#خطأ_طبي «عقاب الاماني»
بقلــم : نورمين 🦋🖤
...
عقاب: للمرة الثالثة والاخيرة، ممنوع تربطين شعرج كدام احد، مفهوم؟
اماني: انت شنو مشكلتك متفهمني؟!
عقاب: نفذي الاكوله ومعليج بالباقي
اماني: لا بلا؟ شنو لعبة بايدك وتجيبني منا وتردني منا؟
جنت احجي بعصبية، لان حرفيا وصلت حدها، تناقضاته واوامره ضيعتني وسببتلي عقد نفسية!
تقرب جرني من خصري عليه بقوة، شهكت بفزع لان متوقعت هالحركة منه، جان عاكد حواجبه ويحجي بتحدي.
عقاب: اي لعبة وبكيفي تمشين، عندج اعتراض؟
حطيت ايدي ع صدره ادفع بي بس ماكو ميهتز، خزرته ونترت بي.
اماني: مو بكيفك الحجي، وخر عني يلاا
شد ع لزمة خصري بقوة اكبر، وانفاسنا اختلطت من كد التقارب الي بيننا.
عقاب: من يوم الوافقتي تجين هنا صرتي لعبة عندي وبمزاجي شأسوي اسوي ومالج حق تعترضين حتى، اما بالنسبة للسانج هذا، نصيحة گصريه، لا اكصه اني وساعتها تكونين انتِ الخسرانة دكتورة
دموعي تجمعت بعيوني وملامحي تجعدت بحزن، بس ماريد ابجي كدامه بعد، يكفي هواي ضعفت وهو استغل هالشي.
اماني: يوم عن يوم اتاكد انو مكانك بالمصح النفسي، مو هنا لان مستحيل تكون انسان صاحي!
كلتها بهدوء ونبرة صوتي كلها حقد، وياريتني مكلتها !
عيونه توسعت والشرار كام يتطاير منها، وشظاياها صابتني بالرعب، اعصابه نطت وكلشي بوجهه كام ينطي تعابير الغضب الناري، مثلت الثبات رغم داخلي دا اطكطك، لان هو من قبل كلي لتكولين كلمة مريض نفسي بس اني الغبية فلتتها بلحظة عصبية!
كمش حنجي بقوة وركز عيونه ع عيوني، كطعت النفس لحظات واني اسمع كلماته.
عقاب: الظاهر انتِ متفتهمين بالحجي، لازم نطبق عمليًا كدامج يلاا تستوعبين!
تقرب عليه اكثر وجان حـ يبوسني والحقد متجمع بنظراته وتعابير وجهه الحادة.
اماني: هاي شبيك عقاب؟!! شدتسوي عوفني فدوة ..
كلتها بضعف ودمعة نزلت من عيني بلا سيطرة مني، وخلت محاولاتي بالثبات كدامه تروح بالخالي بلاش.
تنهد بغضب وحسيته كتم غضبه بالكوة وابتعد، كمشت حنجي لان تأذيت بلزمته، وعيوني عليه مهتاج ميدري شيسوي، فرك وجهه بايده واخذ جاكيته وطلع، كعدت وظليت صافنة بالفراغ..
هو شصار؟ وليش هيج گب من كلمة مصح نفسي!
جان مثل الاعصار الي ياكل كلشي يوكف بطريقه، مدري شلون عافني اصلًا! يمكن الله شفعلي مدري هو حن گلبه عليه ..!
كمت الوم بنفسي، ليش كبرتها وسويتها معضلة، جان لطيف من الصبح واني رجعته لغضبه بكلامي الغبي، اففف ادور ظل بالي عليه وين راح وهو بهالحالة!؟
YOU ARE READING
خطأ طبي «عقاب الاماني»
Akcióرواية من طراز مغايـر، خطأ طبي غير مقصود يغير حياة الجميع.. زواج تحت التهديد، مشاعر وتصرفات متناقضة، لتنشئ قصة حب مختلفة من بين نيران الانتقام.. فهل سينتصر الحب ام ان للانتقام رأي اخر؟ بقلمي انا : نورمين
