خطأ طبي «عقاب الاماني»

- ٦ -

#خطأ_طبي «عقاب الاماني»

بقلــم : نورمين 🦋🖤

...

اماني: عقااااااب

ركضت اشوف شكو، والكالك الدكتورة واكفة ع صفحة خايفة وتستنجد بيه، طلع اكو وصلة محتركة عالطباخ ونارها عالية.

جبت مي ذبيت عليها انطفت،سديت الطباخ، وبأيدي طبطبت ع الجزء المحترگ من الميز الي بصف الطباخ حتى اطفي، راحت النار والتفت على الدكتورة بغضب.

عقاب: انتِ طفلة؟!! اكو وحدة بعمرج تسوي هالسوايةةةةة؟!!!

اماني: ما  متقصدة بالغلط ولله، جنت دا ادور ع كوب اصب كهوة بي، والتفتت لكيت الوصلة صايرة قريب العين ومحتركة كلها

من كالت ممتقصدة انشعل غضبي شعل، يعني هم هالتبرير الي ما منه نفع!!

عقاب: وتالي وياج!!! دومج ممنتبهة ومتدرين!! شويه تصرفي بمسؤولية وبفهم مو صغيرة انتِ

تقربت عليها وحطيت ايدي ع راسها واحجي بغضب.
عقاب: هذا شبي ميشتغل؟ شمحشيته اريد افتهم، تبن؟!!! 

بجت ودفعتني.
اماني: احترم نفسك واحجي عدل لا عبالك ساكتة يعني ضعيفة، ترا اني بارادتي ساكتتلك مو ضعف مني

ضحكت وبتحدي وكفت كبالها، بحيث ماكو مسافة بين وجوهنا، نظراتي الحادة ونظراتها الي تحاول ترسم صورة قوية اتلاكن.

عقاب: شنو كلتي عيدي بلا؟

اماني: سمعتني كلش زين

عقاب: عاجبني اسمع مرة لخ

دارت وجهها وارتباكها مبين.
اماني: وخر شوية

كمشت حنجها ودرت وجهها عليه وبتحدي كلت.
عقاب: ما اوخر، عيدي شكلتي هاي اخر مرة اسئلج

اماني: وشتسوي اذا ما كلت؟

عقاب: سهلة..

كلت هيج وبستها، حاولت تدفعني بس مكدرت، وخرت بعد فترة لما حسيت ع نفسي دا اغلط!
رجعت لورا مثل المصدوم من السويته، بس حاولت ما ابينلها هالشي وظليت راسم تعابير واثقة.

اماني: الله ليسامحك ع كلشي دتسويه، انت انسان حقير واناني، اي اني تسببت بموت اختك بس مجنت اريد هالشي والله وحده يعرف شكد تعذبت لحظتها وللان دا اموت من عذاب الضمير، بس انت شنو؟ كلشي دتسوي بيه متقصده ورايد بي اذيتي!!

عقاب: الله تأثرت ترا، سمعيني زين، هذا البيت بيتي والي اكوله او اطلبه تنفذيه بلا لغوة، الا اذا جنتِ حابة نكمل السويناه قبل شوية
حجيت بسخرية حتى استفزها، لان الكلام الكالته اثر بيه بطريقة غريبة، لانه صح بس اني ماريد اقتنع بي، حتى اظل متمسك بانتقامي منها وما اضعف..!

اماني: انت احقر شخص قابلته بحياتي!!

بسخرية اردفت: لا جرحتيني دكتورة ع كيفج وياي ..