𝐓𝐇𝐄 𝐁𝐄𝐀𝐔𝐓𝐘 𝐐𝐔𝐄𝐄𝐍 𝐀𝐍𝐃 𝐇𝐈𝐒 𝐊𝐈𝐍𝐆 (Completed)

Part-20

ရိပေါ်ခဏတာ တွေးမိသွားသည်။ ထို့နောက်ချီကုန်းကုန်းကို ခေါင်းခါပြလိုက်သည်။

" ဒီကိစ္စမှာ သူမပါဝင်ဘူးဆိုတာ ကိုယ်တော်ယုံတယ်။ ဒါပေမယ့် ကျိုးသားရင့်ကလည်းအဆိပ်ရှိသူတစ်ယောက်ပါကုန်းကုန်း။ သူ့အဖေရဲ့နောက်ခံအင်အားကမသေးဘူးလေ။ ယုံဖေးထက်တောင်ပိုအန္တရာယ်များတဲ့ထဲပါတယ်။ အခုလိုရှင်းထုတ်လိုက်တာလည်းမမှားပါဘူး "

" ဒါပေမယ့်မတရားဘူးလို့ခံစားနေရတယ် "

ချီကုန်းကုန်းအပြောကို ရိပေါ်ဟက်ခနဲရယ်ချလိုက်သည်။

" ကိုယ်တော့်မှာ အရင်ကတည်းက အနောက်ဆောင်မှာဖိရားတွေ မောင်းမတွေကို ဖယ်ရှားဖို့စီစဉ်ထားပြီးသား။ တခြားသူတွေကို ဖယ်ရမခက်လောက်ပေမယ့် ဒီသုံးယောက်ကိုဖယ်ရခက်မယ်ဆိုတာ ကိုယ်တော်အရင်ကတည်းကသိတယ်။ ဒါပေမယ့်အဲ့မတိုင်ခင်မှာ ဒါတွေအကုန်ဖြစ်ကုန်တယ်။ ကိုယ်တော်လူမသတ်ချင်ဘူး။ ဒါ့ကြောင့် နည်းလမ်းတကျနဲ့ဖယ်ရှားဖို့ပဲ စဉ်းစားခဲ့တယ်။ အခုတော့ အဲ့လိုလုပ်လို့မရတော့ဘူးဆိုတာကို နားလည်လာတယ်။သူတို့က ကိုယ်တော့်ရဲ့သွေးသားအပေါ်ကြံစည်ခဲ့တယ်လေ။ မေတ္တာဆိုတာ ထားသင့်ထားအပ်တဲ့အရာပေါ်မှာပဲထားလို့ရတာ။ ရှောင်းသာလုပ်ချင်ကိုင်ချင်စိတ်ရှိရင် ကိုယ်တော်အနောက်ကနေ အတတ်နိုင်ဆုံးပံ့ပိုးပေးနေမှာပဲ "

ချီကုန်းကုန်းသက်ပြင်းအသာချသည်။ အရှင့်ကိုနားမလည်နိုင်ပါ။ ဘာလို့များ နောက်ကနေ ရှောင်းဖေးပြောင်းလဲသွားမှုအပေါ်အားပေးအားမြှောက်ပြုနေရတာလဲ။ အဲ့လိုလွှတ်ထားရာကနေလမ်းမှားရောက်သွားရင် ဘယ်လိုလုပ်လိမ့်မလဲ။

" ဒါနဲ့ ကုန်းကုန်းကို ပြင်ခိုင်းထားတဲ့စောင်းရပြီလား "

" ဒီနေ့ရတော့မှာပါအရှင်။ အရှင်ပြောတဲ့အတိုင်း ထင်းရှူးသားနဲ့ သေချာကျစ်ထားတဲ့ သင်အူကြိုးကိုသုံးထားပါတယ် "

" အင်း! ပြီးတာနဲ့ ရှောင်းဖေး အဆောင်ကိုတိုးတိုးတိတ်တိတ်လက်ဆောင်သွားပေးလိုက် "

ဟင်! လက်ဆောင်ပေးတာ ဘာလို့တိုးတိုးတိတ်တိတ်လဲ။ ထပ်ပြီးတော့များ.. ကုန်းကုန်း အရှင့်ကိုလှမ်းကြည့်တဲ့အခါ အရှင်သည် သေချာပေါက်ကိုပြုံး‌နေသည်။ ထပ်ပြီးအကြံစည်တွေ! ကုန်းကုန်းတစ်ကယ်မထင်မိပါ။ ဘယ်လိုလုပ်ပြီးများ ဒီလိုအကြံစည်တွေ အရှင့်မှာရော ရှောင်းဖေးအပေါ်မှာပါရှိလာခဲ့ရတာလဲ။