رواية : حن الدنيا ❤️✨.
للكاتبة : Nona Alsebhawy
البـارت الحادي عشر .....
ماما : تعالي
انا : نعم
ماما : خيرك انتي وخوك
انا : تعاركنا وزعل مني
ماما : تراضيتو
انا : ايه
ماما : ابتسمت: مافيش خوت بلا مشاكل راه بس خفو منهن شوي ومعادش تتعاركو قدام الناس عيب
انا : بستها : حاضر ماما
ماما : نجك ليا ياعيون ماما
انا : ماما
ماما : نعم
انا : شن رايك ف بنات عماتي
ماما : استغربت : من اي ناحيه كيف يعني
انا : ضحكت : نبيهن لخوتي
ماما : تفاجئت : وللهي تقري ف افكاري نحسك
انا : الله ياماما يهبلن
ماما : وانتي شن عرفك
انا : تو انفهمك سامر يجي لنور و سيف لـ حور وسراج لأريج وجتنا فرصه بالمره مش قلتي تبي تعرسيهم مع بعض
ماما : تفكر : صح ياماما بس سند
انا : ياماما سند شخصيته غامضه وانا انحسه يبي وحده احسااااس رااه وانتي شوفيه اسئليه كان كلامي مزبوط يخطبو بسرعا و العرس الشهر الجاي ياماما لنقني خاطري ف عرس بنفرهد
ماما : تفكر : اي ولله حق كلامي يبنيتي ربي يكملك بعقلك عاقله وتفهمي
انا : ابتسمت وبستها : هي ياماما انخليك توا اتفكري بنمشي للبنات انا ومشيت
نور : نورتي حبيبتي
انا : بوجودك
حور : وين كاينه
انا : سند زعلان مني راضيته
اريج : صحه لك كانه انا خليته يطربق
انا : خليك بروحك انتي مرارتك مفقوعه
حور : اي ولله
نور تضحك وتكلم ف سامر
اريج : حبيب القلب عاد
حور : خف لنا ياشاغلنا
انا : نضحك : خيركن انتن ولا مفيش كبيده
حور : كالا مني انا كبيدتي فيا ف جوفي مانحتاج لحد
انا : فعلا معااك
اريج : وانا مش متاعت ارتباط معنديش اسلوب بكل
نور : صح اتقول انهدرز مع ولد منطق خارب مفيش درة انوته لا انتي لا حور
نوصفلكم تاني ابطال ....
فراس : جمييل عيونه ورتهم من باته (خالد) رحمة الله عليه لونهم اخضر هادي ونقشه ع الاسود وشخصيته جميله مش معقد جوه سمح بس وقت الجد جد عنده .
نور : ملامحها قريبه من فراس عيونها زي فراس ونقشها ع الاسود وبنت عاقله شخصيتها حلوه وقويه ومتقولش توأم حور ميشبهنش لبعض واجد شويه ملامح
حور : تشبه امينه امها عيون سود شعر بني شخصيتها واعره وتافهه ف نفس الوقت هبله .....
اريج : تشبه لباتها عيسى نفس الملامح وكل شي وورتت من امها الشعر البني ولون البشره وشخصيتها تافهه مش متاع جد تحب المشاكل وسطحيه مع الكل
وداد : بنت جميله بمعنى الكلمه مواليد الـ97 وشخصيتها حلوه واسلوبها انيق كما فالصوره ......
نرجعو لروايتنا
حور : هيا نمشو للاولاد
انا : دقيقة مرات يهدرزو ف امور خاصه نور اسألي سامر
نور سئلاته قال تعالن مكسدين امير يعزف ع القيتاره ومشينا
انا : خزي ياخاينين
امير : ضحك ورفع يديه : توا كيف بديت
سيف : قعمزن واقفات ع راسي
قعمزنا بدا يعزف امير
سامر : راهوو وشبحلي
كلهم سكتو يشبحوله
انا : ضحكت
سامر : حن صوتها حلو فالغنا
سراج : ضربني ع ضهري : مخبيته عنا
انا : خيره متعرفش تحكي بدون ضرب
انور : لاضرب لا قسمه متغيريش الموضوع غني هيا
سند : مصدوم : تحكي جد
سيف نفس الشي
نور : هيااا
فراس. يشوفلي وخلاص
امير : شن نعزفلك الاغنيه
انا : تعرف اغنيه نانسي قلبي يقلبي
امير : يييسلااام وبدا يعزف
انا : احمم ئلبي يا ئلبي تركني يائلبي مش هلق وقته ارجع حب ااااه هلق مفيي ومنو بئيديي مابعرف شو صارلو هالئلب
وبديت انغير ف صوتي وانغني بصوت عالي وانسجمت ليين كملت وفتحت عيوني لقيتهم مصدومين وسامر يبتسملي
انا : خيركم وضحكت
نور : ياتافهه اتفو دروحني صاحبتك ماتقوليلي انه تغني
سراج : احني خوتها عايشين معاها اول مره نعرفو يابال انتي
اريج : ياعيني ياعيني عالصوت وصفرت ضربها انور ع راسها
انور : قلتلك معادش اتصفري
حور : ماشاءالله يابقره ابداع صوتك
فراس : اي الله يبارك مواهب
سيف : فيه مواهب تانيه مخبيتها بيش معادش نتفاجئو
انا ضحكت
سامر : اسألوني انا
سند : شني مني
امير : اي اصدمنا اتجي مره وحده خير
سامر : تعرف اتصور وترسم وتعرف تلعب بالسكوتر ولوح التزلج
انور : لااا انتي المفروض يحطوك علامه تجاريه
انا : نضحك : مش لهالدرجه عاد
فراس : ارسميني به
انا : اييحح
حور : ب اي صفه بترسمك ملك جمال العالم ع اساس
قعدنا نضحكو
انا : حاضر ابعتلي صوره لك وتو امتا مانفضا نرسمها
فراس : منوره
سراج : حت انا ديريلي جلسه تصوير وانا انقول خيرها اتلف بالكاميرا ف الحوش تاريتك مصوره
سند : خزي ي حن اخر من يعلم احني
انا : لا ولله محدش يعلم
امير : حت انا نبي جلسه تصوير
انا : حاضر حاضر هي تصبحو ع خير توا ورايا مدرسه بكره
كلهم : تصبحي ع خير
وخشيت رقدت وخشو بعدي بشوي وبعدها البنات كسدن مع خوتي اللي تتعارك واللي تتعرف واللي مع حبيبها
الصبح الساعه 7 وعيت دوشت وجففت شعري ودرت كريماتي وواقي الشمس لوجهي وزمالطو اصفر لاضافري واسبيدرو وشنطه مدرسيه صفرا وشخشير ابيض وزي المدرسي متاعي لونه رصاصي ووشاح ابيض ودرت عطري ولبست الشنطه ورفعت تاليفوني وطلعت الـ 7:30 صبحت ع عماتي وماما يشربن فالقهوه وطلعت لبرا لقيت سامر بيرفعني صبحت عليه وطلعنا لشور المدرسه
سامر : رفعتي تلفونك معاك
انا : ايه
سامر : كان الابله شافاته و سئلاتك قوليلها خوتي مش وسط البلاد تمام
انا : تمام
ووصلنا قدام المدرسه
سامر : نزلنا من السياره : ديري بالك ع روحك ياحن الدنيا
انا : حضنته : حاضر وخشيت لكآبه مشيت قعمزت ف فصلي لين دخلو من الطابوور
.
.........?!
YOU ARE READING
حن الدنيا ♥
General Fictionرواية : حن الدنيا ❤️✨. للكاتبة : Nona Alsebhawy رواية حقيقـيه واقعيـة .. حبيت اليوم نكتبلكم هدي الرواية باش تتعلمو منها معنى الاخوة و الثقة و الحب بينهم والعلاقة المترابطه والتفهم . صح بدايتها عكس اللي كتبته بس مع باقي الحلقات حتشوفو .. نعرفكــم...
