The Mafia Boss' Wife

Chapter 5 - Deal NO Deal

'Di ba nga't honeymoon nila ngayon? Baka konsensyahin ako ng mokong dahil absent siya sa piling ng mala-fishlips niyang asawa.

Nang matapos ako sa pag-aayos ay nagpalit ako ng damit at bumaba na.

"Damn! I will kill you myself if you don't get it right the next ti-" Naputol ang sasabihin sana ni Jax sa kausap niya sa telepono niya nang makita akong pababa ng hagadan. Halata ring nagbago ang expresyon ng mukha niya, kanina nung may kausap siya para siyang galit at pikon. Ngayon ay lumambot ang kanyang mukha at nakangiti na saakin.

Tinaasan ko siya ng kilay nang tuluyan na 'kong  makababa at hindi nalang nagtanong. Bayolente masyado kung magsalita minsan 'tong mokong na 'to. Tsk.

"Breakfast is ready!" Nakangiting sambit niya na parang tanga. He's still wearing my rose gold apron na may gold bits sa seams nito.

Pinanlisikan ko siya ng mata nang makitang ang gulo ng apron ko at nagkamantsa-mantsa pa. Tinapunan ko ng tingin ang mga nakahandang pagkain sa mesa.

Bacon, hotdog, sunny-side up na itlog, toasted bread... na puro itim! I mean may mga parte namang hindi ganon ka itim pero parang ganon din yun eh. Trip ata nitong magka-cancer.

Napakamot siya ng ulong nakangiti na parang nahihiya. Tignan mo 'tong isang to, sa mahigit dalawang dekadang pagsasama namin ngayon pa siya nahiya sa mga luto niyang palaging umiitim?

Inirapan ko lang siya't umupo na dahil gutom na rin naman ako. Bumalik siya dun sa may kusina at nagtanggal ng apron, nadala rin siya ng dalawang tasa ng kape.

"Let's eat." Nagsimula na kaming kumain at hindi ko nalang talaga pinansin yung kulay ng pagkain, sanay na rin naman kasi ako pag si Jax ang nagluluto. Alam kaya 'to ng asawa niya?

Tiningnan ko yung kasama ko na parang balewala lang din sa kanya ang mga sunog na luto niya. Tumayo ako at kinuha yung remote control at binuksan ang tv. Nakagawian ko na kasing makinig ng balita habang kumakain.

"Patuloy pa ring iniimbestigahan ang pagkamatay ng mga prominenteng taong sina Ferdinand at Vianca Barlowe at Paulina Javier."

Pati si Jax ay napatigil sa pagkain at napatingin sa tv gaya ko na naagaw ang pansin sa inanunsyong balita.

"Nitong Linggo lang ay binalitang nawalan ng kontrol ang pribadong eroplanong sinakyan ni Mr. Barlowe. Sunog at sira-sira na 'to nang marespondehan dahil na rin sa impact na natamo ng sinabing sasakyan."

Nilakasan ko ang volume at nanatiling tutok sa balita. Parang biglang nanuyo ang lalamunan ko't pilit na nilunok ang sunog na hotdog at uminom ng mapait na kape na timpla ni Jax.

"Nasundan pa ang trahedyang ito nang sumabog ang isang Italian Restaurant na pag-aari ng pamilya, na kung saan labing-dalawa ang nasawi, kasama rito ang asawa ni Mr. Barlowe na si Vianca at ang kaibigang si Paulina Javier. Labing-siyam naman ang sugatan, kabilang dito ang asawa ni Paulina na si Phillip Javier."