان سمح🙈❤️قلت ليهو ادخل بالله وخليني امشي اظبط القهوة دخلت المطبخ وريم جاتني وساعدتني جهزنا القهوة وايمن جا شالا ورجع الصالون انا وريم فضلنا شغالين بالليل كدة سقت ريم ودخلنا غرفتي وائل اتصل وبقا يخلط فيها وانا اتصلو لي صفاء ولين كول جماعي بيتشمشرو عن تجهيزات العرس واني براي وكذا بم انو هم العروسات🤣سبيت ليهم وقلت ليهم تعبت جدا فعرسكم دة ياخ بس استنو كلو بتمنو😂لين قالت لي استكاناتك ي سولا ياخ لو بيدي اجي واساعدك والله صفاء قالت لي لكن نسوي شنو عروسات وكذا قلت ليهم انقلعو مني بالله ..صفاء قالت لي الجوطة دي كلها اشتقتي لايهم ولا شنو😉؟قلت ليها واي اسكتي بس شوق شديد🙈بقو يضحكو قلت ليهم اصلا ريم معاي وهبة حتجي في الايام الجاية وبنات الاهل والجيران م مقصرين غايتو لكن فارق معاي ايهم 🙂لين قالت لي كلها اسبوعين اعتبري نفسك محبوسة معانا وعرسنا فيوم واحد😂قلت ليها وهو كذلك ..قفلت منهم قعدنا دردشنا شوية انا وريم ونمنا ...
عدت الايام بسرعة شديدة وايهم كان مشغول شديد لانو اخر فترة م كان في الشركة ايام عرسنا فالاجتماعات كانت كتيرة عليهو وبقا بيدير الفرع براهو وانا حاليا م نازلة شغل معاهم ،،قبل العرس بي اسبوع جوني هبة وشادن ومزن❤️فرحت بيهم جدا ومزن وشادن كانو امتحنو التجريبي واخدو اجازة اسبوع فطوالي طلعنا كلنا الطابق التالت الكنت محبوسة فيهو ايام عرسي وقضينا ايام حلوة كنا كل يوم بنعمل اندومي ونجيب شيبس وحلويات وبصورا لي لين وصفاء وامغرزهم 😂❤️وشادن ومزن كانو بقرو وبتونسو معانا بالليل ..في الاسبوع دة كانت حفلة الحنة تبع لين يوم الاحد مشينا وهججنا فيها زين وصفاء كانت يوم التلاتا وبرضو قشرنا ومشينا ليها وم خلينا رقيص😂❤️والاربعاء الختام عندنا حتكون حفلة ايمن ومحمد.. يوم التلات بالليل بعد رجعنا من حفلة صفاء ايهم اتصل لي تلفون قال لي بقيتي حوامة جدا ي اسيل وم فاضية حتى انك تتكلمي معاي بس م مشكلة بنتفاهم بكرة ،،قلت ليهو دي حنة صحباتي ع فكرة الحوامة واجبة😂قال لي م علي حسابي انا ي مدام .. كان زعلان شديد قلت ليهو خير ي ايهم خلاص..قفلت منو ودخلت للبنات هبة قالت لي حترسمي متين ي بت ايديك فاضيات كدة اليشوفك م يقول متزوجة قلت ليها يوم الخميس برسم للعقد بس ي زولة من هسة مع الشغلة الكتيرة دي بتنزل ساي قالت لي اي فعلا ياخ ..نمنا وصحينا الصباح جهزنا للحفلة والعصر اتحركنا ع الكوافير انا وهبة وريم وشادن ومزن ..كنت لابسة فستان
عنابي تقيل لونو مايل للكبدي وهيلز اسود وختيت الطرحة في راسي وكنت عاملة ميك اب هادي ..كلنا كنا حلوين وقاشرين ركبنا العربية وانا كنت سايقة ايهم اتصل وسالني انتو وين قلت ليهو قربنا ع البيت وقفلت منو.. وصلنا لقينا الحفلة عايزة تبدا مع دخلتنا كدة جاني ليك ايهم عاين لي مسافة كدة وقال لي بي سماحتك دي طيرتي الكلام من راسي بس م مشكلة بشاكلك بعدين🌚كان لابس ع الله كحلية كدة فيهو رهيبة والعجب لحيتو حقيقي يعني سبحان من زين وجوه الرجال باللحى🙈❤️ابتسمت وقلت ليهو هو في زول سمح هنا غيرك؟!قال لي م بتحنكيني ي اسيل وبرضو زعلان🙂الحفلة بدت ورقصنا وهججنا وايهم كل مرة يشيل ويحمر لي 😂😭قعدت احنن في ايمن ومحمد سامعة لي بت كدة قالت لايهم تحب اعمل ليك حنة؟قبلت احمر ليهم لقيتو بعاين لي ويضحك😂ايمن قال لي اوعك تتشاكلي لينا هنا قومي اعملي الحنة لراجلك😂سمعت ايهم قال ليها لا معليش زوجتي حتجي وتعملا لي ،،اللحظة ديك حبيتو حب🙈❤️قمت من ايمن ومشيت لايهم علشان اخت ليهو بقا يشاغلني بحواجبو 😂لويت ليهو خشمي وقعدت قال لي اوعي تقلبي الامور لصالحك انا الزعلان ع فكرة وانتي مافي سبب يزعلك🙂👊🏻بقيت اضحك وقلت ليهو انت زاتك مافي سبب يزعلك ..قال لي لا في بس حاليا م وقتو ..ختيت ليهو الحنة وقمت من جنبو جات مرة كدة وقفت قدامي قالت لي ي بتي دايراك في موضوع قلت ليها اتفضلي ي خالة
قالت لي والله ي بتي انا من شفتك عجبتيني وصراحة كدة دايراك لي ولدي ..اتخلعت وبقيت منططة عيوني وبعاين ليها تاني بقيت اتلفتت ولقيت ناس ايمن ومحمد وادم ووائل ميتين بالضحك وايهم دة بس شغال يحمر لي 🙂المسافة كانت قريبة شديد واكيد كلهم سمعوها😂فتحت خشمي علشان اتكلم لقيت ايهم وراي قال لي حبيبي في حاجة؟قربت اضحك في وشهم 😂عاينت للمرة وقلت ليها معليش ي خالتو بس انا متزوجة ودة راجلي بقت تعتذر وانها م كانت عارفة ولاني م متحننة وكذا ..بعد م مشت ايهم عاين لي وقال حساباتك قعد تكتر ي اسيل وخلاني وفاات😂💔
ايهم:
فكرة انو اسيل اسبوعين حتكون مافي في البيت وم حاقدر اشوفا كانت مضايقاني جدا بس برضو ديل اخوانا ولازم تكون معاهم..خليتا تمشي وانا رجعت بيتنا وقعدت مع اهلي لاني واثق البيت م بيتقعد بلاها ..بس المشكلة انها بقت حوامة وكل مرة اما في السوق او في الحفلة وبتختصرني وم عندها زمن لي ..اتضايقت منها جدا وكنت ناوي اشاكلها بس كالعادة اول م شفتها قدامي بقيت اتبسم ساي والكلام طار💕
لاحظت انها اتضايقت من البت الجات تخت لي الحنة لانها طوالي جات قعدت وختتا لي هي 😂❤️
بس برضو ضيقا دة ولا حاجة قدام الضيق الحسيت بيهو لم المرة قالت ليها عايزاك لي ولدي🙂اسيل دي بتاعتي انا وحقتي وم برضا زول يعاين ليها حتى وهي جاية تعرسا لي ولدا؟كويس انو المرة هي الجات وم رسلت ولدا لاني واثق انو الحفلة م كانت حتعدي ع خير ..قبلت ع اسيل وقلت ليها حساباتك قعد تكتر وخليتا ودخلت البيت علشان م انفجر فيها
دخلت المطبخ ووقفت اشرب موية واسيل جات داخلة وراي عاينت لي مسافة وانا اتكيت ع الطاولة وربعت ليها يديني.. جات فكت ايديني وحضنتني قالت لي ايهم ياخ انا هسة عملت شنو؟قلت ليها لو كنتي اتحننتي من الاول م كان حصل دة كلو ي اسيل..قالت لي ياخ حاتحنن بكرة بس م تكشر فيني كدة..بقيت اضحك وضميتا علي زيادة وقلت ليها خلاص م بكشر بس المرة دي ضايقتني ..قالت لي وتضايق ليه وانت عارف اني مرتك وبتاعتك انت وبس🙁❤️
ضحكت وقلت ليها كدة بس مافي زول يعاين ليك ،،مدت يدها وقالت لي خلاص يلا برة مسكت ايدها وطلعنا سوا
كانت كل مرة بتراضيني بطريقتا ودي الحاجة المحبباني فيها انها م بتخليني ازعل كتير وانا اساسا م بقدر ازعل منها🖤✔️
اسيل:
بالليل كنت مع البنات في الطابق الفوق بنتونس ونضحك شادن قالت لي المرة الشقية بالغت م تسال منك اول 😂مزن قالت ليها بتكون اتلخمت بسماحة اسيل دي ي بت ،،هبة قالت لي ي بت هي بكرة ترسمي طوالي وتسكتي النسوان ديل ريم بقت تضحك وقالت لي والله ايهم كان زعلان زعل الحمد لله انو مافي ولد جا قال ليك عايز رقمك😂قلت ليها والله لم اتلفت ولقيتو بحمر لي قلبي وقف😆
تاني يوم الصباح طلعنا الكوافير انا وريم وشادن ومزن هبة علشان كانت بداية الحمل وكدة م رسمت اتحننت في البيت حنة عادية..مشينا رسمنا وجينا راجعين بالليل كدة تلفوني ضرب وكان ايهم قال لي انزلي تحت طلعت لقيتو واقف بعربيتو قدام الباب قلت ليهو مالك واقف هنا؟قال لي اشتقت ليك وقلت اشوفك❤️قلت ليهو وانا اشتقت ليك جدا ياخ..قال لي الليلة بايت هنا بس حاكون مع الشباب بهناك قلت ليهو طيب حلو ❤️قال لي م تنسي تكوي لي جلابية العقد الرسلتها ليك مع امي..قلت ليهو من عيوني والله انسا كيف😂❤️قال لي خلاص ادخلي اصلا كدة كدة م حاشبع من شوفتك 🙂❤️بقيت اضحك ورجعت للبنات وهو دخل الصالون للشباب ..
يوم العقد الصباح صحيت كويت لي ايهم جلابيتو ودخلتها ليهو في غرفتي وخليتو يجهزو نفسو وطلعت للبنات في الطابق الفوق ،،لبست توب بدرة سادة لونو زيتي ورفعت شعري ضنب حصان عملت ميك اب هادي ومكيجت هبة والبنات ورجعت تميت لبسي هبة ساعدتني في ربطة التوب ولبست معاهو شبط رين بو واطي ونزلت دخلت غرفتي لقيت ايهم لابس الجلابية وواقف في المرايا وبيتعطر ❤️فضلت سرحانة فيهو وهو لاحظ لي اتلفت وعاين لي مسافة وقال :ي ارض احفظي ما عليك🙈❤️
بقيت بضحك ومشيت شلت الساعة والطاقية لبستهم ليه وهو كان بس بعاين لي في عيوني قال لي طالعة حلوة شديد والحنة رهيبة عليك 🌻💛..
قلت ليهو وانت بتجنن والجلابية دي يحردوها ليك بس😉❤️بقا يضحك وضماني عليهو وباسني في راسي قال لي ربنا م يحرمني منك ..قلت ليهو ولا يحرمني منك ❤️بقا يتبسم وطلع تلفونو وقال لي لازم نوثق اللحظة 😂❤️
بعدها طلعنا والرجال اتحركو ع المسجد ونحنا فضلنا نجهز للوجبة وكدة بعدها سمعنا صوت الطلق والزغاريد اتفكت اتصلت لي لين وصفاء وباركت ليهم❤️واول م محمد وايمن جو داخلين حضنتهم وبقينا نبكي ..جا ابوي وضماني عليهو وباس راسي قال لي ي بتي الف مبروك ليهم وربنا يسعدهم بطلو الدموع ❤️بعدها ابتسمت ورجعت حضنتهم وباركت ليهم ❤️ايهم كان بياشر لي بعيونو علشان م ابكي ومحمد وايمن بقو يشاغلو فيني 😂❤️
العصر انا طلعت الكوافير لي لين وصفاء والبنات جاتهم خبيرة في البيت علشان هبة م تتعب اول م وصلت الكوافير لقيتهم ال 2 راسمين ليهم وحنتهم كانت رهيبة ..قلت ليهم حريم اخواني السمحات❤️حضنتهم وباركت ليهم..لين قالت لي واي ي اسيل يعني انا خلاص بقيت متزوجة؟صفاء قالت لي يعني خلاص انا بقيت مرت محمد احكي لينا العرس دة حلو صح؟ قعدت اضحك فيهم قلت ليهم حتشوفو براكم😂
حوالي الساعة 9 كدة العروسات كانو لابسات وممكيجات وكانو رهيبات وخصوصا لانو الزفاف محجب❤️انا كنت لابسة توب اسود بي دهبي وهيلز دهبي ..وقفت واتصورت معاهم كتير بعدها محمد وايمن جو داخلين بقيت اضحك وقلت ليهم الف مبروك وتتهنو ❤️وطلعت برة لايهمي 🙈❤️
وصلنا الصالة مع العرسان دخلنا الصالة وانا كنت جنب ايهم ..دخلو ورقصو اسلو وكان واضح حبهم لبعض وكانو مبسوطين جدا ..وحقيقي الانسان بحس بانجاز عظيم لم شريك حياتو يكون هو حبيبو الاختارو من بين كل الناس 💍❤️
اول م الحفلة والهجيج بدو انا والبنات م خلينا رقيص وكان معانا ايهم ووائل 😂❤️حتى مشينا للعرسان ورقصنا معاهم الفرحة كانت باينة في وش محمد وايمن احساس انو توجو حبهم بالحلال🌻💛..
خلصت مراسم الحفلة والجيرتق وكانت كلها رهيبة جدا ..والعرسان سافرو 📌❤️
ايهم:
اسبوعين العرس دي كانت اسوء فترة ع الاطلاق وحقيقي اسيل فرقت معاي جدا😂❤️..فضلت يومين تاني بعد العرس في بيتهم علشان تساعد في الترتيب وكذا ..وانا كنت واثق انها قلبها ع ابوها وم حتخليهو براهو لمدة الشهر دي كلها .. وبعدين هي عندها حق شهر كتيرة انو عم عبد الحميد يكون براهو فيها فقررت اني افاجأ بانها ممكن تقعد الشهر دة هناك بس اكيد م بعيد مني لاني ذاتي حاقعد معاها❤️
لميت حاجاتي في شنطة وقفلت البيت واتحركت ع بيتهم بعد م اتصلت لابوها وكلمتو وهو رحب بالفكرة ..وصلت البيت فتحت لي الشغالة ودخلت غرفتها وواضح انو ابوها شغلا وبعدا عن الغرفة زي م قال لي انو حيعمل روحو شبابية وظريف جدا م بستغرب من انو صاحب ابوي😂❤️
دخلت الغرفة وختيت شنطتي ع جنب ولاحظت لاسيل منزلة شنطتا وفيها جزء من ملابسا شكلها كانت بتلم فيهم لانها مفتكرة انها حترجع الليلة
شلت التلفون واتصلت ليها عملت فيها زعلان وقلت ليها اسيل انتي صح ح تجي الليلة؟قالت لي اي بس الوقت لسه بدري اجهز شنطتي واجي ..قلت ليها خلاص تمام وقفلت ..بعد مسافة باب الغرفة اتفتح وانا كنت راقد في السرير فتحت الباب ونططت عيونا لم شافتني وبقت متنحة فيني وهي مخلوعة 😂قلت ليها شنو ي مدام م اشتقتي لي؟قالت لي ايهم انت بتعمل شنو هنا؟ودي شنو الشنطة دي؟
اتحركت عليها وضميتا وقلت ليها وانا كمان اشتقت ليك🙂❤️
بقت تضحك وقالت لي طيب هسة فهمني الحاصل شنو؟
قلت ليها كل الحاصل انا عارف انو مرتي حبيبتي م حتخلي ابوها براهو وبرضو م حترضى تزعل راجلا حبيبا😂❤️
وانا م بيرضيني اخليها محتارة ومقلقة كدة فحنقعد هنا مع ابوك لحد م ايمن ومحمد يرجعو 😉❤️
رجعت وضمتني عليها وقالت لي ايهم انا بحبك جدا وكل مرة بتثبت لي اني محظوظة بيك 💙✨
قلت ليها وانا بحبك اكتر من م تتخيلي ي قلبي وانا حظ الدنيا كلو عندي لانك مدامتي انا وقرصتها من انفها💕
بعدها طلعنا وشربنا القهوة مع ابوها وطلعنا الشغل وهي قالت تعبانة م حتجي ،،قلت ليها خففي من دلالك شوية ي مدام اتاخرتي ع الشغل كتير وممكن تترفدي عادي😉بقت تضحك وقالت لي راجلي الحلو انا م بهون عليهو🙈❤️
قضينا فترة حلوة شديد مع ابوها وكنا بنتلم مع ناس ابوي مرات وبنقضي اوقات ظريفة وحقيقي يعني العز اهل ❤️🔥
ــــــــــــــــــــــــــــــــــــــــــــــــــــــ
تسريع احداث:
هبة ولدت وجابت بت عسولة وسمتها وجن ..واسيل حامل ليها 3 شهور ..نتايج الشلة طلعت ومزن كانت 91 وشادن 92 وماجد وزياد ال 90 💕
مزن وشادن قدمو طب وماجد وزياد هندسة كيميائية❤️ريم خلصت اخر سنة و اتخرجت وعملو عرسها وهي وائل وكان حلو جدا والكل كانو مبسوطين ليهم❤️وايهم منع اسيل من الرقيص علشان الحمل وكذا 😂❤️
ــــــــــــــــــــــــــــــــــــــــــــــــــــــ
بعد مرور سنتين:
اسيل:ايهههاااام انت وبتك غشاشين ع فكرة
ايهم:انتي بس قولي غيرانة مننا😂
تالين:ماما حلاث م تزعلي هاك رثيني انتي☹️
اسيل مشت قفلت الماسورة واتوجهت ع تالين وشالتها باستها في خدودا : معقولة انا ازعل من بتي العسل دي ❤️
جاها صوت ايهم :وزعلانة من ابوها يعني؟
اسيل:ايي لانك غشيت علي ورشيت لي شعري🙂
ايهم جراها من ايدا وضماها هي وبتو عليهو:م متعود اخلي مرتي حبيبتي تزعل مني كتير😉❤️
اسيل بقت تضحك بعدها ساقت تالين وحممتها وهي دخلت وغيرت ملابسا لانها كلها كانت مليانة موية وخلت تالين في غرفتها بترسم وطلعت لايهم برة
ايهم: حبيبي م تنسي بعدين طالعين المنتزه مع الباقين
اسيل قعدت جنبو واتكات في كتفو: ها م وريتونا عاملين لينا شنو؟
ايهم :م تحاولي حبيبي مفاجاة 😂❤️
اسيل صرت وشها:كويس ي ايهم
ايهم وهو بقرصا من ارنبة انفها: حلاتك وانتي مبوزة كدة😘
ــــــــــــــــــــــــــــــــــــــــــــــــــــــ
هبة:ادم وجن نامت؟
ادم:اي ي قلبي نامت ❤️
هبة:هسة م ابت تنوم لي محن غايتو🙂
ادم:سر المهنة حبيبتي وبعدين بتغيري من بتك؟😂
هبة:واغير ليه كمان بس هي بتحبك بزيادة
ادم وهو بنكش ليها شعرا:وبتحبك انتي زاتك بطلي نفسنة😂❤️
هبة:وريني الخبر الحلو القلتو وانا ابطل نفسنة
ادم:بطلي تتشمشري كلو في وقتو حلو 😉
ــــــــــــــــــــــــــــــــــــــــــــــــــــــ
لين وصفاء قاعدين في حديقة البيت لين ماسكة ولدا عمر العمرو سنة وشهرين وصفاء ماسكة بتها حلا العمرها سنة ❤️
بعدها جو محمد وايمن نازلين والاولاد نزلو يلعبو ،،كانو بضحكو وهم بعاينو لشفعهم بلعبو ومبسوطين❤️
ايمن:م تنسو جهزو نفسكم بعدين للمنتزه
لين:نجهز ساي ورونا في شنو
صفاء:اي ياخ ورونا🙂
ايمن عاين لي محمد وضحك :جنهم شمارات ياخ
محمد:ايهم قال اسيل صدعت بيهو 😂
لين:م تورونا ياخ
ايمن:بعدين حبيبي بعدين😂❤️
ــــــــــــــــــــــــــــــــــــــــــــــــــــــ
ريم:اسكت م تتكلم معاي🙂
وائل:حبيبي والله بهظر معاك😂
ريم:تهظر معاي وتقول لي لو جواد كان بت كنت سميتها مآب؟
وائل:م انا عايز اشوف نظرة الغيرة دي في عيونك 😉❤️
ريم وهي بتضربو في كتفو:زح مني بس
وقبل م يرد عليها سمعو صوت بكا ولدهم جواد العمرو 8 شهور ريم حمرت لي وائل ودخلت شالت جواد وبقت تسكت فيهو ،،جا وائل وحضنا هي وجواد من ورا لحد م جواد رجع نام
وائل:حبيبي ياخ والله بهظر وبعدين متاكد انك م زعلانة وبتتغلي علي 😂👊🏻
ريم:واتغلا ليه
وائل:علشان حتموتي وتعرفي المفاجأة المخبنها عنكم😂
ريم:طيب م توريني
وائل:ابييييت حتعرفي بعدين بس😂
ــــــــــــــــــ ــــــــــــــــــــــــــــــــــــــــــــــــــ
العصر كلهم اتلمو في المنتزه مع الاطفال ❤️البنات ملمومين والشمار حارقهم علشان يعرفو المفاجأة😂❤️
بعد طلوع روح طلعو انو الازواج كلهم مخططين انو يسفرو البنات والشفع السعودية يعمرو ويتفسحو ويجو لمدة شهر ❤️
اسيل:وانتو م ماشين معانا؟
ايهم:الشغل حبيبي الشغل 😂❤️
هبة:ليه كدة فجاة حنيتو علينا؟
لين:انا م مطمنة ليهم
صفاء: محمد والله تفكر تعرس فيني بقتلك
ريم كانت بعاين لوائل:وانت من قبيل شابكني ماب وحركات بتفكرو في شنو؟
كلهم قعدو يضحكو في تفكير زوجاتهم 😂ايهم قال ليهم قلت ليكم انا م ينفع فيهم ،،ادم قال ليهم غلطانين ياخ العبرناكم محمد عاين لصفاء وهو بضحك عرس شنو ي هبلة ياخ عايزنكم تغيرو جو بس ،،ايمن قال لي لين اطمني ياخ وبطلو سواد نيتكم دة😂وائل ضحك لمن دمع وعاين لي ريم والله ي قلبي قبيل كنت بهظر بطلي ياخ😂❤️
بعد طلوع روح حتى اقتنعو وجهزو حاجاتهم وسافرو ،،
وكرهو الاولاد بالتلفونات كل يوم بتصلو ليهم فيديو كول😂❤️
عملو عمرة واتفسحو وغيرو جو من ضغط الشغل والشفع والروتين اليومي ..لحد م الشهر تم وكانو خلاص راجعين
اسيل:الله ياخ لو نفضل مع بعض كدة طوالي
لين:اي ياخ انا وصفاء هناك بنزهج من بعضنا خلقتنا فبعض طول اليوم😂
صفاء:اي والله حتى شوفو الشفع بلعبو مع بعض وهاديين
هبة:يا ريت ياخ والله بدل م بنتلم في الشهر مرة
ريم:بالجد والله قبل الزواج كنا متحررين وبنقدر نتلاقى في اي وقت
خلصو من كلامهم واتوجهو ع الطيارة ورجعو السودان استقبلوهم في المطار وكل واحد ساق زوجتو واولادو
بعد مسافة العربات كلها وقفت في نفس المحل والبنات م كانو فاهمين حاجة والشباب بضحكو عليهم وقفو قدام سور عالي وواسع جدا
فيهو عمارتين وكل عمارة فيها 3 طوابق ❤️
البنات كانو بعاينو لبعض وهو متفاجئين لحد م دخلو جوة ولقو عبد الحميد وحسن واميرة وشادن والشلة ❤️
بعدها الشباب قالو ليهم انو من زمان بجهزو في البيوت دي علشان يسكنو كلهم جنب بعض ،،ايهم عاين لاسيل وقال ليها بدل كل يوم انا اشتقت لابوي واشتقت لهبة مرة ولي البنات مرة هدا كلكم سوا😂❤️
العمارتين الطابق التحت كان بتاع ادم والتاني بتاع وائل والتالت كان ايهم..والتانية الارضي كان لي عبد الحميد وحسن سوا..والتاني محمد والتالت ايمن ❤️..
موقع البيت كان مناسب بحيث شادن لسه كانت قريبة من بيت ناس مزن والباقين ❤️
بالمغرب اتلمو كلهم في الحديقة الامامية وبيشربو الشاي والشفع بلعبو بالالعاب وهم مبسوطين..
والبنات كانو فرحانين جدا بمشو الشغل وجابو مربيات للشفع في البيت وبجو بتلمو كلهم في الحديقة ويعملو برامج ❤️..
