ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*108* ကောင်းတယ်

ရုန်ယိ ပြန်လှည့်ကာသူ့ကိုတစ်ချက်စိုက်ကြည့်လိုက်သည်။ သူတစ်ဖက်ပြန်လှည့်ကြည့်လိုက်တဲ့အခါ သူ့ရှေ့မှာ အဖြူရောင်အရိပ်တစ်ခုက ဖြတ်ခနဲပေါ်လာပြီး ခြံဝန်းထဲကိုအမြန်ဆင်းသက်လာလေသည်။ ထို့နောက် ထိုအရိပ်က သူ့ရဲ့လှပတဲ့အမြှီးကိုဖြန့်ကားလိုက်ကာ မေးလာ၏။
"ရုန်ယိ...မင်းပြောတော့ ငါ့အတွက် မှန်တစ်ချပ်လုပ်ပေးမယ်ဆို ဘယ်မှာလဲ"

ထိုအရိပ်က ဒေါင်းဖြူမှန်းသိလိုက်ရတဲ့အခါ ရုန်ယိက သူ့သိုလှောင်လက်စွပ်ထဲကနေပြီး ခေတ်သစ်ကမှန်တွေနဲ့တူတဲ့ မှန်တစ်ချပ်ကိုထုတ်ကာ ကြီးလိုက်ပြီး ဒေါင်းဖြူကိုကမ်းပေးလိုက်သည်။
"ငါက ကတိတည်တဲ့ယောက်ျားတစ်ယောက်ပါ..ငါပြန်ရောက်ပြီးနောက်တစ်နေ့ထဲက မင်းအတွက်လုပ်ပေးပြီးသား"

မှန်ထဲမှာ သူအရင်ကလောက်အဝါရောင်မသန်းနေတော့တာကိုတွေ့လိုက်ရတဲ့အခါ ဒေါင်းဖြူမှာ အတော်လေးပျော်ရွှင်သွားရပြီး သူ့အတောင်တွေကိုတစ်ဖြတ်ဖြတ်ခတ်ကာ အော်ပြောလိုက်၏။
"ဝိုး...ငါ့ကိုယ်ငါ ပိုပြီးရှင်းရှင်းလင်းလင်းမြင်နေရပြီကွ...အရမ်းလှပတာဘဲ...ငါဒါကိုအရမ်းသဘောကျသွားပြီ..ရုန်ယိ...ကျေးဇူးဘဲ"
##
ရှေးခေတ်က ကြေးဝါမှန်တွေသုံးကြတာမလို့ မှန်ထဲကပုံရိပ်ကအဝါရောင်သန်းနေတာပါ

သူက မှန်ရှေ့မှာ ထပ်ကာထပ်ကာလှည့်ပတ်ကြည့်နေသလို မှန်ထဲက သူ့ပုံရိပ်ကလည်းရွေ့လျားပြောင်းလဲနေသည်။

ရုန်ယိ ပြောလိုက်သည်။
"ဒီမှန်က ခြောက်ဘက်မြင်ဘဲ..မင်းရဲ့တစ်ကိုယ်လုံးကို ဘယ်ရှုထောင့်ကမဆို ရှင်းရှင်းလင်းလင်းမြင်နိုင်တယ်"

ဒေါင်းဖြူမှာ အတော်လေးကိုကျေနပ်သွားပြီး ကျေးဇူးတင်ကြောင်းထပ်ပြောလာသည်။

"မင်းတစ်ကယ်ဘဲ ငါ့ကိုကျေးဇူးတင်တာလား"

ဒေါင်းဖြူက ခေါင်းငြိမ့်ပြလိုက်သည်။ ဘာလို့ဆို သူတစ်ကယ့်ကို ရုန်ယိ သူ့အတွက်လုပ်ပေးထားတဲ့မှန်ကို သဘောကျနှစ်ခြိုက်နေတာကြောင့်ဖြစ်၏။

ထိုအခါ ရုန်ယိ သူ့ဘေးနားက ပုချီကိုလက်ညှိုးထိုးပြလိုက်ပြီး
"မင်း ငါ့တပည့်ရဲ့မျက်နှာဖုံးကို ငါ့အတွက်ချွတ်ပေးစမ်းပါ...ငါတစ်ကယ်သူဘယ်လိုပုံစံရှိလဲဆိုတာကို သိချင်နေလို့"