...................................................
မမပြန်ရောက်တော့ ညနေအတော်စောင်းနေပြီ။
" ဒိတ် အဆင်ပြေရဲ့လား "
" ဘာကိုလဲ "
" တစ်နေကုန် တစ်ယောက်ထဲမို့လေ "
" အင်း ပြေပါတယ် "
မမနဲ့ကျွန်တော်ကြား နည်းနည်းသူစိမ်းဆန်နေသလို ခံစားရသည်။ လမ်းခွဲစကားပြောစရာမလိုပဲ ကျွန်တော်တို့ နှစ်ယောက် ဝေးခဲ့ကြပါသည်။
" မမရေချိုးအုန်းမယ် "
" ကော်ဖီဖျော်ထားပေးရမလား "
" သောက်ခဲ့ပြီးပြီ "
ကျွန်တော် မတ်တပ်ရပ် ခါးထောက်ပြီး စိုက်ကြည့်နေလိုက်သည်။ ပြောစရာစကားတွေ များနေပေမယ့် ပြောခွင့်မရှိတော့ပြီမို့ တံတွေးကို အကြိမ်ကြိမ် မျိုချရင်း
" အရင်လို ပြန်နေပေးပါလားဗျာ
ချစ်သူလို မဟုတ်ဘူး မောင်တစ်ယောက်လို "
" နေပါတယ် "
"အင်း "
စိတ်ထဲကနေ သက်ပြင်းကို အကြိမ်ကြိမ်ချရင်း ဒီအခြေအနေကြီးကို မုန်းနေမိသည်။ ဒီလိုဖြစ်မယ်ဆိုတာ ကြိုတွေးထားမိပါတယ်။ ဒီလိုခံစားရမယ်ဆိုတာတော့ ကြိုမသိခဲ့ဘူး။
ဒီလိုအချိန်မှာ လေညှင်းလေး အနားကတိုက်ခတ်ရင်တောင် ဓားနဲ့ရှပ်ထိသလို နာကျင်ရပါသည်။ အလွမ်းသီချင်းသံလေး ခပ်သဲ့သဲ့ ကြားချိန်မှာတော့ ကျွန်တော့်ရင်ဟာ ပြောမပြတတ်အောင် နာကျင်နေရသည်။
ညဘက်ထမင်းဝိုင်းမှာ မမက ကျွန်တော့်ဖို့ ဟင်းတွေ ခူးခပ်ပေးနေပါသည်။ ကျွန်တော်လည်း အရင်လို ဆက်ဆံရေးကို သတိရလာမိပြီး စနောက်ချင်စိတ် ပေါ်လာမိသည်။
" မောင့်ကို ဦးချတာလား "
" ဟင် "
မမ အထိတ်တလန့်ဖြစ်သွားပုံလေးက ချစ်စရာကောင်းနေသည်။ ကျွန်တော်က ပြုံးစိစိ လုပ်နေပြီး
" မောင်ပြောတဲ့ အထဲ ဘာများအမှားပါသွားလို့လည်း ခင်ရယ် "
ဒီတော့မှ သူက ပြုံးပြုံးရယ်ရယ် ဖြစ်လာပြီး
VOCÊ ESTÁ LENDO
မမ ( Complete )
Romanceမန္တလေးမြေပေါ် ခြေချလိုက်တာနဲ့ ငြိမ်သက်နေတဲ့ နှလုံးသားလေး တစ်ဖန်နိုးကြားလာခဲ့တယ်။ ကျွန်တော့်ရင်ကို ပြန်စမ်းလိုက်တော့ ရင်ခုန်သံက တစ်ဒုတ်ဒုတ်နဲ့။ ကျွန်တော် ကျေနပ်စွာပြုံးရင်း အမရပူရမြို့ကို နှုတ်ဆက်လိုက်တယ် ချစ်သောသူလေး ရှိတဲ့ ချစ်တဲ့အမရပူရရေ ငါတစ်ဖန်...
Part - 15
Começar do início
