လုကျန့်ဖေးက နှုတ်ခမ်းထောင့်စွန်းကို မဲ့ပြသည်။ ခဏမျှကြာမှ သူစကားဆိုလိုက်၏။
"ဆေးက ဘယ်မှာလဲ"
ရွှီရှောင်ရန်က ပြန်တုံ့ပြန်သည်။
"မင်း ဝိုင်ထဲမှာတော့ မထည့်နဲ့။ ကြိုက်တဲ့နေရာမှာထည့်။ဒါက စွတ်ပြုတ်မလား။ဒီထဲထည့်လိုက်"
ပြောပြီးသည်နှင့် သူက အိတ်ကပ်ထဲက အပြာရောင်ဆေးတောင့်သေးသေးလေးကို ဆွဲထုတ်သည်။ဆေးတောင့်အကာကို ဆွဲခွဲကာ အမှုန့်တို့ကို ချန်ချန်းချင်းမှာထားသည့် စွတ်ပြုတ်ပျစ်ပျစ်ထဲသို့ ဖြူးချလိုက်သည်။
"ငါတို့ ဘာလို့ ဝိုင်ထဲ မထည့်ရမှာလဲ"
လုကျန့်ဖေးက အမေးထုတ်သည်။
ရွှီရှောင်ရန်က လေသံကြားရရုံမျှ ပြန်ဖြေလိုက်၏။
"လုကျန့်ဖေး.....သိပ်မကြာသေးခင်က လျိုချန်ချင့်တစ်ယောက် တရားစွဲခံရလုနီးပါးဖြစ်သွားတာကို မင်းသိတယ်မလား
"သိတယ်လေ။ ဘာဖြစ်လို့လဲ"
လျိုချန်းချင့်နှင့် သူတို့ဟာ အသိုင်းအဝိုင်းတူပေမဲ့လည်း ထိုသူ၏ ဘဝကတော့ အလွန်အမင်း အကျင့်စာရိတ္တပျက်ပြားနေကာ မူးယစ်ဆေးလည်း စွဲနေသူဖြစ်သည်။ မိဘတွေကြောင့်သာမဟုတ်လျှင် ထိုသူဟာ မရေမတွက်နိုင်လောက်အောင် သေနတ်ပစ်ခံနေရပြီးပြီ ဖြစ်သည်။
"သူက ရွှီမိသားစုက အကြီးဆုံးမမလေး နဲ့ကစားချင်နေတာလေ။ အဲဒါကြောင့် လူသောက်မဲ့ဝိုင်နီတွေထဲကို အိပ်ဆေးတွေ ခပ်ပစ်တာ။အဲ့ဒီမှာ ဓာတ်ပြုမှုတွေဖြစ်ပြီးတော့ ရွှီမိသားစုက အကြီးဆုံးမမလေးခမျာ တန်းသေသွားပါရောလား"
ယင်းအဖြစ်အပျက်က နည်းနည်းတော့ ဟာသဆန်နေသည်မို့ လုကျန့်ဖေးမှာ မရိုးဖြောင့်စွာပင် ရယ်ချင်သွားရသည်။
ရွှီရှောင်ရန်က ပြောလိုက်ပြန်၏။
"လျိုချန်ချင့်ရဲ့ အဖိုးကသာ အဲ့ဒီကိစ္စကို ဖိနှိပ်ထားတာကြောင့်သာမဟုတ်ရင် ဒင်း ထောင်ထဲရောက်နေတာကြာလှပြီ"
"စွတ်ပြုတ်ထဲမှာ ထည့်ရင်ရော အဆင်ပြေတယ်လား"
"အဆင်ပြေတယ်။ ငါ ဒီဆေးရဲ့ဖော်မြူလာကို သိတယ်။ အကုန်လုံးက တရုတ်ဆေးဖက်ဝင်ဆေးဝါးတွေချည်းပဲ။ကျားဂုဏ်ရည် မာန်မကျမဲ့ဟာရယ်၊ ကျောက်ကပ်အားတိုးစေတဲ့ဟာရယ်ပဲ။ ဟိုလိုမျိုး မကောင်းမကန်းပစ္စည်းတွေနဲ့ တစ်ခုမှမတူဘူး"
YOU ARE READING
ဒီအချစ်ကြောင့်ရူး(Completed)
Romanceစာရေးသူ :西子绪 Genre : Rebirth,drama,Yaoi,Moderm မူပိုင်ခွင့်သည် စာရေးသူနှင့်သာသက်ဆိုင်ပါသည်။ အင်္ဂလိပ်ဘာသာပြန်သူ၏ ခွင့်ပြုချက်ရရှိပြီးဖြစ်ပါသည်။
Chapter 31
Start from the beginning