" အဒေါ် ခေါ်တယ်ဆို "
" သြော် အေး
ဒီည ဒီမှာအိပ်မှာလား မေးမလို့ "
" ဟုတ်အဒေါ် ဒီမှာပဲ အိပ်မှာပါ "
" ဇာခြည်ရော "
" သူက သူ့တပည့်လေးတစ်ယောက်နဲ့အတူ အိပ်ပါလိမ့်မယ် "
ဒေါ်လှက ကျွန်တော့်ကို သနားဂရုဏာသက်စွာနဲ့ကြည့်ရင်း သက်ပြင်းချ၏။ ကျွန်တော်နဲ့ အသက်အလွန်ကွာသောကြောင့် ဘာမှမပြောပဲ တစ်ဖက်သို့ လှည့်နေလိုက်သည်။ အဲ့နေရာမှာ တခြားတစ်ယောက်ဆို စိတ်တော့တိုမိမှာ အမှန်ပင်။
...........................................................
" ဒိတ်က ဘာလို့ဒီမှာမအိပ်တော့တာလဲ "
သိရက်နဲ့မေးနေသော မိုးကို ဇာခြည်စိတ်ပျက်မိသည်။
" မိုးရယ် ဒီအချိန်မှာ ငါ့ကို ဒါတွေမမေးပါနဲ့ "
" ငါတဲ့လား "
နှစ်ယောက်စလုံးရဲ့ ရင်ထဲသက်ပြင်းတွေချနေမိမှာ သေချာသည်။ အချိန်ကြာလာတာနဲ့အမျှ ကျွန်မတို့ရဲ့ ဆက်ဆံရေးက အေးစက်လာခဲ့သည်။ ဒီနှစ်ယောက်က သိပ်မကြာခင် အတူနေကြရတော့မည်။
" ဟူးးးး "
" ဘာတွေ သက်ပြင်းချနေတာလဲ ဇာခြည် "
အခေါ်အဝေါ်လေးတွေကအစ မသိမသာ ပြောင်းလဲလာခဲ့သည်။ အရင်လို ပြန်နွေးဖို့ မဖြစ်နိုင်တော့ဘူးလား။
" ဘာမှမဖြစ်ပါဘူး "
" အင်း "
အခန်းလေးထဲ လုံးဝတိတ်ဆိတ်နေသည်။ နှစ်ယောက်စလုံးရဲ့ အတွေးထဲမှာတော့ တစ်ခုခုကို အဖြေရှာနေကြမည်။ နီးဖို့အတွက်လည်း ဖြစ်နိုင်သလို ဝေးဖို့လည်း တွေးချင်တွေးနေကြမည်။
" မိုး ပြန်တော့မယ်နော် "
" ဂရုစိုက်ပြန်နော် မိုး "
" ချစ်တယ် ဇာခြည် "
" ချစ်နေဆဲပါပဲ "
တစ်ယောက်ကိုတစ်ယောက် ကြည့်ရင်း ပြုံးပြလိုက်သည်။ နှစ်ယောက်စလုံးရဲ့ မျက်ဝန်းတွေက ဖြူစင်နေပါသည်။ သူတို့တစ်ယောက်ကို တစ်ယောက် သိပ်ချစ်နေကြသေးသည်။
YOU ARE READING
မမ ( Complete )
Romanceမန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့တယ်။ ကျွန်တော့်ရင်ကို ပြန်စမ်းလိုက်တော့ ရင်ခုန်သံက တစ်ဒုတ်ဒုတ်နဲ့။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်တယ် ချစ်သောသူလေး ရှိတဲ့ ချစ်တဲ့အမရပူရရေ ငါတစ်ဖန်...
Part - 17
Start from the beginning
