مجنونة اقتحمت حياتى (مكتملة )

الخاتمة

ضربته على صدره بعدما ابتعدت عنه وقالت
-: ده بعينك ..

اخذت الفستان وذهبت الى غرفة الملابس حتى ترتديه ...

نظر احمد فى أثرها بعشق وهو يغمض عينيه فقد مر اكثر من ثلاثة سنوات على زواجهم وهو مازال يعشقها حتى النخاع ...

           □●□●□●□●□●□●□          
فى الاسفل
   وقف خالد كبير العائلة ومعه دلال وقال
-: هما الولاد لسه مجهزوش ..

-: انا بعتلهم نعمة زمانهم هينزلوا حالا ..

-: مش عارف ايه الى خلانى اوافق على الخطوبة دى مش كان اتجوز دليلة زى ما بابا كان عاوز !!

-: اولا الجواز ده قسمة ونصيب وبعدين دليلة صغيرة اوى على حمزة وزى ما انت شايف فرق حوالى ١٠ سنين بينهم ..

-: لا بس بردو بنات العيلة متخرجش برا ..

-: يا خالد العصر اتغير مبقاش زى زمان واهو انت شايف بنفسك جاسر ونجلا فشلوا فى جوازهم رغم حبهم لبعض ..

-: بس شايف ماشاء الله  هانيا واحمد    و بسمة وسراج رغم الاختلاف الكبير الى بينهم نجحوا فى جوازهم ..

-: سراج وبسمة دول حاجة تانية .. كفاية ان بسمة حاولت انها تقرب من سراج وهو كمان ساعدها بده لما خلاها تدخل جامعه مفتوحة وكمان اشتغلت معاه بالشركة ..

-: فعلا فكرة شغلها ده كام مهم جدا انا بتمنى ان سراج فعلا يكون السند والامان ليها الى يعوضها عن حرمنها من شريف الله يرحمه ..

  جاء  جاسر  وقطع حديثهم وقال
-: النميمة على مين النهاردة ..

ضربته دلال بخفة وقال
-: ولد عيب تقول كده ! ... اه وبعدين انا كنت عاوزة اتكلم معاك فى موضوع ..

حك ذقنه وقال
-: امم ياترا ايه الموضوع ..

-: فى عروسة هوريهالك النهاردة فالفرح عالله بس متعترضش عليها ..

قلب عينيه بملل وقال
-: مانتى عارفة يا عمتى رأيى فالموضوع ده !

وضعت كفها على كتفه وقالت
-: جاسر يا حبيبى نجلا واتجوزت وسافرت مع جوزها وبدات حياتها من جديد اما انت نفسي اطمن عليك ..

قاطع حديثها وقال
-: انا ولا رافض الجواز عشان نجلا او غيرها انا حابب اعيش كده وبعدين مين عارف مش يمكن لسه ملقتش الانسانة الى تشدنى ليها او احبها ..

ابتسمت دلال وقالت
-: يعنى في امل ..

هز رأسه وقال
-: اطمنى اول ما الاقى الانسانة دى هتكونى اول حد هعرفك عليها ... سلام بقى انا هسبقكم عشان حمزة مستنينى يادوب ألحق ..

خرج سريعا حتى لا يعطيها فرصة لجداله من جديد جلس خلف مقود سيارته ووضع كفيه يغطى وجهه ، حتى الآن لم ينساها مازال يحبها اضناه الحنين اليها ، على الرغم من انها هجرته وتزوجت بأخر وطعنت قلبه  الا انه مازال يكن مشاعر لها ..