-
مشاري قرأ كلمة أحبك ودق قلبه كان يلمح له من قبل في كلامه
و أعترف له من فترة .. ايه هو شخص كنت أرمي بكل همومي
عليه صار لي جزء مهم بيومي إذا تضايقت شفت كلامه و ابتسم..
سيد نقطة : ميشو وينك ؟
مشاري : كاني هنا ..
سيد نقطة : شفت شغل ؟
مشاري : هذا أنا أفحط في كل مكان ، يا ثانوي يا جامعي..
سيد نقطة : قلت لك كمل ثانوي ..
مشاري : و قلت لك عفت الدراسة ..
سيد نقطة : للحين أبوك يآخذ من فلوس أمك ؟
مشاري : و تطور الوضع أنه بيزوج نادية من شايب
كبر جدي ع شان الفلوس ..
سيد نقطة : أبوك مريض نفسي ..
مشاري : لا هو قال لها و هي وافقت على طول..
سيد نقطة : تدور ورى الفلوس و كود تصير مرتاحه ..
مشاري : أنا ما أقول إلا يا حظها ..
سيد نقطة : أنا أقول أنه حظي فيك أنك ولد مش بنت
و إلا كان زوجك أبوك من زمان ..
مشاري ضحك : ليش ؟
سيد نقطة : أنت قايل لي أنك أجمل أخوانك ..
مشاري سمع دقة الباب و في هالبيت ما فيه إلا أمه
تدق باب الغرفة عليه خلاها تدخل ..
أم مشاري : تقدر تساعدني حبيبي ؟
مشاري ابتسم لها : ثواني و بجيك ..
مشاري يكتب : أكلمك بعدين ، بروح أساعد أمي ..
سيد نقطة : موجود دائماً هنا ..
-
بعد ما خلصوا طلبيات جلس مع أمه و زوجة أبوه في
الصالة ثواني و دخلوا واحد ورى الثاني بعد ما خلصوا
دوامات و ختمهم ابوه ...
أبو سالم وهم يتغدون : صار شي كبير اليوم ..
أم سالم : شنو ؟
أبو سالم : الشركة سوت عروض تدريب و توظيف
من متوسط لين الجامعه ، تدريب سنة و ستة أشهر
بعدها توظيف فوري ..
سالم بحماس : بقدم يبه ..
ناديه : و الدراسه ؟ أنت آخر سنة ..
أبو سالم : يدرس ليلي الثانويه و أنت مشاري بعد قدم
أم سالم بحقد : لا ليش يقدم ؟ خل سالم بس ..
أبو سالم : مو حبا فيه بس قالوا أي موظف يجيب
أكثر من ولد عنده بيعطونه زيادة ١٠٪ لراتبه غير العلاوة
أم مشاري شافت وجهه ولدها المتحمس و ابتسمت له ..
سالم : أوف يعني بتدرب معاه يع ..
أم سالم : تحمله ..
مشاري تراني هنا شفيهم يتكلمون بإشمئزاز عني ..
أبو سالم : أنا قدمت أوراقكم ، لذا بعد يومين المقابلات،
لا تفشلوني في الكلام ..
سالم : من ناحيتي عندي أسلوب قل للكلب لا ينابح وًيفشلنا.
ضحكوا جميع إلا مشاري وأمه ..
بعد ما خلص شغل مع أمه دخل الغرفة و عقد حواجبه ..
مشاري : ليش مآخذ بدلتي ؟؟
سالم و هو واقف يشوف نفسه في المرايه : تعال أضربني
بعد ..
مشاري أنحقن : جديدة ..
سالم : و إذا هذي بعد بكرة بروح فيها المقابلة ..
مشاري : و أنا ؟
سالم وهو يفصخ : ما يهمني ..
مشاري استسلم سريع يدري أنه إذا عاند راح
يشق البدلة أو يحرقها .. فتح اللاب و دخل يكلم
السيد نقطة ..
السيد نقطة : أوه زين ، فرصة ما تتعوض ..
مشاري : ما شكله سالم بيخليني على راحتي ..
السيد نقطة : وش نوع الشركة ؟
مشاري : كل شي ، ملابس ماركات جزم اكسسوريز
و الإلكترونيات يعني شي كبير..
السيد نقطة : أجل وش فيه أبوك يلعب بذيله و شركته
كذا ؟
مشاري : أبوي لاعبين عليه ربعه كل يوم و الثاني رايح
البحرين و هالحركات اللي مالها سنع ..
السيد نقطة : اهم شي ما يسويها ويآخذ راتبك ..
مشاري : يآخذه أكيد بس بشيل جزء منه لأمي
ع شان تترك شغل الطبخ ..
السيد نقطة : الله يوفقك ، و يسهل عليك ..
مشاري : تصدق رحت شركة أبوي مرة بس تعرف
وش شدني فيها و تمنيت اشتغل هناك ؟
السيد نقطة : شنو ؟
مشاري : صاحب الشركة ..
السيد نقطة : نعم !!
مشاري : ههههه أحسه نفسي بس عكسي ..
السيد نقطة : ما فهمت شلون نفسك ؟
مشاري : أبوه إماراتي و أمه سعوديه ، فاتح له
في كل دولة فرع ، بس ع شان امه الفرع الرئيسي
هنا ..
السيد نقطة : يشبهك لأنه خليط من جنسيتين ؟
مشاري : و يحب أمه و سوا كذا ع شانها ..
السيد نقطة : واضح انه شايب ..
مشاري : لا عمره ٢٨ ..
السيد نقطة : وًشكله ؟
مشاري انحرج : وسيم ، رجولي ..
السيد نقطة : ناوي تنصفع ميشو خلاص بدعي
ربي ما تنقبل ..
مشاري : هههههه ليش ؟
السيد نقطة : تتعزل فيه و يعجبك و مدري ايش ..
مشاري : ههههه لا تخاف مادرى عني ..
السيد نقطة : أمزح معك ، اهم شي صر واثق في
المقابلة و لا تخلي سلوم يحبط فيك ..
مشاري : تسلم لي ..
-
بعد يومين في الشركة الكل كان كاشخ عكس مشاري
إللي كانت ملابسه مرتبه بس عادية ..
سالم لأبوه : كم عدد اللجنة اللي تقيم ؟
أبو سالم : واحد بس ..
مشاري : بس واحد بيقابل هالناس كلها ؟
أبو سالم : اهم شي لا تفشلني إذا ما حصلت العلاوة
راح تكرف ليل نهار ..
مشاري أنغبن ولف وجهه ..
السكرتير : راح يقابلكم الرئيس ثلاثة ثلاثة لذا أول
ثلاثة - سالم ال و مشاري ال و سعيد ال -
سالم : أمااا أنا معاه ..
أبو سالم : مشاري بقتلك لو يصير شي ..
مشاري انقهر ليش ما توصي الأهبل هذا و زيادة
انه الرئيس قام قلبه يدق بقوة ...
دخلوا ثلاثتهم و جلسوا شوي و فتح الباب من غرفة
داخليه و طلع لهم وهو يبتسم ..
سلطان : السلام عليكم ..
ردوا السلام و جلس قبالهم ، ما كان لابس مثل
اي رئيس ثوب و شماغ ، كان لابس كاجول أنيق
و الماركات تمليه من فوقه لتحته ..
سلطان : مقابلتي بتكون عبارة عن سؤال واحد بس ،
مستعدين ؟
سالم + سعيد : ايه ..
سلطان طالع في مشاري اللي كانت يده ترجف : وأنت ؟
سالم دقه وهمس : يا كلب رد..
مشاري قبض على يده : ل... لا انا مو مستعد الحين..
سالم صك على اسنانه : شفيك ؟
سلطان تسند ع الكنب : تقدر تطلع و يجي غيرك متى
ما أستعديت تعال ..
وقف مشاري و استأذن و طلع .. شافه ابوه وًمسكه ..
ابو سالم : أنطردت ؟
مشاري : لا بس .. سألنا سؤال ممكن استخدم كمبيوترك؟
ابو سالم : شنو هالسؤال ووين سالم ؟
مشاري : بشيك على شي ، شكله سالم بينقبل..
فرح ابو سالم و خلى مشاري يستخدم الكمبيوتر و رجع
ينتظر طلعة سالم ..
مشاري على طول راح المدونة و تكلم ..
مشاري : وينك ؟
السيد نقطة : موجود ..
مشاري : دخلت المقابلة بس لما شفته خفت ..
السيد نقطة : خلصت ؟
مشاري : لا قلت له بستعد و اكلمك من جهاز ابوي ..
السيد نقطة : قلت لك خلك واثق لما ترجع تكلم بحماس..
مشاري : إذا رفضني ابوي بيقتلني ..
السيد نقطة : لا إن شاء الله مقبول ..
مشاري ابتسم : اخليك الحين ..
قفل و حذف الصفحات و رجع جلس ينتظر دوره من جديد..
سالم : سألنا وش طموحك في الحياة هببت عليه ..
أبو سالم : وش هالسؤال بالله ..
ضلوا الناس تدخل لين بقى بس مشاري ..
أبو سالم للسكرتير : باقي واحد ..
السكرتير : ايه عارف تفضل ..
سالم : محدن معاه ؟
دخل مشاري و جلس : آسف من شوي ..
سلطان : مو مشكله تصير دايم ..
مشاري رفع راسه اللي كان منزله و طاحت عيونه
على سلطان و انحرج ..
سلطان وقف : خلاص أطلع ..
مشاري بصدمة : و المقابلة ؟
سلطان : اللي بدربهم اعرفهم المقابلة بس اجراء رمزي..
مشاري تحطم : ب..بس ..
سلطان قرب منه : التدريب يبتدي بعد يومين ..
مشاري طالع فيه : شنو ؟ شقصدك ؟
سلطان : قصدي مبروك ، تم قبولك ...
-- انتهى البارت ..
