ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*83* ခင်ဗျားတစ်ဘဝလုံးနောင်တရနေလိမ့်မယ်

လူတိုင်းလည်း ဝင်ပြောလာကြသည်။
"ဟုတ်တယ်..မင်းသခင်က ငါတို့သခင်လေးကိုအရင်သတ်ဖို့ လုပ်ခဲ့တာသိသာနေတဲ့ဟာကို..သူရှုံးတာက သူ့အရည်အချင်းကမလုံလောက်လို့ဘဲ..ဒါတောင်မင်းက သူ့ကိုပြန်လက်စားချေချင်သေးတယ်လား...ငါတို့ကိုဘာများထင်နေတာလဲ..အလွယ်အနိုင်ကျင့်တဲ့ရတဲ့လူတွေလို့လား.."

"ငါတို့သခင်လေးရဲ့ ဆံပင်တစ်ချောင်းကိုတောင်ထိရဲခဲ့မယ်ဆိုရင်..မင်းသခင်လို အဲ့နေရာမှာလှဲနေရအောင်လုပ်ပေးလိုက်မယ်"

"......."
လူတိုင်းက ရုန်ယိကိုကာကွယ်ပေးနေတာတွေ့လိုက်ရတာကြောင့် ရှင်းယွဲ့ ရုန်ယိကို ပြင်းပြင်းထန်ထန်တစ်ချက်စိုက်ကြည်ကြာ ချီလန်ကိုတွဲပြီး ထွက်သွားတော့သည်။

သူတို့တွေ ထွက်သွားတာနဲ့ ပိလော့ခြံဝန်းထဲကလူတွေအကုန်လုံး ထအော်ကာအောင်ပွဲခံကြတော့သည်။

ရှင်းယွဲ့ အံကြိတ်လိုက်မိသည်။
"ဒါကိုအမြဲမှတ်ထားမယ်"

ပိလော့ခြံဝန်းထဲမှာတော့ အစေခံတွေက စိတ်လှုပ်ရှားစွာနဲ့ ရုန်ယိကိုလေပေါ်ကိုမြှောက်တင်လိုက်ကြသည်။
"သခင်လေး..အရမ်းအထင်ကြီးဖို့ကောင်းတာဘဲ...တစ်ကယ်အထင်ကြီးစရာကြီး...သခင်လေးက မဟာယာနအဆင့်ကသူကိုတောင် အနိုင်ယူနိုင်မယ်လို့ မထင်ခဲ့မိဘူး..."

လေ့စိုင့်ကလည်း ပြောလိုက်၏။
"အိုး...ဟေ့လူတွေ..ဒီခံစားချက်ကြီးကသောက်ရမ်းကောင်းတာဘဲကွ!"

အရင်တုန်းကဆိုရင် သူတို့သာ ချီလန်အနိုင်ကျင့်တာကိုခံခဲ့ကြရပြီး ဒါပထမဆုံးအကြိမ် ချီလန်တစ်ယောက် မျက်နှာဖြတ်ရိုက်ခံလိုက်ရတာဖြစ်လေသည်။

အခုတော့ သူ့တန်ထျန်းကပြင်းထန်စွာထိခိုက်သွားတာကြောင့် ပြန်ကောင်းဖို့အတွက် အချိန်အတော်ကြာယူရတော့မည်။ ဒီအချိန်အတောအတွင်းတော့ သူတို့ယင်အိမ်တော်ကြီးမှာ ငြိမ်းချမ်းနေတော့ပေမည်။

ရှန်းလွီ့က ပုချီရဲ့လက်မောင်းကိုစိတ်လှုပ်ရှားစွာနဲ့ဖမ်းဆုပ်လိုက်ပြီး
"ဆရာတူအစ်ကို..ကျုပ်တို့ရဲ့ဆရာက အရမ်းအရည်အချင်းရှိတာဘဲ..သူ့ကို အရှက်မရှိ ဆရာအတင်းတင်ခဲ့မိတာ ကျုပ်တော့အရမ်းကံကောင်းတယ်လို့ခံစားရတယ်ဗျာ.."