"احيـانا تأتي السعادة ع هيأة احدهم🖤"
اتحركو من بيتهم وهم مبسوطين ،،ادم سايق هبة وامو وابوهو ،،ماجد وزياد سايقين شادن ومزن،،ايهم ووائل ومعاهم كذا واحد من شلة الجامعة ،،وفي كم واحد من اعمام ايهم وعمتو وريم ❤️وصلو بيت عبد الحميد الاستقبلهم بطريقة حلوة لانو سلفا هو بعرف عيلة حسن وهم بعرفوهو..قعدو في الصالة الكانت مرتبة بطريقة ظريفة ومزينة بورود ❤️🌹كان في شغالات مهتمين بامور الضيافة وكدة ،،قعدو مسافة قبل م ايمن يطلع ويجي نازل وهو ماسك ايد اسيل ❤️ووراهم صفاء ولين ،،موسيقى هادية جدا ابتدت واسيل نازلة من السلم مع ايمن وتلقائيا الانظار كلها كانت عليها ❤️ايمن وقف اسيل جنب اميرة الحضنتها وقالت ليها ماشا الله تبارك الله ربنا يحفظك ❤️وكذلك حسن ضماها عليهو وهو بقول بتي السمحة ❤️بعدها وقفت جنب ايهم من غير م تسلم حتى كانت متلخبطة وخجلانة ومتوترة شديد ،،وايهم م كان قادر يعاين ليها عارف انو م حيقدر يشيل نظرو منها وخصوصا هي بالفستان الاسود الطالع حلو جدا عليها وتسريحة شعرها الجميلة 🖤وايهم كان لابس بنطلون جينز وبودي ابيض شك وجاكيت وجزمة بالاسود 🖤 فضلو واقفين لحد م شادن ومزن مدو ليهم الدبل علشان يلبسو بعضهم ❤️وكل واحد غصبا عنو عاين للتاني ايهم ابتسم ليها ابتسامة صغيرة بس برضو م منعت غمازتو من انها تظهر واسيل تلقائيا ابتسمت ليهو لبسها الدبلة والمحبس وهي بعدو لبستو الدبلة ❤️وابتدت المباركات عبد الحميد جا وبارك لايهم وحضن اسيل عليهو وهو بقول ليها واخيرا بتي العنيدة حتبقى عروس❤️ابتسمت وقالت ليهو انا م عنيدة ي ابوي..بعدها محمد جاها وهو بضحك قال ليها م كنت عايز اديك لي زول بس دة ايهم يعني نقول شنو😂❤️بعدها ايمن قال لي محمد كفاية زح لي من اميرة ديزني بتاعتي دي😂❤️جاهو صوت ايهم وهو بضحك وقال ليهو كانت بتاعتك ي باشا😂 ،،ايمن رفع حاجبو وقال ليهو من هسة حنبدا حركات ؟جرا اسيل من يدها وضماها عليهو و قال كانت وحتفضل ي زول😂❤️الكل بقا يضحك ،،واستمرت المباركات ،،اخر حاجة ايهم كلمهم بموضوع اللمة بتاعت الشباب واسيل طلعت تغير فستناها بعد مسافة نزلت وهي لابسة فستان عنابي سادة وفيهو حزام اوف وايت وجزمة بنفس لون الحزام نزلت وطلعت مع ايهم ووائل والشباب كانو سبقوهم ،،اثناء ماهم في الطريق ايهم قال لاسيل مافي داعي تتوتري انا لسه ايهم صحبك ويا ريت تتعاملي معاي باريحية ❤️وبالنسبة لاني م باركت ليك ي ستي مبارك علي انا بيك❤️ابتسمت وقالت ليهو التوتر كان لحظي بس انا هسة عادية وي سيدي مبارك علي انا زاتي بيك انت❤️فضلو يضحكو لحد م وصلو جنب النيل ولقو الشباب مجهزين القعدة ،،كلهم بمجرد م شافو ايهم واسيل بقو يصفرو وشغلوها لايهم ،،بعد خلصو من السلام والمباركات وسلام روان البايخ لاسيل ومبادلة اسيل ليها بنفس اسلوبها ايهم قعد واسيل قعدت جنبو ،،وسط نظرات روان الكان باين انها م راضية ابدا ،،وائل كان جنب ايهم من الجهة التانية وهمس ليهو الله يستر وروان دي م تفضحنا🙂وقبل م يخلص كلامو روان قالت:ومن متين ي ايهم كنت بتفكر في الزواج ولا دي اختيارات اهلك؟
اسيل م حبت تتدخل وخصوصا لانها حست كلام روان صح فعلا هي اختيار اهلو 💔
ايهم اتنهد وهو بيمسك يد اسيل وقال:فكرت فيهو بعد م شفتها ي روان واسيل اختياري انا اولا واهلي ثانيا ❤️
وائل م قدر يمسك نفسو من انو يرد وقال ليها:يعني تقدري تقولي كدة اسيل قرارنا كلنا وشايفنها لايقة ع ايهم❤️
اسيل اكتفت بانها تبتسم لايهم الفضل ماسك يدها لسه💕
اتونسو وغنو مسافة واخر حاجة ايهم عزف على الجيتار،واسيل الغنت كلهم كانو مستمتعين وفرحانين بشوفة ايهم واسيل مع بعض الا روان طبعا،،خلصو من قعدتهم وايهم رجع اسيل لبيتهم وقبل م تنزل قال ليها;م تفكري في كلام روان وتزعلي نفسك ❤️
هزت راسا وابتسمت ليهو ونزلت ،،دخلت غرفتها وايمن جاها داخل
ايمن: كيف كانت الطلعة؟
اسيل :حلوة شديد ،،البنات رجعو متين؟
ايمن:بعد م انتو طلعتو انا وصلتهم 🌚❤️
اسيل: شاطر وبتعرف تقتنم الفرص 😂❤️
ايمن:لازم لازم 😂وبعدين شوية كدة وافاتح ابوي بموضوع الخطوبة دة
اسيل:منتظر ليه اتكلم معاهو طوالي؟
ايمن:اي بس نشوف احتمال لحد م عرسك يتم او قبلو م معروف ❤️
اسيل:تمام ربنا يسهل
ايمن:امين يلا تصبحي ع خير حبيبتي❤️
اسيل:وانت من اهله💕
غيرت ملابسها وقبل تنوم تلفونها ضرب وكانت شادن
اسيل:شادو ي شادو
شادن:سولا البريدا❤️عايزة اسالك
اسيل:اسألي
شادن;روان كانت في الطلعة صح؟
اسيل وهي بتضحك :ممم اي
شادن:وبعلي منها اللايوقة دي
اسيل:دمها تقيل بس م ركزت معاها
شادن:احسن ولا تشتغلي بيها اساسا عايني انتي بكرة شغالة؟
اسيل:م اعتقد تعبانة شديد وم اظن اني حاصحى بدري 😂
شادن: طيب حلو انا وريم ومزن جايين نقضي اليوم معاك😂❤️
اسيل:طوالي تنوروني💕
قفلت من شادن ومن التعب نامت طوالي❤️
............................................................................
ايهم:
رجعت البيت وانا بفكر فيها كل مرة اشوفها بحس انها احلى من القبلها❤️كنت واثق انو روان حتحاول باي طريقة تخرب القعدة ،،مسكت ايد اسيل علشان اثبت ليها عكس توقعاتها وفعلا اسيل هي بالنسبة لي اختياري انا ❤️اول م دخلت لقيت شادن قاعدة في الصالة ومعاها مزن من شافتني لوت خشمها وقالت; صحبتك اللايوقة دي زعلت اسيل صح؟
ابتسمت وقلت ليها:القال ليك منو؟
مزن قالت لي معناها فعلا زعلتها
قلت ليهم يعني شوية كلام كدة وانا رديت عليها واسيل اتجاوزتو 🖤بس م وريتيني عرفتي كيف؟
شادن قالت لي : كنت بتكلم مع اسيل وعرفت انو روان كانت هناك وحسيت انها حتكون عملت حركاتا غايتو م عارفة مستحملنها كيف انتو تاني مرة م تطلع اسيل معاك لمكان فيهو البت دي
قلت ليها;حاضر عايزة حاجة تاني علشان انا عايز انوم
قالت لي بكرة وصلنا لاسيل قبل م تمشي الشركة
عرفت انها م حتكون شغالة وقلت ليهم تمام وطلعت نمت
صحيت الصباح لقيت مزن وشادن في المطبخ بعملو في كيكة شكلاتة شلت منها مزن قالت لي زح يدك دي لاسيل قلت ليهم م حتجي ظابطة زي البتعملا هي بنفسها😉شادن قالت لي حركاتك دي بطلها وم تاكل زاتو🙂فضلت اشاغلهم لحد م طلعو واتحركنا ع بيتها..وصلتهم والشغالة هي الفتحت الباب فاتاكدت انو اسيل حتكون نايمة لسه..نزلو وانا اتحركت ع الشركة وفي الطريق رسلت ليها مسج ع الواتس كفاية نوم ي انسانة😂❤️
................................................................................
شادن ومزن دخلو والشغالة قالت ليهم انو اسيل لسه نايمة فدخلو ليها في الغرفة ونطو في السرير
مزن:ي بت قومي
شادن :اسيل هوي كفاية كدة
فتحت عيونها براحة وعاينت ليهم بعدها قامت وهي بتمط في ايديها😂:هممم نورتو ياه🥱❤️
مزن:احم اصلا اصلا ادخلي الحمام وروقي كدة وحنستناك تحت
شادن:اوعي ترجعي تنومي تاني سريع 😂
اسيل: حاضر حاضر 😂
قامت دخلت الحمام واتدوشت لبست بنطلون قطني رمادي وتي شيرت عنابي نصف ردن وشبشب بيت رمادي وفكت شعرها ونزلت ليهم في الصالة
اسيل: صباح الخير 😂❤️🔥
شادن: صباح النور واخيرا صحصحتي
اسيل: والله نومة وحدة صحيت صليت الصبح ورجعت نمت تاني
مزن:النوم دة اظبط حاجة في الدنيا دي
شادن:ي حليلنا كلها اسبوع بس وبعدها المدارس وبتاع😂
اسيل:وانا حانزل شغل للاسف
فضلو يتونسو واسيل عملت نسكافيه وقعدو يشربو وطلعو ليها كيكة الشكلاتة ❤️
شادن:مع انو ايهم قال م حتطلع زي م اسيل بتعملا بس حاولنا😂❤️
اسيل:بالعكس رهيبة م تشتغلو بيهو 😂بعدين ريم وين؟
شادن:عندها محاضرة وحدة وحتجي بعدها
اسيل: طيب تمام
اثناء م هم بتونسو تلفون شادن ضرب وكانت هبة وقالت انها جاياهم❤️
اسيل قامت وجهزت فشار وعصير و قالت ليهم نطلع نحضر فيلم بعد الفطور💕
بعد مسافة هبة وصلت وكانت جايبة لاسيل خلطات وعطور كدة 🌹
اسيل: ليه متعبة نفسك حبيبة م كان في داعي❤️
هبة : مافي تعب ي قلبي حاجة بسيطة وبعدين انتي اصلا لونك حلو م محتاجة بس دي للترطيب وكدة ❤️
بعد هبة بشوية جاتهم ريهم :لمة في الحرم حبيباتي💕
كلهم ردو عليها بامين 💜
فضلو يتونسو مسافة شادن قامت سالت اسيل وقالت ليها م حكيتي لي روان العواليقة قالت ليك شنو؟
اسيل :كلام م مهم بس حاحكي ليكم
حكت ليهم وكلهم كانو بشتمو فيها
هبة: باين عليها عايزة تعكر مزاجك باقل شي م تركزي معاها
ريم : اصلا من ايام عرسكم ي هبة م حبيتا بتاعت حركات خلاص
مزن:شديد ياخ
اسيل: خلونا من سيرتها وارح نعمل الفطور
كلهم دخلو المطبخ ورصو الصفرة وقعدو ياكلو ويتونسو بعدها شالو العصير والفشار وطلعو الصالة بتاعت القعدة كان فيها شاشة وفضلو يحضرو فيلم :The Fault in our stars💛
كلهم اتاثرو بيهو حباها وهي عيانة وهو المات وخلاها💔هايزل وقتها قالت "الشخص الوحيد الذي اردت ان احدثه عن موت اغسطس هو اغسطس نفسه💔🌹"ع الرغم من اللقطات الحزينة الا انهم استمتعو ❤️بعد الفيلم خلص هبة عاينت لاسيل وقالت ليها تعالي اسرح ليك شعرك دة وبعدين اعملي ليك ماسك او خلطة ونومي بيهو عرسك قرب حتفضلي كدة لمتين
اسيل قالت ليها لسه بدري ياخ
ريم:بالجد حتتحبسي متين ؟
اسيل:م عارفة م حابة الموضوع دة بس الشهر الجاي حابدا
هبة:شهر واحد؟غايتو اصلا انتي م محتاجة تفتحي لونك كدة حلاتك ف م حيكون شوية يعني
اسيل قامت جابت ليها حاجات التسريح وهبة عملت ليها ضفرة من قدام ولفت ليها الورا كعكة مرخية ومسكتها ليها بالمشبك 💕بعدها كلهم نامو لانهم كانو تعبانين ،،اسيل صحت بصوت تلفونها ولقت ايهم متصل ليها شالتو وطلعت غرفتها
اسيل: الو
ايهم: شنو لكن البنات شاغلنك للدرجة دي؟
اسيل: اي والله م فضيت للتلفون من قبيل
ايهم:لالا تمام حبيت اسلم عليك بس
اتكلمت معاهو شوية ونزلت بقت تجهز في الغدا مع الشغالة وهبة صحت وساعدتها بعدها ناس ابوها كانو،جو،ودت ليهم الاكل في الصالون وهي والبنات اكلو في الصفرة برة ..خلصو من موضوع الغدا والبنات كانو راجعين واسيل طلعت معاهم علشان توصلهم لما وصلو شادن قالت لي اسيل انزلي واسيل قالت ليها بي ملابسي دي م نازلة😂وهم بيتكلمو ايهم كان طالع من البيت وبتكلم بالتلفون لمح عربية اسيل فوقف واتوجه عليهم والباقين دخلو وخلوهو مع اسيل النزلت من العربية علشان تسلم ع ايهم
ايهم: ليه م دخلتي؟
اسيل:م عاملة حساب اني حادخل عاين انا لابسة شنو😂
اايهم:عادي حلوة جدا تمشي معاي؟
اسيل:وين؟
ايهم:حنة واحد صحبي
اسيل وهي بتضحك:بتبالغ ي ايهم دة منظر امشي بيهو حنة هسة المهم استمتع وسلم على وائل عارفاهو حيكون معاك وبعدين طالع حلو والعلى الله ظابطة❤️ضحكت وخلتو بضحك ودورت عربيتها ورجعت البيت ❤️✔️
..........................................................................
مر شهر ع خطوبة اسيل وايهم واسيل نزلت الشغل والبنات وماجد وزياد نزلو مدارس برضو ،،في يوم اسيل كانت في المكتب وبتراجع في الملفات القدامها كانت مواجهاهم مشكلة في الفرع الجديد العملوهو كانو محتاجين شركة كبيرة تمولهم براس مال علشان يقدرو يبدو مشاريعهم اسيل اتحركت ع مكتب ابوها وعرضت عليهو انو يستعينو بشركتو بتاعت كندا وهو رحب بالفكرة وقال ليها ممكن تسافرو انتي وايهم بعد العرس وتتمو الشغل دة
طلعت من ابوها ومشت لي ايهم ووائل وحكت ليهم وم كان عندهم مانع
شالت تلفونها واتصلت لاحمد"المسك ادارة الشركة في كندا"
اسيل:احمد ازيك؟
احمد:انسة اسيل بخير والله انت كيفك؟
اسيل:عافية حمد لله بس عايزاك في حاجة وحكت ليهو
احمد:تمام في اي وقت تعالي ونتم العقود
اسيل:تمام حاتواصل معاك واوريك حاجي متين
ايهم كان متضايق جدا من كلامها مع احمد وقال ليها :قصدك حنجي متين م هو م ح تسافري لوحدك صح؟
اسيل:ابوي قال ممكن نخليهو بعد العرس وكذا ونسافر هناك اذا م عندك مانع؟
ايهم:طبعا م عندي المهم انك م تكوني براك
رجعت البيت بعد م طلعت من ناس ايهم وكان خلاص فاضل للعرس شهر فكان لازم تبدا تتحبس..🖤
لها بقيـة💕
