''မောင့်''ရဲ့ဒေါက်တာလေး....(Completed)

part(15)

''ဟား ...ဒီလူဆိုးကောင်လေးကတော့..!''

ဆက်သည် မောင့်ရဲ့စကားကြောင့် ဒေါသထွက်နေသည့် မျက်နှာလေးနှင့် မောင့်ဘက်ချက်ချင်းလှည့်ကာပြောလိုက်လေသည်။

'' အဲ့လူဆိုးကောင်လေးက မင်းဆက်နွယ်ဆိုတဲ့ ဒေါက်တာလေးရဲ့ချစ်သူဖြစ်ချင်လို့...။ထပ်ပြောမယ် ဒေါက်တာ့ရဲ့ချစ်သူဖြစ်ချင်တယ်..။ဒေါက်တာ့ကို မောင်သိပ်ချစ်တယ်။
''

'' ကိုယ်ဘယ်နှစ်ခါ ၊ဘယ်နှစ်ကြိမ် ထပ်ပြောရအုံးမှာလဲ။ ကိုယ်မိန်းကလေးမဟုတ်ဘူး။ ''

''မောင့်အချစ်က ယောက်ျားလေးဖြစ်နေလို့မချစ်ရဘူးဆိုပြီး ကျား၊မ ခွဲထားတာမဟုတ်ဘူးဒေါက်တာ ...။ဒေါက်တာ ဖြစ်နေလို့...မောင့်ရှေ့က မင်းဆက်နွယ်ဆိုတဲ့ဒေါက်တာ ဖြစ်နေလို့ကို ချစ်တာ... ။မောင်ဒေါက်တာကိုသိပ်ချစ်တယ်...။ထပ်ပြောမယ် ဒေါက်တာ့ကို မြတ်မြတ်နိုးနိုးနဲ့ကို ချစ်တယ် ...။မောင်ဒေါက်တာ့ကို ပိုင်ဆိုင်ရဖို့ဆိုရင် ဘာပဲလုပ်ရ ၊လုပ်ရ၊ ဘယ်သူတွေဘာပြောပြော ..၊ဘာအခက်အခဲပဲရှိရှိမောင်ရအောင်ကျော်သွားမှာ....။''

မောင့်၏ စကားတွေကြောင့် ဆက် ဘာမှ ဆက်၍ မပြောနိုင်တော့ဘဲ ငြိမ်ကျသွားလေတော့သည်။

''မောင့်ရဲ့ဒေါက်တာလေး ကခုမှအလုပ်ပြန်လာတာဆိုတော့ ပင်ပန်းနေရောပေါ့။နားလိုက်ပါဒေါက်တာ...။ဒါပေမဲ့တစ်ခုတော့မှတ်ထားပေး။ မောင် ဒေါက်တာ့ကို ချစ်တယ်...။ဒီစကားကိုမောင်အသက်ရှင်နေသ၍ ဆက်ပြောမယ်...။မောင်ဒေါက်တာ့ကို သိပ်ချစ်တယ် ။''

ဆက် ချက်ချင်းလက်ငင်းသူ့ကိုယ်သူ
''မောင် ''ဟုသုံးကာ စကားတွေအားတစ်ခွန်းချင်းအလေးအနက်ပြောနေသည့်ကောင်လေးကြောင့် မျက်လုံးဝိုင်းဝိုင်းလေးတွေနှင့်ကြောင်ပြီးသာ ကြည့်နေမိသည်။ ဆက် အသိပြန်ဝင်လာမှ တဒုတ် ဒုတ်ခုန်နေသည့် ရင်ဘတ်လေးအား အသာဖိပြီး လူဆိုးကောင်လေးထံမှ မျက်နှာလွှဲလိုက်လေသည်။

ဆက်သည် လူဆိုးကောင်လေး၏ စကားတွေကြောင့်ရင်ခုန်မိသည်ကိုတော့ ဝန်ခံပါသည်။ သို့ပေမဲ့ မဖြစ်သင့်ဘူးမဟုတ်လား...။ယောက်ျားလေးချင်းတစ်ယောက်နှင့်တစ်ယောက်ချစ်တယ်ကြိုက်တယ်ဆိုတာ ဇာတ်လမ်းတွေထဲမှာသာ လွယ်ကူပေမဲ့ တကယ့်လက်တွေ့ဘဝမှာတော့ ပတ်ဝန်းကျင် ဆိုတဲ့ အရာကြီးကိုဆက်ကြောက်ပါသည်။
အချစ်ကို အချစ်လို့မမြင်ပါပဲ...ရွံ့စရာဟုသာမြင်ကြသည့်ပတ်ဝန်းကျင်၏ ဝေဖန် မှုတွေကို ဆက်လို ဆရာဝန်ဆို့သည့် ဂုဏ်သိက္ခ နှင့်နေလာသူတစ်ယောက်ကတော့ ကြောက်ပါသည်။