ဘာပဲပြောပြော ဟော်ရူယန်က အခုအချိန်မှာ ရင်းဆုယဲ့ကို ထိခိုက်အောင် မလုပ်ရသေးဘူး။ ဒါကြောင့် ရွှယ်ယို့ရှန်းရဲ့ စကားလေးတစ်ခွန်းတည်းနဲ့ ဟော်ရူယန်နဲ့ အတိက်ကအမှတ်တရတွေကို ပစ်ပယ်ပြီး လူသတ်ခဲ့တာကတော့ ရင်ဆုယဲ့ ဘယ်လောက်အကြင်နာတရားမရှိကြောင်း၊ ရက်စက်တတ်ကြောင်းကို ပြသလိုက်သလိုပဲ။
မဖြစ်လာသေးတဲ့ကိစ္စအတွက် ရင်းဆုယဲ့က ဟော်ရူယန်ကို သတ်ဖြတ်ခဲ့တယ်။ တစ်နေ့နေ့မှာ တခြားကိစ္စအတွက်နဲ့ သူ့ကိုရော သတ်ဖို့ကြံစည်ဦးမှာလား..? ပြီးတော့ ရင်းဆုယဲ့အပေါ်မှာ သူ,ဖုံးကွယ်ထားတဲ့ကိစ္စတွေမှ အများကြီးပဲ။ အဲ့တာတွေကိုသာ ပြောပြလိုက်ရင် သေခြင်းတရားနဲ့ အဆုံးသတ်သွားရလိမ့်မယ်..!
သူ,သေရမှာကြောက်တယ်..!
“ဟော်ရူယန်က ခင်ဗျားကို သစ္စာမဖောက်ရသေးဘူးလေ..!”
အဲ့တာကြောင့် ရင်းဆုယဲ့က ဟော်ရူယန်ကိုတွေ့တွေ့ချင်း ဘာမှမလုပ်ခဲ့တာပေါ့။ အတိတ်ဘဝတုန်းက သူ့အပေါ် သစ္စာဖောက်ခဲ့တဲ့ မိန်းမကို လုံးဝခွင့်လွှတ်မပေးနိုင်ဘူး။ လက်ရှိဘဝမှာ အခွင့်သာနေတုန်း ရှင်းပစ်ရမှာပဲ။ ပြီးတော့ သေလမ်းရှာနေခဲ့တာက အဲ့မိန်းမပဲလေ။ ကောင်လေးကို သတ်ဖြတ်ဖို့ကြံရဲတယ်။
အဲ့တော့ အန္တရာယ်များလွန်းတဲ့ မိန်းမကို အသက်ရှင်ခွင့်ပေးစရာအကြောင်း မရှိတော့ဘူး။ ကောင်လေးကို ထိခိုက်အောင်မလုပ်ခင် ကြိုပြီးလက်ဦးမှုယူထားရမယ်။ ဒါပေမဲ့ ရင်းဆုယဲ့က ဒီအကြောင်းတွေကို ရွှယ်ယို့ရှန်းကို ပြောပြမှာမဟုတ်ဘူး။ ကောင်လေးလိုမျိုး သန့်ရှင်းစင်ကြယ်တဲ့ လူသားတစ်ယောက်က ဒီလိုညစ်ညမ်းတဲ့အပြစ်တွေကို သိစရာမလိုဘူး။
(TN : Meli ဆွံ့အသွား..!!!)
“အဲ့တာဆို ဘာလို့သတ်လိုက်တာလဲ..?”
ရွှယ်ယို့ရှန်းတစ်ယောက် ရင်းဆုယဲ့ရဲ့ ထူးဆန်းတဲ့အတွေးတွေကို လိုက်မမှီတော့ဘူး။ ရင်းဆုယဲ့က ဟော်ရူယန် ဘာမှမလုပ်ရသေးမှန်း သိနေရဲ့သားနဲ့ အတိတ်ရဲ့အမှတ်တရတွေကို ထောက်ထားပြီး ဒီလိုမလုပ်သင့်ဘူးလေ..!
သူ,မသိလိုက်ခင်မှာ ဘာတွေဖြစ်သွားတာပါလဲ..?
“သူမ,သစ္စာဖောက်လိမ့်မယ်..”
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
