Learn To Love Again (Boyxboy)

A Promise Of Forever

"Matatag si Dustin, makakayanan niya ito Jonathan." ang nakakaintinding sinabi nito kahit na nga ba halatang halata din ang pag-aalala nito sa nakakabatang sakit.

"Paano kung nahuli pala tayo Marvin, paano kung hindi tayo nakarating........." ang sinabi ko dito ngunit hindi ko na natuloy iyon nang maalala ko ang naabutan namin kanina, pakiramdam ko ay parang nawalan ako ng hininga ng makapasok kami sa bahay na iyon lalo na ng makita kong duguan sa sahig ang taong pinakamamahal ko habang nakaamba ang kutsilyong hawak hawak ng lalaking iyon.

Malinaw pa din sa akin ang mga nangyari na para bang patuloy iyon tumatakbo sa isip ko na para bang sirang cd.

"Jonathan!" narinig ko na lang na may tumawag sa akin at nang lingunin ko kung sino iyon ay nakita kong si Marvin pala iyon kasama si Xavier.

"Hi Marvin nakauwi ka na pala kamusta ang honeymoon." sinabi ko dito kasabay ng pagak na tawa at matapos non ay nagpatuloy ako sa pag-inom, ilang araw ko nang nilulunod ang sarili ko sa alak para kahit man lang sandali ay makalimutan ko ang sakit na nararamdaman ko sa dibdib ko, finally pinalaya ko na siya pero ang sakit sakit pa din talaga eh, sobrang mahal na mahal ko iyong tao.

"Anong ginagawa mo Jonathan?!" galit na galit nitong tanong sa akin na nagpakunot sa noo ko.

"Well I think I'm drinking beer at the moment." sarcastic kong sinabi dito, ni hindi ko pinansin ang matalim na tingin na pinukol nito sa akin samantalang tahimik lang na nanonood si Xavier na tinanguhan ako at tinanguhan ko din.

"Well obvious na obvious naman ang ginagawa mo, pero anong ginagawa mo bakit hindi mo kasama si Dustin?" tanong nito sa akin and again just hearing his name bring so much pain in my chest na parang pakiramdam ko ay anumang oras ay muling papatak na naman ang luha ko ngunit agad ko iyong pinigilan dahil pagod na pagod na ako sa kakaiyak, kaya naman inisang tungga ko ang hawak kong red horse, kukuha sana ako ng panibagong bote nang marahas iyong agawin sa akin ni Marvin at basta na lang malakas na binato nito sa kung saan.

I glared at him at nakipagmatigasan lang ito sa akin kaya naman ako na mismo ang sumuko at kumuha na lang ako ng panibagong beer.

"Hindi ka man ba nag-aalala kung nasaan na si Dustin?" naiinis na nitong tanong sa akin dahil sa kinikilos ko.

"Hindi ko na kailangan mag-alala dahil sigurado akong masaya na iyon sa bago niya." nalalasahan ko ang pait ng katotohanang iyon, na iba na ang mahal ni Dustin na tuluyan na itong nawalan ng pag-ibig sa akin.

"You don't understand Jonathan, malakas ang kutob ko na nasa panganib ngayon si Dustin." ang sinabi nito and that caught my attention at parang nawala ang kalasingan sa sistema ko at matiim akong nakinig sa kinuwento nito ng subukan nitong tawagan ang kapatid at ilang sandali lang daw ay nawala na ito sa linya at nang subukan ni Marvin na tawagan mula ang kapatid ay out of reach na daw.

"Jonathan, masama ang kutob ko sa nangyayari kay Dustin, my brother need us now, at kung may kahit katiting na damdamin ka pang nararamdaman kay Dustin ay tutulungan mo kami." nanghihina na nitong sinabi.

Gusto ko sanang sigawan ito sa mukha na hindi lang katiting ang nararamdaman kong pagmamahal kay Dustin kung hindi buong puso ngunit minabuti kong tumahimik na lang.

Napagkasunduan namin ng planuhin ang gagawin naming paghahanap kay Dustin.

"We need to know the name of the person na sinamahan ni Dustin." ang sinabi ni Xavier na kumontak na din sa mga connection nito iba na din talaga kapag mayaman ang asawa mo, madaming mga bagay ang malalaman ka.

"Sa pagkakatanda ko ang pangalan non ay Andrei ata." ang sinabi ko ngunit hindi ko alam ang last name ng taong iyon kaya medyo mahihirapan kaming hanapin ito.