The CEO's Temporary Bride

Chapter 6 - Gift Giving Spree

"Hindi malalaman ng mga ka-opisina niya na galing sa akin?" kunot noong tanong ni Evo.

"Yes," tumangong sagot ni Miss Edmilao.

"How can that be a good idea?" tanong ni Evo.

"Gawin mong regular ang pagpapadala ng regalo tulad ng bulaklak, chocolates, cake, cookies at ibang cute na bagay. Tiyak na pag-uusapan 'yan ng buong floor. Lahat makikisali sa pagtuklas kung sino ang secret admirer ni Tamara," excited na nagpahayag si Miss Edmilao ng kanyang suhestiyon, "at kapag invested na ang lahat para sa pagkikilala kung sino ang secret admirer ni Tamara, show up ang bring some flowers then ask her for a date."

"That works?" tanong ni Evo.

Mas interesado siya sa parteng magiging invested ang mga tao sa pagkikilala kung sino ang admirer ni Tamara. This way, mas magiging maugong ang balita tungkol sa kanila at ibig sabihin 'nun, mas magiging makatotohanan kung magpopropose niya.

Kinikilig pa rin si Miss Edmilao habang palabas na siya sa opisina pero bago niya mapihit ang door knob ay may sinabi si Evo, "don't talk about this to anyone."

"Makakaasa ka po, sir," agad na hinarap ni Miss Edmilao si Evo, "your secret is safe with me. Saka, huwag kang mag-alala. I will be your eyes and ears sa opisina."

Nakangiting humilig si Evo sa kanyang swivel chair. He imagined Tamara's reaction and how people will talk about it. Pinindot niya ang intercom para makausap ang kanyang sekretarya, "sabihin mo kay Chad na pinapapunta ko siya dito. I need him to do some things."

_______________________

Abala pa rin si Tamara sa kanyang ginagawa pero hindi pa rin niya maiwasang mapangiti dahil kahit papano, nakita niyang nag-effort si Evo. Nakailang pages na siya sa kanyang ini-encode na report nang biglang may dumating na delivery boy.

"Flower delivery po for Miss Tamara Jacinto," saad ng delivery boy.

"Hoy Tamara! May nagpadala ng bulaklak sa'yo," natutuwang saad ni Jessa.

"Para sa akin?" kunot noong napatingin si Tamara sa delivery boy.

"Ikaw si Miss Tamara Jacinto?" tanong ng delivery boy.

"Ako nga," sagot ni Tamara.

"Pakipirma na lang po dito," saad ng delivery boy.

Pinirmahan ni Tamara ang receipt form saka tinanggap ang bulaklak. Agad namang nagkumpulan ang mga katrabaho ni Tamara upang alamin kung kanino galing ang bulaklak.

"These beautiful flowers are not even 10% of the beauty you have," nakasaad na mensahe at nakalagay na, "from anonymous."

Napakunot ang noo ni Tamara dahil wala siyang maisip na taong magbibigay sa kanya ng bulaklak. Hindi pa nga siya nakabawi sa pagkakagulat, may dumating na namang isang delivery boy.

"Miss Tamara Jacinto?" tanong ng delivery boy.

"Wow! Tamara, isang malaking box ng Ferrero Rocher!" excited na napasigaw si Jessa.

Tinanggap ni Tamara ang regalo habang nagkomento naman si Reem, "siguro galing sa iisang tao lang 'yan."

"Ang tanong, sino naman ang lalaking nag-aaksaya ng pera para kay Tamara?" komento ni Shane.

"Naku, inggit ka lang," saad ni Jessa.

Magsasalita sana si Tamara pero biglang tumunog ang kanyang cellphone.

Galing kay Evo ang mensahe kaya lihim niya itong binasa, "galing sa akin ang mga regalo."

"Ba't kailangan anonymous?" reply niya sa mensahe ni Evo.