ကိုတုတ်ကြီးက မီးဖိုခန်းထဲကထွက်လာရင်းစက်ကိုကြည့်ကာ လိုက်ပို့ရမလားဆိုသည့်မျက်လုံးမျိုးနဲ့ ပြန်ကြည့်လိုက်တော့ စက် ခေါင်းငြိမ့်လိုက်တာနဲ့ ကားတစ်စီးသွားထုတ်လိုက်ပြီး ပေါ်တီကိုအောက်ရောက်လာသည်။ လင်း လွယ်အိတ်ကိုင်ရင်း စက်ဘက်လှည့်ကြည့်ကာ လျှာထုတ်ပြောင်ပြီးမှ ကားပေါ်ပြေးတက်လိုက်တာဖြစ်သည်။
"ဟွန်း!နေပေါ့ မလိုက်ပို့စေချင်လဲ ၊ ငါကတောင်ပိုသာယာသေးတယ်၊"
ကားလေးလမ်းပေါ်လှိမ့်ထွက်လာတော့ လင်းကားအပြင်ကိုငေးကြည့်နေဖြစ်သည်။ ကိုတုတ်ကြီးကတော့ ဘာမှမပြောပဲ လင်းကို ကားမှန်ထဲက တစ်ချက်ကြည့်ပြီး ကားကိုဆက်မောင်းနေသည်။ဒီကောင်မ
လေး တကယ်အေးအေးလေးနဲ့နောက်ဆုံးနှစ်အထိ ရည်းစားထားတယ်ဆိုတာလဲမရှိ။ အကိုဖြစ်သူနဲ့တော့တစ်ခြားဆီ။ တခြားလူတွေ
သာမြင်ရင် သူတို့နှစ်ယောက်ကိုမောင်နှမလို့ဘယ်သူမှထင်မည်မဟုတ်။ ထို့နောက် ကားမှန်ထဲကိုတစ်ချက်လောက်ပြန်ကြည့်လိုက်တော့ လင်း စာအုပ်ဖွင့်စာကြည့်နေတာကိုတွေ့လိုက်တော့"စာမေးပွဲနီးနေပြီလား"
"ဟူတ်၊ ဦးတုတ်ကြီး ဒီနှစ်ကနောက်ဆုံးနှစ်ဆိုတော့ ပိုပြီးကြိုးစားရမယ်လေ"
သိပ်ကိုလိမ္မာတဲ့ကလေးမလေး ။ ကိုတုတ်ကြီး လည်ပင်းလိမ်၍နောက်တစ်ချက်လှည့်ကြည့်ပြီးလင်းကိုပြုံးပြကာ ကားဆက်မောင်းရင်း ရုတ်တရက်ဆိုသလို မျက်လုံးထဲ လူတစ်ယောက်တိုးဝင်လာတာမြင်လိုက်တာနဲ့ ကားဘရိတ်ကိုနင်းလိုက်သည်။လင်းလဲလန့်သွားကာ နောက်ခန်းကနေ ကိုတုတ်ကြီးကိုကြည့်လိုက်ပြီး
"ကျွီ!"
"ဒုန်း!"
"ဦးတုတ်ကြီး တိုက်မိသွားတာလား၊ စောနက ကားရှေ့ကလူတစ်ယောက်ဖြတ်သွားတာလင်းမြင်လိုက်တယ်"
ကိုတုတ်ကြီး ကားပေါ်ကဆင်းပြီး ကားရှေ့လာကြည့်တော့ မိန်းကလေးတစ်ယောက်က လန့်ပြီးထိုင်ချမိပုံရသည်။ တိုက်တာကတော့မတိုက်မိ။ သူမကလဲလန့်သွားသလိုမျက်လုံးမျိုးနှင့် ကိုတုတ်ကြီးကိုကြည့်လိုက်ပြီး မျက်စောင်းရွယ်ကာ အင်္ကျီကိုဖုန်ခါနေတာဖြစ်သည်။ Uniformဝတ်နဲ့အမျိုးသမီးလေးပုံစံက တစ်နေရာကိုအလျင်စလိုသွားချင်နေသလို လမ်းကူးလိုက်တာဖြစ်သည်။
YOU ARE READING
My Weird Husband [ Completed ]
Romance[ Unicode & Zawgyi ] ငါမြင်ဖူးသမျှထဲမှာစိတ်ဝင်စားဖို့ကောင်းပါတယ်ဆိုတဲ့မိန်းမတွေတောင် မင်းလောက်စိတ်ဝင်စားဖို့မကောင်းဘူး၊ အဟက်!မင်းကတော့ တကယ်စိတ်ဝင်စားဖို့ကောင်းတဲ့ ယောက်ျားလေးပဲ။ ငါျမင္ဖူးသမွ်ထဲမွာစိတ္ဝင္စားဖို႔ေကာင္းပါတယ္ဆိုတဲ့မိန္းမေတြေတာင္ မင္းေလ...
Part 4(U&Z)
Start from the beginning