حن الدنيا ♥

14

رواية : حن الدنيا ❤️✨.
للكاتبة : Nona Alsebhawy

البـارت الرابع عشر .....
اريج : وين كاينه ياللا
نور : المشكله تختفي فجأه
حور : ضحكت : ديري حل لروحك
انا: كان نخبركن
اريج : فنصت عيونها: شنووو
حور ونور : يشبحن فيا : شن صار
انا حكيتلهن ع موقف انور وتفنيصت فراس لكن ماحكيتلهن انه هدرزت معاه
حور : ههههه توا فراس شن حامي رزه خيره يفنص
اريج : جو عليهم
انا : بنات اني وحده نبي ننتقم من الاولاد مشعارفه كيف
نور : ضحكت : هاتو خطه
حور : هاهاها
اريج : ضحكت شرشبيل متاع شر شن الخطه اللي خطرتلك ادوي
انا : ابدعينا
حور : خلوها بعد العشي هيا
وطلعنا تعشينا وخشينا طوول حت المواعين غسلوهن ماما وعماتي وقعدنا فالدار نرجو ف حور وبعد اشويه جت تجري جايبه سفره فيها صحن فيه دقيق وملون غدائي احمر وزيت وشيشه اميه وكاشيك وطاسه فيها عسل متاع البسبوسه اللي زاد وفتحت شنطه امها طلعت فازلين وكريم اساس وبودره وجه ومكياج ترابي
انا : خفت : بسم الله بتسحرينا
اريج : سلامآ قولآ من ربي رحيم
نور : ضحكت : بديري مكياج سنمائي
حور : ايه بنديره يخوف هيا زوز يتبرعو بوجوهن
انا : انا ديريلي
اريج : حت انا نبيه مرعب
انا : لالا انا نبيه ع هيئة جرح ف خدي
نور : لالا حت انا كلنا ديريلنا
حور : عيطت: تي باهي
كلنا سكتنا
حور : حن انتي الضحيه تعالي اول وحده
اريج : كيف يعني واحني
حور : نحكيلكم الخطه ...حن حتكون الضحيه بنديرلها جرح ف خدها ووجها حيقعد دم باهي وحتمشي تجري للاولاد اتقوللهم فيه حاجه عضتني وتجيبهم للدار هدي طبعا الدار حتكون مضلمه واريج ونور حتكونن فيها بنديرلكن مكياج يخوف كيف الغوله وحتلبسن عبايات سود بس بدون اوشحه وشعركن يقعد امشفشف
انا : لنقنك مش ساهله
اريج : متحمسه : وووه انشالله بس يصدقو
نور : اي ولله لكن خطه مش عاديه بكل
وخلطت المواد ف بعض وبدت ع وجهي وكانت سريعه كملتلي ومدارتليش الدم ع اساس لين اتكمل للبنات ودارتلهم وكملتلهم ولبسو وشفشفو شعرهم و دارتلي اللون الاحمر ع وجهي لين بروحي خفت
حور : هيا طيري
انا : نضحك : يارب مانضحكش قدامهم
نور : الله يفرخه بعدها نضربك
اريج : تضحك وتنقز : هياااا
وطلعت راسي من الباب لقيتهم بعيد يضحكو ويهدرزو عيطت عيطه قويييه وطلعت نجري عشت الدور
سيف : وقف مفجوع : خيييرك
فراس : حن خيره وجهك
كلهم يسألو فيا
انا : بنضحك حطيت يديا ع وجهي : فف ءءااا فيه حاجه فالدار عضتني
سند : خاف : كييف شني هيااا
سامر : مسك وجهي : ترا انشوف
انا : بعدت عنه : فالدار البنات قالن تو انجو بيديرن قهوه راجيتهن فالدار يمشي ضي طفي وءء (نبكي ع اساس)وحاجه مسكتني من خدي لكن اللي لمحته زوز اشخاص سوود حواجبهم عراض
امير : اعوذ بالله
انا : عيطت : امشو قبل البنات مايخشو للدار
ومشو يجرو وانا نجري وراهم ونضحك بالشويه وفتحو الدار وخشو يفتحو الضي
اريج : مسكت انور بالقوه من رقبته
انور : وووووه نباش لقبور طلعلي
اريج : ميته من الضحك لين ادير ف اصوات
انور : حييي ايكلم فيا بلغتهم وييدف فيها ويعيط
نور مسكت سامر من شعره
سامر : تجمد : اعوذ بالله من الشيطان الرجيم
نور دارت روحها اتعيط
فراس : يعيط توتر : حت الضي ملقيتاش وين
اريج : مسكت فيه من ضهره
فراس : من الخوف يضربها بكراعه : ت غادي عني
انا :دخلت معاهم سكرت الباب : يماما الباب تسكر بروحه
امير وسراج جو بيمسكو نور واريج بيبطحوهن يحسابوهن شنو غوله شنو جن
انا : مشيت للضي نجري فتحته وضحكت: الخوف باهي
نور واريج وحور طاحن من الضحك
والاولاد فصلو واللي قريب بكي واللي زعل واللي قاعد خايف واللي رقاله
سند : توا هكي بالله كان ركبلنا سكر ولا جن بكل
انا : ضحكت : لالا اهو ماصارلكم شي
سيف : يتفرج ع حور كيف تضحك : ايه ايه اضحكي
حور : رقصت حواجبها : خفت قصدك
فراس فتح الباب وطلع
سراج : متعصب : لعب اعويله
انور : من الكلبه اللي خنقتني
اريج : شبحتله : انا شن بدير هي
امير : ياكلبات نهاركن احرف وطلع
انور : الكلام هدا قوليه وقت انروحو وطلع وطلعو كلهم الا سامر قرب من نور
سامر: باسها ع خدها وابتسم : كل شي منك حلو وطلع
انا واريج وحور : صفرنا وعياط وضرب : غير عدل علينا ايوا احني ايوا ايوا
نور : وجهها ولا احمر : تحشمن عاد
انا : هوا اعطاك بوسه قدامنا واتقولي تحشمن بدل ماانتي تتحشمي
حور : ريتي اختي مايطلع منها
اريج : حييي حييي رومانسس وحركات
نور : ضحكت وطلعت غسلت وجهها
اريج : حن زعما سراج زعل
انا : مش زعلان بس راقيله
اريج : اوووووهه
انا : بري راضيه وحتى انتي واشرت لحور
حور : خيرني انا
انا : سيف ميبينش بس تأسفيله
حور : مالا حت انتي تأسفي لخوي هي
انا : ماقلتش لا توا نراضيه
المهم غسلنا وكل وحده ماشيه تراضي حد الا انا مدورتش
.........
اريج لقت سراج يدخن
اريج : سراج
سراج :......... تجاهلها
اريج : سراجج
سراج : .........
اريج : سراج وحطت يدها ع شعره
سراج : خيرك
اريج : انت اللي خيرك
سراج : حول يدها من ع شعره : خطيني
اريج : حطت يدها ع لحيته وهو رفع عيونه فيها
سراج : شن تبي
اريج : بعدت يدها من عليه : كنت نبي نحكي معاك وبتمشي
سراج : مسكها ولفها ليه وحط يدها ع لحيته : احكي سامعك
اريج : ضحكت وبعدها قعدت تشوف لعيونه وساكته
سراج : ابتسم : وين رحتي
اريج : نزلت عيونها لتحت وبعدت يدها : قاعده
سراج : قعمزي
اريج : قعمزت : احم
سراج : راهو مش زاعل منك لا شي بس حق ربي فجعتونا مش حركه راه
اريج : انتقاام لا اكتر بس منحسابوش رده الفعل قويه
سراج : حصلتي هزايب مستفدتي ب حاجه
اريج : اممم
سراج : خيرك
اريج : شبحت لعيونه وقابلاته بالوجه : سراج شن رايك فيا
سراج : انصدم : شنوو
اريج : لاا قصدي من ناحيه تانيه انا كـ طبع وهكي
سراج : ابتسم : انتي بنت حلوه وتهبلي وكل حاجه فيك سمحه بس مشكلتك الاعصاب الزايده واتحبي اتعاركي معاي
اريج : ضحكت : اسمها مععزه لووكنت نكرهك راه حت السلام مانسلم عليك
سراج : ضحك : ربي يحفظك
اريج : ابتسمت : ويحفظك.
سراج : توتر : ءاا اريجج عادي تعطيني رقمك نتواصلو قصدي نحكو مره مره
اريج : سكتت وشافتله
سراج : خلاص معش نبيه
اريج : هات تلفونك وخداته وكتبت رقمها : اهوا
سراج : ابتسم وشاف لعيونها : شكرا
اريج : العفو ووقفت
سراج : وين
اريج : بندخل للبنات
سراج : خليك اشوي
اريج : باساته بين عيونه ومشت
سراج : مصدووممم فتره بعدها ضحك ومشي جهه الشباب
........
وانا ونور قعمزنا فالدار نور تحكي مع سامر وانا ع الواتسس مكسده ودخلت اريج تبتسم وحور طلعت تحكي مع سيف بعد ميه اقناع وعركه وافقت وبعتت رساله لـ سيف كتبتله نبيك بحدا الورد
......
سيف يرجا فيا ع الاساس وانا بعتتله علشان يحكي مع حور وبعد شافها عرفني مخططه وباتتعاهله دار روحه مكسد
سيف : اهلا
حور : اهلين وابتسمت
سيف : تفضلي قعمزي
حور : قعمزت : والنبي بدون رسميات
سيف : ضحك : هيا وريني اللي مش رسميات
حور : نننننن
سيف : قعد يضحك ع حركتها
حور : خيرك تضحك
سيف : لا شي قصدك متبيش نضحك
حور : اضحك ي سي اضحك
سيف : يضحك
حور : ساكته وتشبح للسما
سيف : سكت وقعد يشوفلها
حور : شافتله بعفويه بتحكي لقاته يتفرج عليها تحشمت : خيرك
سيف : مافيش حاجه
حور : خيرك تشبحلي
سيف : تعرفي انك حلوه لما تفرحي ولما تزعلي ولما تكسدي زياده
حور : تشوف لعيونه : حت انت
سيف : ابتسم ويتلمس ف وجهها وشعرها : شعرك لمشفشف يهبل وعيونك يهبلو وخشمك وفمك وخدودك وضحكتك
حور : جمدت توترت وتحشمت بعدت يده : احرجتني
سيف : نقول فالحق وشبك يده ف يدها بالقوه
حور : سيف انت شخص رائع
سيف : تتزوجيني
حور : انصدمت ......
سيف : قلبي وعقلي اتفقو عليك تتزوجيني
حور : ابتسمت : مافيش احسن منك
سيف : ضحك : قولي موافقه
حور : موافقه
سيف : باهي وباس خدها : توا ادخلي داخل ونتلاقو مرا اخرا تمام
حور : ابتسمت ووقفت : تمام ومشت فرحانه
......
وخشت حور تبتسم حت هيا عرفت ان الامور مشت وبصراحه فرحت لخوتي حصلو بنات زيهن ولله ارتحت وكل شخص حياخد اللي بيرتاح قلبه معاها سند سيف سامر سراج ورقدنا والصبح وعينا والكل فرحان وجوه حلو وانا معادش دورت فراس وطلبت من ماما انروحو نبي نرتاح ف داري وروحنا وخلينا خوتي سيف وسامر وسراج وسند روح معانا ......
*ومرت الايام وانا نحكي مع بنات عماتي واخيرا الخميس خطبنا لخوتي الـ3 وسند الـسبت خطبناله وبديت لاهيه ف قرايتي ومعادش نفتح ف التلفون ومرتاحه نفسيا ومهتمه بـ روحي وبقرايتي وكل يوم احلا من التاني وخوتي مش منقصين عليا حاجه وبابا وماما يدلعو فيا ومتغيروش وانا نحمد ربي كل يوم ونشكره لانه غيرلي حياتي للاحسن ولانه عطاني خوت ميتحملوش حاجه فيا وبابا وماما اللي ماقصروش معاي طول عمري 🥺❤️.

بعـد مرور شهـر ......?!
اليوم المنتظر / حفلة خوتـي ..

انا : شن رايك ياماما
ماما : بسم الله ماشاء الله تهبلي ي بنتي
كنت لابسه قفطان منفوش قصير لونه سمائي وشعري مفتوح وتاج وطاقم فضه ومكياج ترابي بسيط وكعب فضي

وخشو خوتي لابسين البدله الرسميه انا وماما من الفرحه بكينا وباركنالهم وزغرتنالهم معانا الجيران ومبيخها يبدا معندكش خالات يقيمو معاك الفرح
ماما : حن جيبي المبخره انبخركم عن العين
وبخرتنا ماما وصورنا ورفعونا للصاله وقعدنا نرجو فيهم يدخلو مع عرايسهم
وخششناهم بالكبير واخر واحد سراج
وعماتي وام وداد وماما يبكو ويزغرتو من الفرحه انا مشيت حضنتهم وفرحانه واكتر واحد سراج لانه كانت علاقتي معاه مش حلوه وبعدها اكتر واحد تعلقت بيه وهو يمسح ف دموعي ومتأتر ويهدي فيا وخوتي يبتسمو وبعدها والناس تصفق واتغني ويباركو و انا جبت هديتي لكل واحد منهم وحطيتها ف سياراتهم ساعدني انور وامير والحق يهبلو فرحانين لأختهم حضنتهم وهدرزنا شويه وخشيت وطلعو خوتي وقعدت نرقص وفرحانه ورقصت مع العرايس و قعدت بجنب ماما حاضنتها وبعدها هدرزنا ومشي الفرح ع جوه وروحنا موكب يهبل ورصاص والعاب ناريه وتسطريب وعياط ووصلنا لحوشنا وخوتي وصلو لشققهم ورقدنا والصبح وعينا وحوسنا ودرنا الغدي و وصلو خوتي بالعربي وبنات عماتي ووداد وصفقنا وغنينا ورقصنا ومافي حاجه مادرناها والعرب عطيناهم يتغدو وووو ومشي الفرح والايام وخوتي يجو يزورو فينا ومرن الايـام والاشـهر وانا نـجحت ودخلت علينـا سنه جـديده ودخلت للتالته تانوي وقريت ومشت اوموري ونجحت فالفصل الاول بممتاز جبتها الاوله ع مدرستي وكسرت خشمهم لانهم يقولو كاسبه سنه وصغيره ومش حتقدري تنجحي وبفضل الله نجحت وبدي فصل التاني وقاعده نقرا وكل هدا يخش رقم ع الواتس يكتبلي وينك لك وحشه وكذا معدلتش درتله حظر ونجحت من اجديد فالامتحان النهائي جبتها 100% مكرر وكرموني والحمدلله وبابا وماما دارولي حفلة نجااح كبيييرره وخلو الكل يحكو عليها وعزمو الناس كلها ......

رايكم فـ البارت + الحلقه الاخيره قريبب.........?!