𝐔𝐍𝐈𝐂𝐎𝐃𝐄;
" ဂျီမင်ရေ ကျွန်ုပ်သွားပြီနော် "
" ဂရုစိုက်သွားဦးနော် အစ်ကို "
ဈေးရောင်းရန် ထွက်သွားသော ဆော့ဂျင်ကို မှာစရာရှိတာမှာပြီး ထင်းခွဲရန် ပြင်နေသော ဂျီမင်။ သူများအိမ်မှာ အလကားလာနေရသည်မို့ လုပ်တတ်သလောက်၊ လုပ်နိုင်သလောက်ကို မခိုကပ်ဘဲ လုပ်ပေးလေ့ရှိသည်။ အိမ်ရှေ့စံတစ်ပါးမို့ ဆော့ဂျင်က အားနာပြီး ဘာမှမလုပ်ရန် ပြောသော်လည်း အချည်းနှီးသာ။ ခေါင်းမာသည့် ဂျီမင်က လက်မခံ။ နှုတ်ကနေလည်း အိမ်ရှေ့စံ မဟုတ်တော့တဲ့အကြောင်းကို ခဏခဏ ပြောတတ်သေးသည်။
" ထင်းခွဲမယ် ထင်းခွဲမယ် "
တစ်ယောက်တည်း ပွစိပွစိရေရွတ်ပြီး ထင်းခွဲနေသောသူ။ ဆော့ဂျင်နှင့်အနေကြာလို့လားမသိ။ အကျင့်တွေတောင် ကူးလာလို့။ ဆော့ဂျင်ဆိုလည်း တစ်ယောက်တည်း အလုပ်လုပ်နေသည့်အချိန်ဆို ဘာတွေပြောမှန်းမသိ ပွစိပွစိဖြင့် ပြောနေတတ်တော့တာပါပဲ။ နှုတ်ခမ်းကလည်း ထော်လို့။
" ထင်းခွဲပြီးရင် ဘာလုပ်ရမလဲ။ မသိသေးဘူး၊ ထင်းခွဲမယ် ထင်းခွဲမယ်။ "
" အိမ်ရှေ့စံလေး "
" အထိန်းတော်ချွန်း လာပြန်ပြီ။ "
မနေ့ကမှ တွေ့ထားတာကြောင့် နောက်ထပ် ရက်ပိုင်းလောက်ကြာမှ လာမည်ဟုထင်ထားပေမယ့် အထိန်းတော်ချွန်းက သည်နေ့လည်း ရောက်လို့လာတာကြောင့် အကြောင်းကိစ္စ အထွေအထူးရှိလို့များလားဟူ၍ တွေးလိုက်မိသည်။
" ဘာဖြစ်လို့လဲ။ "
" ဘာမှမဖြစ်ပါဘူး။ မင်းကြီး ပေးခိုင်းလိုက်တာလေး။ "
တစ်ဆယ့်သုံးရက်တောင် လိုသေးပေမယ့် ကဗျာက ရောက်လာပြီ။ သည်တစ်ခေါက် စောလွန်းပါလား။ ဘာများဖြစ်လို့ပါလိမ့်။
မစိုးရိမ်ဘူးဟုပြောလျှင် လိမ်ရာကျမည်။ ဂျောင်ဂု တစ်ခုခုများ ဖြစ်နေသလားဆိုသည့် စိုးရိမ်စိတ်က သူ့အတွေးထဲသို့ ဝင်ရောက်စိုးမိုးလို့လာသည်။ သူကသာ စိုးရိမ်စိတ်များနေပေမယ့် အထိန်းတော်ချွန်းကတော့ ဘာမှဖြစ်ပုံမရပေ။ အကြောင်းစုံကို သိရအောင် ကဗျာတွေအား ဖွင့်ဖတ်လိုက်တော့သည်။
![](https://img.wattpad.com/cover/281118671-288-k728855.jpg)
YOU ARE READING
One Summer's Poem
Fanfictionနှလုံးသားလေး နူးနူးညံ့ညံ့၊ ပွန်းပဲ့လွယ်မှာ စိုးရတယ်။ ႏွလံုးသားေလး ႏူးႏူးညံ့ညံ့၊ ပြန္းပဲ့လြယ္မွာ စိုးရတယ္။ Kookmin