ရင်းဆုယဲ့ဆီကသာ အဲ့လူနဲ့ပတ်သက်ပြီး တစ်ခုခုသိနိုင်ခဲ့ရင် ဒါမှမဟုတ် အဲ့ရတနာပစ္စည်းကို ရနိုင်ခဲ့ရင် သူမရဲ့စွမ်းအားလည်း ရင်းဆုယဲ့လို အချိန်တိုအတွင်း အဆင့်တက်သွားမှာပဲ။ ရင်းဆုယဲ့ကို ခယနေတာက ဒီအကြောင်းအရင်းကြောင့်လည်း ပါတယ်။ သူမရဲ့ အကျိုးအတွက် ဒေါသတွေကို မြိုသိပ်ထားပြီး ရင်းဆုယဲ့နဲ့ နီးစပ်နိုင်အောင် ကြိုးစားရမယ်။
“ကိုကိုဆုယဲ့.. အတိတ်က ကျွန်မတို့ရဲ့ ရင်းနှီးမှုတွေကို ကိုကို မေ့ပစ်လိုက်ပြီလား..?”
ရင်းဆုယဲ့ရဲ့ လက်မောင်းကြားမှာ ဇိမ်ကျနေတဲ့ ကောင်လေးကိုကြည့်ပြီး ဟော်ရူယန်တစ်ယောက် မျက်စိဆံပင်မွေး စူးနေတော့တယ်။ ရင်းဆုယဲ့ရဲ့ ထွေးပွေ့အလိုလိုက်မှုကို ရသင့်တဲ့လူက သူမပဲ..! ဒါပေမဲ့ ဒီသောက်ကလေးစုတ်က သူမရဲ့ နေရာကို လုသွားတယ်။ သူမနဲ့ ရင်းဆုယဲ့ကြားက ခင်မင်မှုကိုတောင် ဖျက်လိုဖျက်ဆီးလုပ်ချင်နေသေးတယ်။
တကယ့်အနှောင့်အယှက်ပဲ..!!!
ရင်းဆုယဲ့ကို သေချာပေါက် ပြန်ပြီးဆွဲဆောင်နိုင်စေရမယ်..! ရင်းဆုယဲ့ရဲ့ အပြုအမူတွေက ဘာလို့အရမ်းပြောင်းလဲသွားတာလဲ မသိပေမယ့် သူမအပေါ် အရင်ကထက် ပိုကောင်းလာအောင် လုပ်ရမယ်။ ရှိသမျှနည်းလမ်းအကုန်သုံးပြီး ကြိုးစားနေသရွေ့ အောင်မြင်မှုရလာမှာပဲ။
သူမ လုပ်နိုင်တာမှန်သမျှ အကုန်လုပ်ရမယ်..!
ဒါတွေအကုန်လုံးက မြို့တော်မှာ ရှင်သန်နိုင်ခဲ့တဲ့ အတွေ့အကြုံတွေပဲ။ ဟော်ရူယန်က သူမနဲ့ ရင်းဆုယဲ့ကြားက အမှတ်တရတွေကို အသုံးချပြီး အပြစ်ကင်းသူလေးလို ဟန်ဆောင်ဖို့ ဆုံးဖြတ်လိုက်တယ်။ ဒီနည်းလမ်းက ရေခဲတုံးကြီးကို ထိုးဖောက်နိုင်ဖို့ အကောင်းဆုံးနည်းလမ်းပါပဲ။
“ကျွန်မ ငယ်ငယ်လေးကတည်းက ကိုကို့ကို အတတ်နိုင်ဆုံး ကူညီပေးခဲ့တယ်လေ.. ကိုကို ဒုက္ခရောက်နေတဲ့အချိန် ဂရုစိုက်ပေးခဲ့တဲ့ တစ်ဦးတည်းသောသူက ကျွန်မပဲ.. ကိုကိုဘာမှမရှိတဲ့အချိန် အစားအသောက်နဲ့ ကစားစရာတွေ ခိုးပေးခဲ့တဲ့လူက ကျွန်မပဲ.. ကိုကို အနိုင်ကျင့်ခံရတိုင်း ကိုကို့ဘက်က ရပ်တည်ပေးခဲ့တာလည်း ကျွန်မပဲ.. ကိုကို့ကို ကာကွယ်ပေးခဲ့တယ်.. ကိုကို့ကို ဆေးဝါးတွေ ပေးခဲ့တယ်လေ.. ဒါတွေကရော..?”
YOU ARE READING
ဝိဉာဉ်ကူးပြောင်းခဲ့ပြီးနောက် သောက်တလွဲတွေဖြစ်ကုန်ပြီ!
Fantasyဝိဉာဥ္ကူးေျပာင္းခဲ့ၿပီးေနာက္ ေသာက္တလြဲေတြ ျဖစ္ကုန္ၿပီ..! ... သူလုပ်ခဲ့မိသမျှထဲက အဆိုးဆုံးတစ်ခုကို ပြောပါဆိုရင် -'ရာဇဝင်ထဲက အင်အားအကြီးဆုံးအရှင်' ဆိုတဲ့ဝတ္ထုကို ရေးခဲ့မိတာပဲ... သူ့ဆီမှာ ဖြစ်ပျက်သမျှတွေထဲက ကံအဆိုးဆိုးတစ်ခုကို ပြောပါဆိုရင်တော့ -သူရေးခဲ...
