ခက်ခက်ခဲခဲတွေ မလုပ်ချင်တော့ဘူး။ လွယ်ကူတယ်တဲ့ နည်းလမ်းကိုပဲ သုံးတော့တယ်။ လိုချင်တာရဖို့အတွက်ဆိုရင် သူ့ရဲ့ပုံရိပ်ကိုလည်း ဂရုမစိုက်နိုင်တော့ဘူး။ ချစ်စဖွယ်အမူအယာလေးလုပ်ပြီး တစ်ဖက်လူ အလျော့ပေးလာအောင် ကြိုးစားကြည့်ရမှာပဲ။
“အမှန်တရားက ကိုယ့်ရဲ့လျှို့ဝှက်ချက်နဲ့ဆက်စပ်နေတယ်.. သိချင်တာသေချာလို့လား..?”
ရင်းဆုယဲ့လည်း ရွှယ်ယို့ရှန်းရဲ့ စိတ်ကောက်သလို အပြုအမူလေးကို သဘောကျပေမယ့် အခုက အချိန်ကောင်းမဟုတ်သေးဘူး။ ဒီကောင်လေးရဲ့ လျှို့ဝှက်ချက်ကို ဖော်ထုတ်နိုင်မှဖြစ်မယ်။ ဒီတစ်ခေါက်အခွင့်အရေးကို လွတ်သွားရင် နောက်ထပ် ဘယ်လောက်ထပ်စောင့်ရမလဲဆိုတာကို ဘယ်သူသိမှာလဲ..?
“……………”
ထိုစကားကို ကြားလိုက်ရတော့ ရွှယ်ယို့ရှန်းရဲ့မျက်နှာက ဖြူဖျော့သွားခဲ့တယ်။ သူက အမှန်တရားကို သိချင်ရုံပါ၊ လျှို့ဝှက်ချက်ကို ထုတ်မပြောရရင် ခင်ဗျားသေတော့မှာမလို့လား.. ဟမ်..?
နေစမ်းပါဦး..! ဒီကိစ္စက ရင်းဆုယဲ့ရဲ့ လျှို့ဝှက်ချက်နဲ့ ပတ်သက်နေတာဆိုရင် ဟော်ရူယန်ကို ထည့်တွေးစရာမလိုတော့ဘူးပေါ့။ သူ့ရဲ့အာရုံကို ရင်းဆုယဲ့အပေါ်မှာပဲ စူးစိုက်ထားရတော့မယ်။
ရင်းဆုယဲ့နဲ့ပတ်သက်ပြီး ပုံမှန်မဟုတ်တဲ့အရာက ဘာများပါလိမ့်..?
မူမမှန်တာတွေမှ အများကြီးပဲ..! အဆိုးဆုံးအချက်ကတော့ ရင်းဆုယဲ့က သူနဲ့တွေ့ဆုံခဲ့ရတာပဲ။ အဲ့အချိန်ကတည်းက ဇောင်းထဲကလွှတ်လိုက်တဲ့မြင်းလို ထိန်းမရသိမ်းမရ၊ ပြန်လှည့်လို့ကိုမရတော့ဘူး..!
အရင်တုန်းကတော့ ဇာတ်ကြောင်းပြောင်းလဲသွားတာက သူ့ရဲ့ဝိဉာဉ်ကူးပြောင်းလာတာကြောင့်လို့ ထင်မှတ်ထားခဲ့တယ်။ အထူးသဖြင့် ကြာပန်းခူးခဲ့တုန်းကပေါ့။ သူ့ရဲ့လုပ်ရပ်ကြောင့် အရာအားလုံး ပြောင်းလဲသွားလိမ့်မယ်လို့ ယူဆထားခဲ့တယ်။ ဒါပေမဲ့ ခုလိုအခြေအနေမျိုးအထိ ဆင့်ကဲပြောင်းလဲသွားစရာလိုလို့လား..?
အရင်ကမတွေးမိခဲ့ပေမယ့် သေသေချာချာ စဉ်းစားကြည့်တော့ သူ့ရဲ့ဝိဉာဉ်ကူးပြောင်းလာခြင်းအပြင် ရင်းဆုယဲ့ရဲ့ အကျင့်စရိုက်ပြောင်းလဲနေမှုကလည်း သံသယဖြစ်ဖို့ကောင်းတယ်။ ပြီးတော့ ရင်းဆုယဲ့ရဲ့ အပြုအမူတွေအားလုံးက သူ့ဝတ္ထုထဲကဇာတ်ကောင်နဲ့ အရမ်းကွာခြားလွန်းနေတယ်။
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
