وفي إحدى البواخر السياحية والتي ترسو على شاطئ المدينه جلست داليدا أمام ثائر وهي تحاول التهرب من نظراته.. وتستمع إلى دوافعه لاخفاء هويته الحقيقية كانت تستمع له ولكن عقلها كان فى مكان آخر فقد كانت تفكر فى حقيقتها وسبب تواجدها هنا واغضبها كذبه عليها ، نعم فى البدايه غضبت لانه كذب عليها ولكنها استيقظت على الحقيقه المُره وهى انها احبت الرجل الذى قتلت زوجته وهو نفسه الرجل الذى اتت للانتقام منه ومما فعله معها بالماضى او ما كانت تظنه بأنه فعله فهى لم تقابله بل قابلت رامى وكرهها له كان لرامى وليس له هو شعرت بنغزة فى قلبها شعره به يُعتصر بداخل صدرها طال الصمت بينهم هطلت دموعها الحبيسة.. ولم يعد باستطاعتها حبسها أكثر من ذلك..
شعر بخناجر تنحر قلبه مع دموعها التي تتساقط.. فسألها بألم:
ـ بتعيطي ليه بس ؟..
=(هتفت من بين شهقاتها ) مش هنفع اللى بينا دا مش هينفع يكمل
-ليه مش هينفع اى اللى اتغير انا زى ما انا انتِ حبيتينى على حقيقتى زى ما انا حبيتك من غير ما اعرف اسمك كامل و لا حياتك قبلى كانت عامله ازاى ....ولو على جوازى الاولانى ف انا مش عارف اقول اى عليه بس اللى عايزك تعرفيه ان اللى انا فيه دا بسبب داليا هى وصلتنى للمكان دا هى اللى ليها الفضل فى كل حاجة من بعد ربنا
=هزت رأسها بأستنكار :انت مش عارف حاجة فى حاجات تانيه تمنعنا نكون مع بعض غير موضوع جوازك دا فى حاجات كتيره اوى ماتخليناش نكمل حاجات هتكرهك فيا ومش هينفع اقولك اى هى الحاجه دى
-وليه لا قوليلى هى اى وانا هلاقى حل هعمل المستحيل عشان نكون مع بع.....
=(قاطعه وهى تنظر مباشرة لعيونه ) لقيتوا اللى كان سبب فى حادثه مراتك
-للان لا(ثم اكمل بغضب والضرر يتطاير من مقلتيه ) بس مش هسيبها ومسيرى هلاقيها واوصل لعنوانها الجديد ووقتها موتها مش هيكفينى
=(ابتسمت بسخريه ) اتمنى انك تلاقيها وتنفذ كلامك دا ....لان اوقات كتيره الموت بيبقى ارحم
-(هتف بغل وقد اقتضبت ملامحه من الغضب) بس انا مش هخليها تطول الموت بالسهوله دى اللى زي دى لازم تتعذب وتدفع تمن حرمان ام من بنتها وكسره قلوبنا عليها (لاحظ ملامحها المنكسره والحزينه ف اكمل وهو يمسك بيدها بين كفيه ) كلامى دا مش عايزة يخوفك منى انا .......
=انت عاشق والعاشق مستعد انه يعمل اى حاجة عشان البنت اللى بيحبها
-هى كانت حب طفولتى وعمرى ما هنسها لكن انتِ انتِ حب عمرى وشبابى وطوق النجاه اللى جه انقذنى وفوقنى من الضياع اللى كنت فيه انتِ الحاضر والمستقبل (ثم اكمل ) تعالى نتفق اتفاق خلينى دلوقتى نعترف لبعض بكل حاجة كل حاجه ايا كانت اى وبعدها نبداء من جديد وكأن النهاردة اول يوم لينا مع بعض
YOU ARE READING
المحتاله
Romance"لو الوقت كان مختلف او الوقت كان فيه شويه عدل كان زمانك دلوقتي احسن حاجه حصلتلي في حياتي" ضحك أنس بغيظ ووخزها بقوة في خصرها فانتفضت بقوة صارخة لترتطم بكتف ثائر الذي كان يجاورها واقفا ،فامتدت يده تلقائية لتحيط بخصرها محاولة منه لإبعادها عنه ،لم يفهم...
