ណាមជូន & ម៉ាយ៉ា
ជីវិតគ្រួសារ ពិតជាមានរឿងច្រើនណាស់ដែលយើងមិនអាចមើលឃើញឡើយ ថានៅថ្ងៃខាងមុខនិងមានរឿងអ្វីខ្លះកើតឡើងនោះ...
ពេលខ្លះជីវិតស្នេហាប្ដីប្រពន្ធ ដែលភ្នែកអ្នកគ្រប់គ្នាសម្លឹងមើលទៅឃើញថាមានសុភមង្គលនោះ វាក៏មិនប្រាកដថាការពិត វានិងមានក្ដីសុខរហូតដែរ ហើយបើយើងក្រលេកមកមើលគ្រួសារមួយនេះវិញ កាលពីមុនប្ដីប្រពន្ធមួយគូនេះស្រលាញ់គ្នាល្អូកល្អើនខ្លាំងណាស់ នរណាៗដែលថាមិនច្រណែននោះ។
ខាងប្រុសជាអ្នកមាន គេមានសមត្ថភាព មានចំណេះដឹងនិងឆ្លាតខ្លាំងណាស់ គេគឺជា
ម្ចាស់ក្រុមហ៊ុនមួយកន្លែងនៅ សេអ៊ូល មានឈ្មោះថា ណាមជូន ខារិសុន ដែលជាបុរសល្អ ស្វាមីល្អឪពុកដ៏ល្អ ព្រមទាំងស្រលាញ់ប្រពន្ធរបស់គេខ្លាំងណាស់
មិនតែប៉ុណ្ណោះ ពួកគេមានកូនស្រីម្នាក់ជាចំណងដៃទៀតផង ឈ្មោះថា ជូនណា ប៉ុន្តែមកដល់ពេលនេះគ្រួសាររបស់ពួកគេបានប្រែប្រួល ព្រោះតែ ណាមជូន បានខិលខូចលួចមានស្រីនៅខាងក្រៅ ធ្វើអោយភរិយារបស់គេគ្រាំគ្រាចិត្តមិនស្ទើរនោះទេ.....
«ម៉ាយ៉ា....អោយបងសូមទោស...ពួក
យើងជានានិងគ្នាវិញបានទេ?? បងសុំទោសបង
ដឹងខុសហើយ....» រាងមាំអង្វរ ទឹកភ្នែកដាបថ្ពាល់
«វាហួសអស់ហើយ ជូន...លោកមានដឹងខ្លួនខ្លះទេថា...កន្លងមកលោកបានធ្វើអ្វីខ្លះដាក់ខ្ញុំនិងកូន..ហឹម??...» ម៉ាយ៉ា និយាយទៅទាំងទឹកភ្នែកចូកថ្ពាល់ ព្រោះមិននឹកស្មានទេថា ប្តីដ៏ល្អរបស់នាងក្បត់នាងជាច្រើនដង
«...»
«លោក...និយាយមិនចេញមែនទេ???"
«...បង....បង សូមទោស»
ពិតហើយ រាងមាំគេពិតជានិយាយមិនចេញមែន ប៉ុន្តែនាយក៏ចូលទៅអោបភរិយាពីក្រោយថ្នមក្នុងន័យលួងចិត្តដែលគេបានក្បត់នាង ប៉ុន្តែ ម៉ាយ៉ា ក៏បានបេះដៃគេចេញហើយបែមកទល់មុខគេតែម្ដង ហើយគេក៏បម្រុងលើកដៃជូតទឹកភ្នែកលើថ្ពាល់សម៉តរលោងរបស់ភរិយាទាំងអារម្មណ៍ដឹងខុស
ព្រោះកន្លងមករាល់ពេលដែលគេនៅជាមួយស្រី គេមិនដែលចាប់អារម្មណ៍និងទឹកភ្នែករបស់នាងឡើយ ទើបគេមិនយល់ថានាងឈឺចាប់ខ្លាំងយ៉ាងនេះ
