سألته: إيه أصعب الصراعات اللي هعدّي فيها ؟
قال لي: الصراعات كتير، بس هقولّك على أصعب خمسة !
١) الاختيار بين اللي نِفسك تعمله، واللي المفروض تعمله.
٢) الاختيار بين اللي قلبك مرتاح ليه، واللي عقلك مقتنع بيه.
٣) الاختيار بين مكسبك لموقف، ومكسبك لإنسان.
٤) الاختيار بين اللي بتحبّه ومش بيحبّك، واللي بيحبّك ومش بتحبّه.
٥) الاختيار بين حلمك الغالي، والمُتاح الرخيص!
قلت له: طب اعمل إيه ساعتها؟
قال لي: خسارة بعض الناس والمواقف، مكسب ..
لكن خسارة نَفسك، متتعوَّضش ..
فيوم ما تختار تخسر، ولازم هييجي اليوم ..
اختار الخسارة اللي تكسِبَك، مش الخسارة اللي متتعوَّضش !
