"အရှင့်ဆီ သတင်းပြန်ပို့ရဉီးမယ်....လူအိုကြီးကပဲ သားဖြစ်သူကို တစ်ခါတည်းလိုက်ခဲ့ဖို့ ပြောပေးပါဉီး...."
လာဘ်လာဘအယူကြမ်းတယ်လို့ နာမည်ကြီးနေတဲ့ ဟန်ကုန်းကုန်းက ဒီနေ့မှာတော့ အကျိုးအမြတ်ယူဖို့ငြင်းနေတယ်.....ချန်ဝေမသိမသာ တုန်လှုပ်သွားခဲ့တယ်။
"ကုန်းကုန်း အရင်သွားနှင့်လိုက်ပါ....သားဖြစ်သူက အထုတ်အပိုးပြင်ပြီး...."
ဟန်ကုန်းကုန်းက မျက်မှောင်ကြုံ့လိုက်ပြီး ထေ့ငေါ့လိုက်တယ်....
"ဒီလူအိုကြီးကတော့ အသက်ကြီးလို့ နားမကောင်းတော့ဘူးထင်ပါရဲ့....အရှင်ကို စောင့်ဆိုင်းရအောင် လုပ်နေတာလား??"
ချန်ဝေက မှုန်မှိုင်းတဲ့အမူအရာနဲ့ သူ့နောက်မှာ ဒူးထောက်နေတဲ့ သားဖြစ်သူကို လှည့်ကြည့်လိုက်တယ်။
ချန်ဝေ့မှာ အမွေခံသားသမီးနည်းပါးလွန်းပါတယ်။အကြီးနှစ်ယောက်က သမီးမိန်းကလေးတွေဖြစ်တယ်.....အသက်ငါးဆယ်ကျော်မှ မွေးလာတဲ့ သားဖြစ်သူကို ရတနာတစ်ပါးသဖွယ် တန်ဖိုးထားချစ်မြတ်နိုးခဲ့ရတယ်.... ဓားတစ်စင်းလိုဖြောင့်မတ်နေတဲ့ မျက်ခုံးတွေနဲ့ ကြယ်ရောင်တွေလို တစ်ဖျတ်ဖျတ်လက်နေတဲ့ မျက်ဝန်းတွေပိုင်ဆိုင်ထားတဲ့ သားလေးက ငယ်စဉ်ကတည်းက သေနတ်တွေ၊ဓားတွေနဲ့ဆော့ကစားရတာကို နှစ်သက်တယ်....ဆယ်စုနှစ်တစ်ခုကြာမြင့်ပြီးချိန်မှာ ချန်ဇီမင်းတစ်ယောက် ပုံပြင်တွေထဲက ဝတ်ရုံဖြူသူရဲကောင်းလေးတစ်ယောက်သဖွယ် ခန့်ညားချောမောစွာ ကြီးပြင်းလာခဲ့ပါပြီ.....
ဒီနှစ်ပိုင်းတွေမှာ ချန်ဇီမင်းတစ်ယောက်
လူငယ်တွေကြားမှာ နာမည်ကြီးလာခဲ့တယ်။ ဝါသနာတူ သူငယ်ချင်းတွေစုပြီး နေ့တိုင်း မြို့အပြင်ဘက်မှာ မြင်းစီ၊မျှားပစ် တတ်ကြတယ်။အခုတော့ဖြင့် အတည်တကျ တာဝန်ထမ်းဆောင်ဖို့ အမိန့်လွှာရောက်လာခဲ့ပြီ.....မြို့စောင့်တပ်ရဲ့ တပ်စခန်းက ချန်အိမ်တော်နဲ့သိပ်မဝေးလှပေမယ့် အကွေ့အကောက်များလွန်းလှတဲ့ မင်းမှုထမ်းလောကထဲကို အငယ်ဆုံးသားလေးကို စိတ်ချလက်ချ ဘယ်လွှတ်လိုက်နိုင်ပါ့မလဲ....ဒါက ကောင်းချီးပေးမှုမဟုတ်ဘူး.....
![](https://img.wattpad.com/cover/296986187-288-k200682.jpg)
YOU ARE READING
General Order
RandomAuthor: 偷偷写文 Original Name: /General Order Manhua/Chinese Comic Name: My Majesty Your Grace Support the artist of the manhua/Chinese comic in kuaikanmanhua
Chapter (1)
Start from the beginning