دموع الخذلان

الفصل الرابع

توصل ماسه شقه هيثم وتفتح الباب وتكتشف ان هيثم بيخونها مع صاحبتها وتقف مصدومه للحظات ولكن بتفوق وتقرر  ان كفايه لحد كده وانها لازم تواجه
وفعلا بتطلب منه الطلاق لكن كان من جواها حزن كبير هى محبتش هيثم لكن شافت فيه امل لحياه جديده ومختلفه ممكن تعيشها كانت عايزة تاسس عائله عشان متكنش وحيدة طول عمرها وفعلا يتم الطلاق ومن هنا هتكون نقطه تحول فى حياه ماسه بعد طلاقها من هيثم ورجعوها مصر
ويعدى اسبوع على رجعوها وتروح لفرع الشركة الالمانيه فى مصر وتمضى العقد معاهم بعد ما رفضت انها تستقر فى المانيا رغم انهم عرضوا عليها منصب كبير لكن فضلت انها ترجع واتفقوا انها تشتغل معاهم عن طريق الفرع بتاعهم فى مصر وفعلا وافقت على كده وده بسبب انها قدرت تطور برنامج للحمايه خلال فترة المنحه فى المانيا اللى خلاها تكون الاولى كمان على بعثتها و كمان يكرموها
قبل ما ترجع مصر
وتبدأ العمل فى الشركه وتتعرف على زميله ليها فى الشركة
ويمر الوقت وتقرر انها تتدرب جودو عشان تقدر تدافع عن نفسها وتمر فترة وهى مابين شغلها فى الشركة والتمارين اللى بتعملها لانها كانت بتحاول تشغل نفسها باى حاجه عشان تنسى انها لوحدها وبعد فترة بتكون اتقدمت جدا فى التمارين بتاعتها و حبت الجودو جدا لانها شافت انه حاجه تقدر تطلع فيها طاقتها وبقت قويه فيه جدا ومحدش بيقدر ينافسها فيه وكمان اترقت فى شغلها بسبب ذكائها واجتهادها فى الشغل
وعلى الرغم من ان مستواها اتحسن كتير لكنها فضلت فى شقة زينب لانه اكتر مكان بتحس فيه بالامان اللى هى فقدته
فى الشركة بتعرف ماسه انها لازم تسافر مع مدير الشركه عشان يتمموا الصفقه بتاعتهم لانها المسئوله عن تطوير البرامج
وبتسافر ماسه لفرنسا وتانى يوم بيروحوا للشركه اللى هيتمموا معاها الصفقه وفى الاجتماع بتحس انها شافت صاحب الشركه دى قبل كده ولكنها بتشوف اسمه فى العقود وتتاكد هو مين  وبيعزمهم ابنه على حفله بمناسبه العقود وتحاول ترفض لكنه بيصر على حضورها هى سامح مدير الشركه وترجع على الفندق وهى مش عارف تتصرف ازاى او تعمل ايه
ولكنها بتقف قدام المرايا وتقول لنفسها لازم تكونى اقوى من كده وتقول لنفسها انتى مش ماسه القديمه انتى دلوقتى قويه ومش ضعيفه
وفعلا بتجهز وبتروح الحفله مع سامح وتوصل الحفله وبعد ما تسلم عليهم تقعد فى مكان بعيد عنهم شويه
ويكون احمد  ابن صاحب الشركه طول الوقت عينه عليها ومش عارفه هى شداه ليه وانه حاسس بحاجه ناحيتها لكن مش عارف هى ايه
وهناك هى بتشوف قد ايه هو بيحب اولاده وبيفتخر بيهم وانه عنده بنت جميله وقد ايه هو مبسوط بيها وللاسف عيونها تخونها وتنزل دموعها لكن بتمسحهم بسرعه قبل ما حد يلاحظها لكن فعلا بيكون حد شافها ويستغرب من نظراتها واللى اتحولت بسرعه من حزن لنظره تانيه مفهمش معناها ....