بينما كانت داليدا جالسه تتناول وجبه الافطار مع انس وأروى ,أخذت تتلاعب بقطع الخضروات في طبق السلطة ضمن الوجبة النباتيه التي قامت بطلبها بنفسها لكى لا يشك فى امرها بالاضافه الى انها مازالت حزينه بسبب ما حدث بالامس ولاحظ كلا من أروى وانس ذلك ليبدا أنس بالتحدث لتغيير الجو العام
أنس موجها حديثه ل أروى والملابس التى ترتديها وكانت عباره عن بنطالون جينز باللون الازرق وتيشيرت باللون الاحمر وفوقه شميز باللون الابيض ورفعت شعرها ذيل حصان ولم تضع ايا من مساحيق التجميل على وجهها فهتف ب استنكار :اوعى تقولى انك هتحضرى بليل باللبس دا
اروى :ماله اللبس دا ؟وبعدين انت مالك ألبس اللى البسه وانت مالكش دخل بيا
أنس :انا اللى منظم السهره دى وانا اللى هحط القوانين ، ألبسى لبس عدل هيبقى في ناس مهمين معانا اول مره يحضروا لازم شكلك يبقى حلو قدامهم
داليدا :انتوا بتتكلموا على اى ؟ ناس مين واى اللى هيحصل بليل ؟
أنس ببساطه :هنحتفل بعيد ميلادك واللى جاى هى ل.....
اروى مقاطعه اياه :يابنى اى انت مابيتبلش فى بوقك فوله ؟ هتقولها كمان على المفاجأه اللى عملينهاهأ؟ يبقى عملنا اى بقى ؟
داليدا بعدم فهم :فى اى انا مش فاهمه حاجة وبعيد عيد ميلاد اى وزفت اى . ؟ دا وقته ؟احنا فاضيين؟انا مش هحتفل ب اى اعياد ميلاد انا خلينا فى شغلنا
أنس :الساعه اللى هنخرجها مع بعض مش هتاثر على المهمه يعنى وكمان انا حضرت كل حاجة وهتحضرى وهحنتفل ونتبسط باليوم دا حقك
داليدا بحده :انس انا مش فاضيه للتفا..............
انس مقاطعا اياها :لا هتفضى وهتيجى يا داليدا وعلى الساعه 10 لو مالقتكيش جاهزة ولابسه احسن فستان عندك ومستنيانى على باب اوضتك هاجى اخدك باللبس اللى عليكى حتى لو كانت بجامه واخليكى فرجه للكل (ثم اكمل وهو ينظر ل أروى )كفايه واحده هتبقى فرجه على اى حال
أروى ببرود :مش هرد عليك واعمل عقلى بعقلك (انهت جملتها وهى تنظر امامها ليستشيط غضبا لتنهض داليدا وغادرت فهى ليست بمزاج جيد لتفاهتهم تلك وكانت فى طريقها لغرفتها ولكنها قابلت كاميليا ف هتفت ب ابتسامه )
-صباح الخير
كاميليا بأبتسامه : صباح النور عامله اى دلوقتى ؟
-الحمد لله .....انا عايزة اتأسفلك لانى معرفتش اقف معاكى اكتر امبارح بس انا كنت راجعه تعبانه ومرهقه
=دا طبيعى اللى بيروح مع ثائر للسوق بيرجع كده واكتر كمان اومال انا بطلت اروح معاه ليه دا كان بيلففنى المكان كامل
-انتوا تعرفوا بعض من زمان ؟
=(هتفت بابتسامه ) من اكتر من عشر سنين .... كنا نعرف بعض احنا الاربع و كان من احلى واجمل الحاجات اللى حصلتلى فى حياتى بجد بشكر ربنا على وجوده فى حياتى (كانت داليدا تستمع لمَ تقوله وبداخلها غضب لم تعلم سببه ولسببب ما ارادت ان تحطم وجهه كاميليا بسبب تلك الابستامه الساذجه المرتسمه على شفتيها و كادت ان تتركها وتغادر ولكن شيئا ما جذب انتباهها وهى تلك الدبله التى ترديها كامليا ف هتفت وهى تبتلع رقها بخوف وتوتر ) اول مره اخد بالى من الدبله وانكم مخطوبين
BINABASA MO ANG
المحتاله
Romance"لو الوقت كان مختلف او الوقت كان فيه شويه عدل كان زمانك دلوقتي احسن حاجه حصلتلي في حياتي" ضحك أنس بغيظ ووخزها بقوة في خصرها فانتفضت بقوة صارخة لترتطم بكتف ثائر الذي كان يجاورها واقفا ،فامتدت يده تلقائية لتحيط بخصرها محاولة منه لإبعادها عنه ،لم يفهم...
