My Weird Husband [ Completed ]

Part 13(U&Z)

စက်ရာပြောသမျှကိုနားထောင်နေလိုက်ပြီးရဲသွေး ဘာမှ မပြောတော့ပဲ Coat အင်္ကျီအနက်ကို ယူလိုက်ပြီး စက်ကိုလှမ်းပေးလိူက်တာဖြစ်သည်။ ပထွေးဖြစ်သူကိုသိက္ခာချခြင်တာနဲ့ပဲ ကိုယ်မကြိုက်တဲ့လူကိုကောက်ယူလိုက်တာတဲ့ ဒီကောင်ဟုတ်ရောဟုတ်ရဲ့လား။ သူများသိက္ခာကိုချနင်းဖို့အတွက် ကိုယ့်သိက္ခာကို အရင်ဆုံးချနင်းရတာပဲမလား။ သူ့သူငယ်ချင်းကတော့ တကယ်မလွယ်တဲ့ကောင်ပါ။

ထို့နောက်စက်ကSuitအပြည့်အစုံဝတ်ပြီးတာနဲ့ စာဆိုရှိရာအခန်းထဲဆီဝင်လာပြီး

"မင်းအခုထိမပြီးသေးဘူးလား၊ ပွဲစတော့မယ်"

နောက်မှပြောသံကြောင့် စာဆိုလှည့်ကြည့်လိုက်ပြီး စက်ကိုသေသေ
ချာချာကြည့်လိုက်၏။ အဖြူရောင်ရှပ်အင်္ကျီ ပေါ်မှာမှ Coatအနက်ထပ်ဝတ်ထားကာ စတိုင်ပင်အနက်နှင့် ဘောင်းဘီအိတ်ကပ်ထဲလက်တစ်ဖက်ထည့်ထားပြီးရပ်နေတာဖြစ်သည်။ ထို့နောက် ဘိုကေကိုမှ နဲနဲရှည်နေသော ရှေ့ဆံပင်တို့ကိုနဖူးပေါ်မှ လှန်တင်ထားပြီး ဆံပင်စလေး တစ်မျှင်နှစ်မျှင်ကျနေပုံကလူကြီးဆန်ပြီးကြည့်ကောင်းလှသည်။
ဖြူဝင်းနေသောအသားရောင်ကြောင့် ညာဘက်ပါးက စပယ်တင်မှည့်နက်လေးကထင်းလျက်။ ငေးကြည့်နေပြီးအသိဝင်လာတာနဲ့ရှေ့ပြန်လှည့်ကာ ချပေးထားတဲ့ Necktieကိုကောက်ယူပြီး စည်းဖို့ရွယ်လိုက်စဥ်စက်ကချက်ချင်းရောက်လာပြီး Necktieကိုဆွဲယူ၍ ကိုယ်တိုင်
ကိုယ်ကျစည်းပေးဖို့ လက်လှမ်းလိုက်တာနဲ့

"မလုပ်နဲ့ဖယ်၊ ကိုယ့်ဘာသာကိုယ်စည်းတတ်တယ်"

"ငြိမ်ငြိမ်နေစမ်း!မင်းလိုတောသားက ဘာသိမှာမို့လို့လဲ၊ အဟမ်း!တစ်ရွာလုံးကဝိုင်းပယ်ထားတဲ့မင်းလိုအရူးကိုငါက တရားဝင်ယူလိုက်တာနဲ့တင် မင်းဘယ်လောက်ကံကောင်းတယ်ဆိုတာသိသင့်တယ် ရှေးစာဆို"

ကိုယ့်ဖြစ်တည်မှုကိုလာရွဲ့နေတော့ စာဆို ဒေါကန်သွားပြီး စည်းပေးနေတဲ့လက်ကိုဖြုတ်ချလိုက်ကာ ကိုယ့်ဘာသာကိုယ် ဆက်စည်းနေလိုက်၏။ဘာတဲ့!ကိုယ်ကပဲသူ့ကိုရလို့ ကံကောင်းတယ်တောင်မှတ်ရအုံးမတဲ့။ဟွန်း!သူကသရဲမြင်ရတဲ့ အရူးဆို။ သူ့ရှေ့မှာရှိနေတဲ့လူကတော့ ဘဝင်ရူးပဲ။ ရူးတာတောင်တော်ရုံမဟုတ်။သူများကိုနှိမ့်ချပြီး ကိုယ့်ကိုယ်ကို မြှောက်ပင့်နေတဲ့ဘဝင်ရူး။ ဆေးမရှိတဲ့ဘဝင်ရူး။